【落雨季節不速之客】飛蟻＝白蟻？

每逢四月至七月既下雨天，屋企總會經常出現飛蟻（又稱大水蟻或螱）既蹤影。呢啲體型大約四至五毫米、背後有一對透明大翅膀既小昆蟲，其實就係未脫翼既白蟻繁殖蟻。佢哋特別鍾意係夜晚同落雨既時候出沒，而且極具趨光性，一見到屋企既燈光就會蜂擁而至。不過唔使太擔心，佢哋既飛行能力其實好有限，通常最多只可以飛離原本個巢大約四百米左右。

飛蟻係同普通蟻一樣？又應該點樣預防呢？

白蟻同飛蟻點分辨？白蟻係主要食有機物，而且白蟻係得一條觸角，但螞蟻觸角就有兩條。白蟻有生殖能力，會係落雨既時候生出兩對小翼，方便佢哋搵地方避雨，同埋搵個適當既地方起巢繁殖後代。專蛀木材、紙皮、蔗渣板等物料。加上香港環境非常適合飛蟻生存，因為好多住宅大廈既牆身都有蔗渣板成份，飛蟻只要有機會，就會入侵屋企，即使細到得 1/64 吋既裂縫，白蟻都可以穿入，真係無孔不入。

白蟻分為三種，蟻王蟻后、兵蟻、工蟻，再分為兩類，生殖型白蟻和非生殖型白蟻。

蟻王蟻后職責

蟻巢既最高核心，蟻后體型龐大，專門負責瘋狂生蛋，屬於生殖型白蟻。

兵蟻特徵

頭部大、有強壯大顎，唯一任務就係打仗，保護蟻巢安全，無生育能力，屬於非生殖型白蟻。

工蟻角色

負責築巢、搵食同照顧全家，亦係咬爛木傢俬既元兇。同樣無生育能力，屬於非生殖型白蟻。

【港人北上你要知】3-8人嘅聚會都可以叫到會美食？小型到會推介美食外賣服務，相信大家都知道到會套餐一般會因應派對或聚會參與人數制定份量，但依加搞小型活動或者Party好多時都係幾個知己閨密，而坊間好多到會公司嘅到會套餐都係8人以上起跳，所以唔係⋯⋯　繼續閱讀

飛蟻飛入屋企，點樣處理？

當飛蟻入屋之後，佢哋會脫左對翼，然後搵到對象，就會交配大量繁殖，所以如果出現少量飛蟻，大家可以用吸塵機吸走，太大量既話，真係需要搵專業滅蟲公司解決。

不過最好既方法係，未雨綢繆，預防勝於治療。小編建議大家屋企保持乾淨整齊，唔好堆積報紙、紙箱等雜物，避免白蟻有機會起巢。如果屋企大量木製傢私，大家可以塗返啲防蟲既物料，減少被白蟻侵蝕。當落雨時，盡量拉起窗簾同閂窗，避免屋企既燈光，吸引到啲飛蟻入屋，或者，屋企長期受到飛蟻影響，不妨考慮裝窗網，又可以防蚊，又可以防蟲，一舉幾得嫁。甚至，大家可以利用滅蠅燈，因為飛蟻比較受紫外線引誘，雖然坊間有話白燈比黃光更容易引到飛蟻，但其實紫外線先係主因。

古老滅蟻方法都行得通？

如果屋企無任何滅蟲裝備，大家可以參考一個民間「古老」方法：就係響屋企熄晒其他燈，淨係開一盞燈，並係燈光下面放一盤水，利用佢哋既趨光性將飛蟻引到水入面。秘訣係要係水入面加幾滴洗潔精，咁樣可以破壞水面張力，等飛蟻一跌落去就無得掙扎。不過千萬唔好隨便噴殺蟲劑，否則只會驚動到佢哋，令蟻群四散到屋企其他角落起巢，到時侯仲難處理！

想治本既話，最簡單就係黃昏開燈時段緊閉窗戶，或者拉埋厚窗簾，將光線遮住。只要斷絕室內光源對外既吸引力，飛蟻自然就會飛去其他地方，唔會入你屋啦！