購物車內無任何商品
posts
【日本都有農曆？】12個月份逐一向你解構
【日本都有農曆？】12個月份逐一向你解構
香港人平時都知日子會有分西曆（或稱：新曆／陽曆／洋曆／公曆／西元）同農曆（或稱：舊曆／陰曆／中曆），特別迷信嘅人就會擇日做事，例如入伙、開張、結婚喜慶，或者有宗教信仰嘅就初一十五食齋，咁大家又知唔知道原來日本都有農曆嫁。
日本農曆由來
其實日本傳統舊曆法叫和曆（音：Wareki），類似中國既農曆。係7世紀左右，日本大受我地唐代既文化影響，當時更係本國推行中國既農曆，後來慢慢開始採用日本自己本土編寫既傳統農曆。
去到明治維新時期，日本天皇廢除左傳統曆法，開始推行西方現行既西曆。但同時依然保留左舊曆法中既傳統節句，同埋二十四節氣等，另外，舊曆中使用既月份別名亦都仲係現行既公曆中出現嫁。
和曆月份別名所象徵既節氣，同而家新曆法雖然有少少唔同，但日本都仲係好鍾意用呢D好靚既名黎稱呼12個月份。
到會美食餐單
一月（日文：いちがつ）
一月被稱為睦月（日文：むつき；音：Mutsuki）
「睦」有和睦，與人保有良好關係既意思，亦有表示新年團圓既含義，係新年既時候，親朋戚友們和睦地咁一齊相聚（日文：お正月に家族や親戚が集まり、睦み合う），所以就有「睦月」既叫法。
二月（日文：にがつ）
二月被稱為如月（日文：きさらぎ；音：Kisaragi）
由「衣更着（きさらぎ）」這個漢字同讀音演變出黎既，因為2月係融雪季節，寒意最強既月份，需要著更多既保暖衣物（寒さが厳しく重ね着をする）既意思。
三月（日文：さんがつ）
三月被稱為彌生（日文：やよい；音：Yayoi）
因為已由冬天進入春天既時候啦，「彌」代表「越來越、終於（ますます、いよいよ）」，「生」就代表「草木茂密（草木が生い茂る）」，所以三月就被叫「彌生」啦。
四月（日文：しがつ）
四月被稱為卯月（日文：うづき；音：Uzuki）
踏入左花開既季節，而係日本更會出現好多小白花，呢種小白花係日本原產既卯花，所以4月有「卯花盛開的季節（卯の花の月）」既講法。另外，「卯」係十二地支入面既亦有4既意思。
五月（日文：ごがつ）
五月被稱為早苗月（日文：さなえつき；音：Sanaetsuki）
五月開始，屬於農民種植農作物既時候，亦即係播種插秧既月份，之後讀音被簡單化，變成「さつきSatsuki」，而漢字寫法就變成「皐月」啦。
六月（日文：ろくがつ）
六月被稱為水無月（日文：みなづき；音：Sanaetsuki）
呢個叫法有2個講法， 第一種係因為6月份既時候，梅雨季結束，每一個田都有好多水，呢度既「無」唔係我地平時既意思，而係表示「的（の）」咁解，所以「水無月」等於「水的月」。 第二種係因為梅雨季結束之後，就好少落雨，另外，亦有可能係指D水會流入田，令到其他地方就無水啦，於是就稱「水無月」啦。
【最佳遊日時機】日本係好多香港人嘅故鄉，再加上近年日圓匯價偏低，思鄉之情就更加濃烈，而日本亦即將踏入黃金周，一連7日嘅假期，許多優閒活動都集中在4月底至5月初的一周內，屆時將會人頭湧湧，酒店價格亦會上升，有意遊日的話，先了解日本三個長假期⋯⋯ 繼續閱讀
七月（日文：しちがつ）
7月被稱為文月（日文：ふみづき；音：Humizuki）
日本人係十分喜愛七月嫁，因為七月係「彦星（牽牛郎）」和「織姫（織女）」既季節，好多日本人會係詩籤（寫詩既長條紙）上面吟詩或寫字。另外，因為7月有好多金黃色既稻穗，所以亦有「穗含み月（ほふくみつき）」既稱呼。
八月（日文：はちがつ）
八月被稱為葉月（日文：はづき；音：Hazuki）
踏入農曆八月，已經慢慢開始轉秋天啦，而即代表係落葉既季節（葉が落ちる月），尤其係日本東北或北海道等地方，後來逐漸簡化左個名稱，變「落葉月（葉落ち月）」。
九月（日文：くがつ）
八月被稱為長月（日文：ながつき；音： Nagatsuki）
九月已經係秋季啦，正所謂日短夜長，所以日本人就會覺得秋天既夜晚長（秋の夜長），所以就有「夜長月」既叫法。另外，亦因為有稻成熟「稲熟月（いねあがりづき）」既說法。
十月（日文：じゅうがつ）
十月被稱為神無月（日文：かんなづき；音：Kannazuki）
同六月既「水無月」都係有2種講法，而且都係有少少相似嫁。第一種係因為，10月份是係祭祀神明既月份，所以叫「神無月」，呢度既「無」都係代表「的（の）」咁解，所以「神無月」等於「神的月」。第二種就係每年農曆10月，全國眾神明都會係島根縣既「出雲大社」聚集，舉行為期一星期既「神在祭」，變成其他地方都無神明，所以又叫「神無月」啦。
十一月（日文：じゅういちがつ）
十一月被稱為霜月（日文：しもつき；音：Shimotsuki）
農曆十一月既時候，已經轉入冬季，即係會結霜既寒冷季節（霜降り月）。另一方面，仲有樹木凋零「凋む月（しぼむつき）」既含意。
十二月（日文：じゅうにがつ）
十二月被稱為師走（日文：しわす；音：Shiwasu）
農曆十二月，日本人去到年尾近新年期間，會比較多祭祖既習俗，同時會邀請和尚﹑僧侶﹑法師﹑師父﹑御師（在神社寺廟照顧參拜者既人）等既大師到屋企誦經，佢地年尾四處走，故此命名呢個叫法。
節日到會推介
以上就係日本農曆既特別叫法，等大家了解多D以前既日本人為左月份既名花好多心思，真係好有意思嫁。就好似我地Kama Delivery Catering咁，一到特別大日子，都會推出好多限定節日到會套餐，等大家係呢D大時大節唔使煩食咩，尤其係聖誕節、農曆新年、中秋節、父親節同母親節等。
聯絡我們
追蹤我們延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
