屬狗朋友2025年運程大好，2025年屬於紅鸞桃花年，除大利戀愛運之外，拍緊拖嘅有機會拉埋天窗，而桃花帶旺人緣，事業上有貴人相助，加上「月德」、「板鞍」兩粒吉星高照，大利事業運，而凶星方面只有「死符」、「小耗」，對整體運程冇太大負面影響。

2025年係屬龍朋友嘅天喜桃花年，與屬狗嘅朋友一樣，戀愛運、人緣、事實都會有所提升，但2024年本命年嘅影響下，年初運程可能亦會有少少影響，不過有吉星「陌越」照耀，地位有機會提升，凶星亦只有是非星「囚獄」及「病符」，屬小凶星，影響不大。

2025年係屬馬朋友嘅事業及財運提升年，但感情方面比較多霧水情緣，易聚易散，咸池桃花嘅影響下，人緣亦會向好，2025年應把握鞏固及提升地位，而留意吉星有「太陽」照耀，代表男貴人，如果上司、拍檔、同事係男人對事業運會天有幫助。

所謂蛇雞相合，屬雞嘅朋友2025年運程不錯，無論財運、事業、感情俱佳，與伴侶感情會更加穩定，吉星方面有「地解」、「將星」、「三台」拱照，事實運向好，地位亦有望提升，仲有代表財運嘅吉星「金匱」，不過需留意避免干犯官非，因為2025年有「飛符」及「官符」等凶星纏擾。

屬牛嘅朋友2025年運程表現不過不失，與太歲遙合，即貴人會於異地出現，適合需公幹嘅朋友，凶星「天哭」、「羊刃」主要影響心情，容易情緒低落，脾氣變差，屬小影響，「華蓋」星能量令屬牛者2025年更適合發展藝術創作。

同樣與太歲遙合嘅仲有屬羊嘅朋友，事業、財運甚至感情運都係響異地會有更好嘅發展，隨時旅行都有可能遇上可發展嘅對象，但整體運程平平，無大吉亦無大凶」。

子鼠2025年整體運程不如2024年，幸好有「玉堂」、「龍德」及大吉星「紫微」拱照，更有機會獲得機會及備受賞識，與太歲暗合，感情運唔算理想，不過整體運程唔算差，勉強稱得上中上。

屬兔嘅朋友2025年運程亮點係事業運，有「八座」及「驛馬」星拱照事業，不過驛馬星作用下，屬兔的朋友有更多機會需公幹外出，「八座」亦有利升職，但財運、感情運運程平平，未能有新突破。

屬猴嘅朋友2025年需與太歲迎合，有利於人緣感情，尤其要留意身邊女貴人，「太陰」代表女貴人，包括女上司、同事及拍檔，可提拔事業，但凶星亦唔少，包括「天官符」、「孤臣」、「亡臣」，容易影響工作情緒，失去方向，宜積極面對挑戰，解決不了向身邊人求助，尤其女貴人，勿鑽牛角尖。

屬豬嘅朋友2025年需與太歲迎合，有利於人緣感情，尤其要留意身邊女貴人，「太陰」代表女貴人，包括女上司、同事及拍檔，可提拔事業，但凶星亦唔少，包括「天官符」、「孤臣」、「亡臣」，容易影響工作情緒，失去方向，宜積極面對挑戰，解決不了向身邊人求助，尤其女貴人，勿鑽牛角尖。

屬虎嘅朋友2025面對不少挑戰，刑害雙重犯太歲會有不少解決唔到嘅麻煩事，記得攝一攝太歲以求庇蔭，在「捲舌」、「天哭」、「劫煞」等凶星影響下，容易與朋友產生矛盾及破財，不過有幸喺吉星「福德」、「福星」及「天德星」嘅拱照下，麻煩會遇上貴人協助，犯太歲年間宜靜不宜動。

2025年係屬蛇嘅本命年，整體運程欠佳，攝太歲係基本操作，犯正太歲加上凶星環繞，包括「劍鋒」、「伏屍」、「血刃」，代表容易因金屬受傷如刀傷，宜洗牙應劫，「指背」及「浮沉」代表是非多並欠缺突破，吉星有「天解」及「解神」，正宗凶多吉少，宜萬事小心，勿輕信他人。