【ADHD多動症9個症狀】家長應如何面對？

【ADHD多動症9個徵狀】家長應如何面對？

過度活躍症及專注力不足（簡稱：ADHD）困擾好多小朋友，據統計一個班別如果有30個學童，其中就會有一至兩個學童患有注意力不足過動症，患者大腦運作與一般人有異，尤其集中能力及抑制衝動嘅能力較低，而男學童患上ADHD嘅機會率比女生高出3-4倍；不單止兒童，其實大人一樣會有機會患有多動症問題，但ADHD嘅成年人確診患者反而係女士較多，而患上ADHD嘅學童亦容易被忽略，家長有時會以小朋友嘅性格定義行為，錯失治療嘅黃金時間。

暫時只知道患上專注力不足或過度活躍症與基因有關，成因不明確，而男童患上ADHD嘅機會率比女童高主要有2個原因，第一由於患者抑制衝動能力低，男生性格傾向衝動、好動、活躍，所以較容易患上ADHD，亦較容易察覺徵狀，第二女生患上ADHD病徵與男生不一樣，更容易被家長忽略，而女生長大後病徵會愈發明顯，所以成人患者中女士確診患上ADAH比率較男士高就係咁嘅原因，但不代表女士長大後才患病。

但做爸爸媽媽要留意，專注力不足並不等同於過度活躍症，只係患者一般會出現兩者嘅病徵，根據美國醫學研究，AD（Attention Deficit）專注力不足係一種與記憶力、視動功能、訊息篩選及處理速度有關的疾症；HD（Hyperactivity Disorder） 過度活躍症與自我控制能力有關，即患者不能控制自己行為，反被行為控制，想做就做。就男童女童嘅患病比例，AD為2:1；HD為10:1，AD影響行為，所以女童患上專注力不足一般長大後先察覺到。

男童女童罹患專注力不足及過度活躍症嘅病徵相約，但由於女童行為上掩飾得比較好，難以察覺，不過亦可從以下病徵窺探一二，即刻睇吓你嘅小寶貝們有冇出現以下ADHD症狀啦！幼兒多動症症狀包括：

以上ADHD徵狀如果都有出現，亦千萬唔好灰，正常小朋友都會有以上問題，但如果發覺問題一直屢勸不改、甚至愈發嚴重，就最好搵專業人士幫小朋友做ADHD測試評估一下，以免錯過治療嘅黃金時間。

罹患ADHD並不等於患上自閉症，由於患者嘅思想、行為與同齡小朋友存在分別，行為衝動愛破壞，會漸漸被孤立甚至被欺負，形成自我形象低落，對身邊的人產生敵意，尤其得唔到老師、家長嘅體諒，或因行為遭到鐵腕式對待，慢慢會惡化成自閉症，出現更激烈嘅暴力及叛逆行為，帶來不可挽救的後果。

專注力不足及過度活躍症雖沒有根治的方法，但治療上可透過藥物及行為訓練，可緩減相關症狀，藥物可以刺激患者中樞神經，改善患者注意力、增強情緒控制，提升大腦腎上腺素濃度改善專注力、抑制衝動及過動，不過精神科藥物或多或少會有副作用，所以最好都係用行為治療法。

專注力不足及過度活躍症並非洪水猛獸，家長亦唔應該逃避治療，甚至嚴重患者其實未必適合一般學校生活，雖然ADHD係一種病，但其實唔少名人都有呢個問題，當中表表者就係長年高居福布斯世界富豪排名前十，微軟創辦人之一嘅比爾蓋茲（Bill Gates），所以作為爸爸媽媽應該要正面面對，話唔定被評為天才型ADHD都唔定架！