懷孕期飲食建議7種營養素【準媽媽必讀】

懷孕時，孕婦都會擔心吸取唔夠營養俾自己同肚入面既BB，或者因為孕吐而無胃口進食，特別喺懷孕初期，不過每個人都會有唔同既徵狀，大家準媽媽唔使太過擔心，心情狀態雖然會有影響，但飲食上都有好多方法去調節，小編先同大家溫故一下懷孕期既飲食方向啦。

孕婦可以根據個人口味同喜好，搭配以下唔同既食材，除了均衡飲食之外，亦可以確保孕婦同寶寶吸取唔同既營養。

葉酸屬於水溶性維生素，負責體內重要既生理代謝作用，調節細胞代謝同細胞分裂的既輔酶，係細胞（例如紅血細胞同免疫細胞）生長既必備營養物質。如果懷孕期間葉酸不足，可能會造成BB出生時體重過低，亦會增加神經管畸形風險，包括無腦畸胎或脊柱裂。

孕婦因為BB既需求而容易出現缺鐵情況，如果長期缺鐵，一定影響到胎兒生長既發展遲緩，亦容易早產。

鈣質係構造骨骼既元素之一，而人體內既99%鈣質係骨骼同牙齒，另外1%係血液及同其他細胞組織內，負責神經傳遞、肌肉收縮、凝血等生理功能。孕婦係懷孕期可能會因為缺鈣，而容易出現精神焦慮，或出現半夜腳抽筋情況，影響到睡眠質素。

蛋白質係人體內最基本既生命物質，構成胎兒組織器官主要成份之一，尤其對腦部發育重要，同時，蛋白質唔止提升孕婦免疫力，仲會提高寶寶既先天免疫力。

維生素A屬於脂溶性維生素，有助製造眼睛感光細胞，以及維持皮膚健康，如果維生素A唔夠，可能會使孕婦皮腹出現乾癢既問題、同令免疫力下降等。

孕婦於孕期時適量服用維生素C，可以令BB大腦發育更健全。

Omega-3脂肪酸包括EPA、DHA及ALA。當中DHA可以促進胎兒既腦部發育。