【如何激勵員工士氣?】10個方法讓你的千里馬變萬里馬

激勵員工士氣 | 10種方法幫你打造最佳打工環境

激勵員工士氣 【10個方法讓你的千里馬變萬里馬】

所謂員工好,生意自然好,作為管理層學識如何激勵員工士氣好緊要,生意難搵,人才更加難搵,三國時期劉備三顧茅廬都要搵諸葛亮出山做軍師,可見人才嘅重要性係古往今來,搵到千里馬之後,更重要嘅係留住佢嘅心,打工仔有句名言,東家唔打打西家,亦有一句做生不如做熟,你團隊屬於前者定後者,取決於響東家嘅際遇、報酬外,亦包括成就感、人事關係、歸屬感等,所以激勵員工有助提高團隊士氣外,亦會帶來其他正面效益,包括團隊向心力、團結精神、正向思維等,以下10個激勵團隊方法,令你嘅千里馬變萬里馬,伴隨公司走得更遠更強大!

10個激勵員工士氣嘅方法

1. 聆聽及交流

激勵員工士氣 | 聆聽及交流 | 10個方法讓你的千里馬變萬里馬

作為管理層要有自信,但切忌自大、目中無人,要學識聆聽,唔係左耳入右耳出,聽咗就算,最好可以定期同每個員工交流閒談,關心下佢地有冇工作上或者情緒上難題,以至員工個人及家庭生活,建議高級員工一對一定期交流,其他員工可以定期開團隊交流會議,員工會感受到公司嘅關愛,提高歸屬感。

2. 為員工定立工作目標及方向

為員工定立工作目標及方向 | 提昇同事士氣 | 10個方法讓你的千里馬變萬里馬

要激勵團隊的話,最緊要團隊知道如何達成目標,循邊個方向行動,一步一個腳印地參與其中,唔係叫佢哋自己諗辦法,當然,整個過程進度管理層必須瞭如指掌,久唔久問下跟進下狀況,Deadline前驗收,可能你係信任團隊,但容易俾員工覺得管理層都唔識緊張,團隊亦無必要同你著緊啦。

3. 賞罰分明

激勵員工士氣 | 賞罰分明 | 10個方法讓你的千里馬變萬里馬

唔理黑貓白貓,捉到老鼠就係好貓,賞罰分明嘅制度下,外國企業係呢方面就做得特別出色,唔會出現某個員工出錯唔駛負責任,或者某個員工表現理想就特別多獎勵,管理層必理訂立完善嘅賞罰制度平衡團隊利益,能激勵團隊工作動力同士氣,同時減少出錯,公平制度亦能造就良性競爭,讓同事們更有上進心。

4. 心靈激勵

心靈激勵 | 提昇同事士氣 | 10個方法讓你的千里馬變萬里馬

物質或金錢獎勵固然重要,但對某啲員工嚟講,特別現今Z世代開始踏入職場,心靈激勵更加能打動人心,舉個例子,賞罰制度公平,而且人人有份,但老闆嘅嘉許唔係成日有機會,老闆基本上唔係話見就見,尤其是大公司,可能由入職到離職你都未必見過佢,一隊寂寂無名嘅Team收到嚟自大老闆嘅嘉許郵件、或者親自頌獎,會令員工成就感大增、士氣激昂,當然,如果老闆安排唔到時間,搵區域總監等高管代表亦係可行的,今時今日要做個貼地管理層先至得!

5. 合理地參與下屬嘅團建活動

激勵員工士氣 | 合理地參與下屬的團建活動 | 10個方法讓你的千里馬變萬里馬

留意,唔係一般Team Building團建活動,好多打工仔會收工Happy Hour一下,飲下酒吹下水,作為管理層應該久唔久參與下,但唔好由管理層牽頭,免得下屬們唔好意思而唔去,但下屬自行組織嘅活動亦唔好次次去,久唔久參與下有助拉近同團隊成員間嘅關係,不失為一個另類激勵員工士氣嘅方法,而且你仲可以觀察到員工們嘅真性情一面。

6. 避免辦公室戀情

避免辦公室戀情 | 提昇同事士氣 | 10個方法讓你的千里馬變萬里馬

作為管理層,與下屬發展地下情絕對係職場大忌,腦細最緊要辦事公平、光明磊落,辦公室戀情一定要堅持唔好發生,就算你唔打算偏袒,都唔會有同事信你,最後只會眾叛親離,人非草木,如果你係一名受薪管理層更有可能烏紗不保,因為唔止你,你嘅對象都一樣會俾人閒言閒語,所以拍拖行遠啲,團隊走遠啲,正所謂喺度食唔好喺度屙丫嘛。

7. 為團隊失策負責

激勵員工士氣 | 為團隊失策負責 | 10個方法讓你的千里馬變萬里馬

「出事走左佬,領功實見到」係一個不受擁戴嘅管理層必定有嘅特質,帶領嘅團隊亦只會各自為政,有損士氣,團隊出錯失策嘅時候用嚟鼓勵團隊士氣就最好不過,解決問題帶領團隊由低谷反彈,會令團隊成員心存感激,亦顯示左自己嘅能力,當然,上面都提及過﹐自己作為管理層都要跟緊啲,始終有啲錯係難以彌補。

8. 避免下班後發WhatsApp俾下屬

避免下班後發WhatsApp俾下屬 | 提昇同事士氣 | 10個方法讓你的千里馬變萬里馬

有好多工作狂管理層就算收工都仍然心繫工作,無論幾點只要一諗到有野Update就即刻Send落Group度,懶理下屬已經收咗工嘅心情,有啲仲過分到睇完要應睇完,否則第二朝又秋後算賬,唔通打份工要On Call 24小時咩?團隊仲邊有精精做嘢呢?科技發達唔係俾你更容易剝削員工嘅利益,合理嘅休息係為咗團隊走更遠嘅路,有開工冇收工只會激勵團隊成隊一齊走。

9. 採納下屬嘅建議 修改好過重新做過

激勵員工士氣 | 採納下屬的建議 | 10個方法讓你的千里馬變萬里馬

所謂一人計短、二人計長,開會度橋大家都應該經歷過,但有啲管理層一聽到少少唔對路,就成條橋Ban左,叫你重新諗過,再諗再Ban不斷輪迴,Ban橋唔係唔得,但如果你可以從下屬嘅建議中取長棄短,具體啲講邊啲好邊度要改,佢再諗嘅時間可以優化好嘅部分,比起講親都Ban,不如求其交啲嘢,橫豎都Ban,不如慳返啲精神時間,連自信都冇埋,咁成個團隊就死氣沈沈員工仲邊有士氣呢?

10. 定期舉辦Team Building

定期舉辦Team Building | 提昇同事士氣 | 10個方法讓你的千里馬變萬里馬

Team Building由管理層籌備組織,唔係單純大家食下好西,係透過一啲遊戲同任務,提升團隊成員間嘅合作性,舉個例子,一個團隊一齊玩密室逃脫,就係一次Team Building,當中可能有新同事因為經驗不足,工作上未能好好表現,但可能透過密室逃脫,表現驚人觀察力、洞察力,而Team Building 亦無階級年紀之分,只係一Team人各施所長,共同解決問題,有效提升員工團結感同凝聚力,呢兩樣先係團隊中最珍貴嘅特質。

管理層嘅高情商、同理心、待人接物嘅成熟度先係激勵團隊士氣嘅不二法門,當然,美食亦可以拉近人與人之間嘅距離,所謂飯桌上不談公事,Kama Delivery貨架上亦有專為公司派對聚會嘅餐飲選擇,由多人美食到會套餐,到輕食套餐如精美嘅小食盒一口小食套餐台式飲品等都特別啱公司聚餐聯宜,所謂美食先係共同語言,歡迎瀏覽我地網頁或WhatsApp我地查詢訂購!

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

原隻燒乳豬外賣到會【公司開張、慶功活動必叫】

【飯盒便當、小食餐盒】到會外賣推介2022

【跨區外賣速遞推介】 最快30分鐘送到你手上

3款另類散水餅推介【轉工升職必讀】

外賣午餐飯盒到會推介 【上班族搵Lunch Box必睇】

部份圖片出處

https://www.pexels.com

https://www.unsplash.com

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。