慶祝光棍節【雙11又有咩故事起源？】

【慶祝光棍節？雙11又有咩故事起源？】

每年11月11號，又稱雙11，好多人會響呢日慶祝光棍節，咁光棍節到底係咩呢？光棍係指一個男生踏入適婚年齡，依然保持單身，因為光棍表面光滑清爽，旁邊並無枝葉，枝葉代表下一代，所謂開枝散葉，但作為一碌光棍，因為冇伴侶嘅關係，離開枝散葉仍然遙遠無期，而11月11號嘅4個1同四碌光棍非常相似，所以11月11號被訂為光棍節，係一眾年青男生以單身為榮，起源眾說紛紜，但偏於網絡或校園文化，所謂唔理老嫩，總要自願，阿叔自願單身，我驕傲我自由，為咗慶祝呢份人人稱羨嘅單身狗生活，當然要大肆慶祝光棍節。

11月11號

一眾單身人士平時已經要睇住人哋甜甜蜜蜜，點知慶祝光棍節嘅除左單身人士外，仲包括未有子女嘅夫妻，以忠偶節名義繼續大灑狗糧，1111代表「一夫一妻，一雙一家」，本身上天閂左你度門，都會留隻窗，而家窗都閂埋就太霸道，所以直到今時今日，11月11號都係慶祝光棍節，唔會慶祝忠偶節，畢竟一年有咁多節日俾情侶，11月11號實行保護單身人士嘅驕傲。

Shopping好日子？

咁慶祝光棍節有咩活動呢？最為人熟悉嘅當然係雙11購物優惠啦，我冇女朋友，冇老婆，但我買野有折扣，每年雙11各大網購平台、商場、品牌都會有唔同嘅優惠，呢個優惠活動其實意義重大，一眾單身男生平時見到女神都怕怕醜醜，埋唔到身，趁雙11大折扣就可以趁機買到女神心頭好，藉此打開女神嘅…..談話匣子，然後脫光，即係脫離光棍，慶祝光棍節亦會透過唔同嘅大小聚會派對，令一眾單身人士都可以光榮脫光，所以光棍節又名脫光節。

以單身為傲

以前慶祝光棍節嘅活動仲包括相睇，或者Speed Dating，不過都Out哂，而家反而係攪手以光棍節名義攪船P或各種聚會，邀請一眾單身嘅男女朋友，玩下遊戲，食下好西，相睇同Speed Dating太目標主義，溝通上都帶有濃烈嘅審判意味，聚會派對就唔同，男女數量多，兄弟爬山，各自努力，識多幾個朋友唔係壞事，光榮脫光，身心健康，當然如果你真心以單身為傲係完全冇問題，趁雙11大灑金錢買自己鍾意嘅嘢犒賞自己，根據以往報告指出，光棍節單日網購金額可以高達16億美元，當中包括唔少奢侈品、汽車等，所謂「一年冇女友，銀包爽夾厚；十年冇女友，買車樓都夠。」

脫單定做光棍？

雖則光棍不可恥，仲大把銀紙，淨係呢樣野都值得大肆慶祝一番。不過光棍做得太耐都有唔少後遺症，例如自我形象低落、因為唔習慣同人相處而喜歡獨處，性格會變得內向、表達能力較差、自律性低等，當身邊愈來愈多人脫光，會感到非常孤單，甚至產生憎恨，購物雖然可以紓緩失落嘅情緒，但治標唔治本，人除左物質上嘅追求外，更需要情感上嘅補充，所以盡快脫單感受下兩個人嘅快樂！

　新推出　

訂購到會服務熱門問題【不斷更新】

好食到會菜式2023【全新登場-每月更新】

牛魔福音【4款高質牛扒外賣必食推介】

Home Party食物大檢閱2023 【懶人攪手必讀推薦】

【外賣送貨】Kama Delivery真．跨地域美食外賣送貨

【屋企Party食物推薦】9款必食療癒美饌

登入

註冊