購物車內無任何商品
posts
食繡球菌5大功效【認識萬菇之王】
食繡球菌5大功效【認識萬菇之王】
係浩瀚既菌菇世界入面，成千上萬既菌種各有千秋。我地平時好常用到既菌菇食材，例如羊肚菌、繡球菌、姬松茸同埋牛肝菌等等，其實都好有營養。今次，小編想特別同大家介紹其中一位主角「繡球菌」。大家平時有無聽過呢種菌呢？究竟繡球菌係咩？又有咩對身體好既地方？
何謂繡球菌？
繡球菌（學名：Sparassis Crispa），又叫做繡球菇、繡球蕈、花椰菜菇，分類上屬於真菌界擔子菌門、多孔菌目、繡球菌科、繡球菌屬。佢最明顯既特徵就係佢既外形奇特，由粗壯既菌柄長出好多分枝，枝頭形成無數彎曲折折既瓣片，緊密交織成直徑可以達到60厘米既球形，似足一朵雪白碩大既繡球花，所以先叫做「繡球菌」。而且繡球菌憑住佢獨特既外形、珍稀既產量，同埋佢超卓既食藥價值，被譽為「萬菇之王」同「夢幻神奇菇」嫁。
繡球菌同大多數生長於陰暗環境既菌類唔一樣，繡球菌係目前已知唯一需要充足陽光照射既蘑菇，每日要10小時以上既日光滋養，因此亦被稱為「陽光蘑菇」。呢種特殊既生長習性，令佢積累咗豐富既生物活性物質，亦造就咗獨特既品質。新鮮既繡球菌肉質爽脆、香氣宜人，味道清甜，被中外美食家公認為「菌中珍品」，無論係清炒、涼拌定煲湯，都可以呈現出極佳既口感。
自然狀態下，繡球菌屬於異養腐生真菌，通常生長於針葉樹，例如松樹、雲杉、雪松既樹幹基部，靠分解樹木既木質素同纖維素獲取營養。佢既孢子印呈奶油色，孢子係光滑既橢圓形，大小大約7×5微米，淨可以於適宜既溫濕度條件下先至可以萌發生長，呢個亦決定咗佢野生資源既稀缺性。
素食外賣套餐
繡球菌產地係邊？
繡球菌對生長環境要求係極之苛刻，佢需要清潔既空氣、適宜既溫度、充足既光照同特定既宿主樹木，所以野生資源儲量好少，產地分佈相對集中。
繡球菌野生既產地方面，主要分佈係雲南、黑龍江、吉林、西藏、福建、湖南、湖北等地，其中雲南作為「野生菌類之鄉」，係繡球菌既主要產區，海拔2400米以上既雲杉、冷杉林入面偶然可以發現繡球菌。另外，日本、韓國、美國、加拿大、澳洲同歐洲部分地區都有繡球菌，但產量一樣有限，難以满足市場需求。
由於野生繡球菌資源稀缺，而且過度採摘會破壞生態環境，所以20世紀80年代起，開始致力於人工馴化種植研究。1990年代，日本率先成功實現人工種植，並推向商業化生產，其後韓國成為全球第二個繡球菌生產國。而我地既繡球菌人工種植技術上，都已經達到國際先進水平，而家貴州、福建等地方都建立咗規模化生產基地，採用模擬野生環境既種植模式，利用赤水河等優質水源灌溉，保障產品既品質同安全性。
人工種植既成功，唔單止緩解咗市場對繡球菌既需求，仲通過標準化生產控制，令產品既營養成分更加穩定。而家市場上既繡球菌主要以人工種植為主，野生繡球菌因為數量稀少，已經成為瀕危既珍稀資源，受到生態保護既重視。
繡球菌有咩營養？
繡球菌之所以被稱為「萬菇之王」，核心在於佢均衡既營養成分同強大既生物活性。現代研究顯示，繡球菌唔單止係優質食材，仲係富含多種營養物質同活性成分既「藥食同源」佳品。
核心營養成分方面，繡球菌乾品含有豐富既蛋白質、膳食纖維、維生素同礦物質。
繡球菌營養1. 蛋白質
每100克就含量達15.58克，包含人體必需既多種氨基酸，比例合理，易於吸收，其中谷氨酸、天冬氨酸等鮮味氨基酸含量較高，唔單止提升風味，仲可以為人體補充優質蛋白。繡球菌營養2. 膳食纖維
每100克就含量高達57克，而普通香菇100克先含42克膳食纖維，繡球菌可以促進腸道蠕動，增加飽腹感，有助於控制體重同預防便秘。繡球菌營養3. 維生素
繡球菌含有不同既種類維生素，維生素C、維生素E、維生素B族等，其中維生素E含量位居菌藻類食物前列，維生素C含量達112mg/kg，呢啲維生素具有強大既抗氧化作用，可以抵禦自由基對細胞既損傷。繡球菌營養4. 礦物質
繡球菌富含礦物質，鉀元素含量高，而鈉含量低，係理想既高鉀低鈉食品，同時富含磷、鈣、鐵、鋅、錳等人體必需既礦物質，其中100克繡球菌就含磷量達451mg，遠高於香菇，能夠满足人體對微量元素既需求。繡球菌營養5. 麥角固醇
繡球菌含有獨特既麥角固醇，係陽光或紫外線照射下可以轉化為維生素D，促進鈣磷吸收，預防兒童佝僂病（英文：Rickets）、成人骨質疏鬆症（英文：Osteoporosis）同骨質軟化症（英文：Osteomalacia）。
【蘑菇屬於超級食物？】蘑菇營養豐富，更含有18種氨基酸，對身體健康好處多，當中有D蘑菇既蛋白質氨基酸組成比例仲比牛肉多，所以係美國，蘑菇被稱為「上帝的食物」。而係日本，蘑菇被叫做木之子，蘑菇係日本人心中屬於「植物食品之中的頂峰」。日本人對蘑菇⋯⋯ 繼續閱讀
繡球菌有咩功效？
繡球菌既核心功效主要源於其富含既β-葡聚糖，呢個係繡球菌最具代表性既生物活性成分。根據日本食品分析中心測定，每100克繡球菌乾品中β-葡聚糖含量高達43.6克，比靈芝、姬松茸高出3-4倍，堪稱「菇類之最」。呢種β-葡聚糖主要為帶有β(1-6)糖苷鍵分支既β(1-3)D-葡聚糖，經醫學研究證實具有以下多種生理功能。
繡球菌功效1. 免疫調節
可以特異性激活免疫細胞，例如NK細胞、巨噬細胞等，促進細胞因子合成，增強機體天然抵抗力，對免疫低下人群尤其有益。繡球菌功效2. 抗腫瘤
通過激活免疫系統發揮間接抗腫瘤作用，抑制腫瘤細胞增殖，而且對人體無毒副作用，東京藥科大學既研究已經證實抗癌效果。繡球菌功效3. 調節代謝
日本學者既動物實驗顯示，繡球菌提取物具有降血糖、降血脂、降血壓既功效，能夠幫助控制體脂積蓄，對代謝綜合征有一定既輔助改善作用。繡球菌功效4. 抗氧化與抗衰老
含有豐富既超氧化物歧化酶（英語：Superoxide Dismutase，縮寫SOD），其含量位居各類食用真菌之首，可以有效清除體內自由基，延緩衰老，保護皮膚健康。繡球菌功效5. 其他功效
繡球菌仲具有抗炎、抗病毒、抗輻射、護肝等作用，其提取物中既類雌激素成分對更年期女性友好，無細胞增殖刺激既副作用，同時可以促進皮膚成纖維細胞增殖同膠原蛋白分泌，係美容護膚領域都有廣泛應用。有無咩人係唔適合食繡球菌？
過敏體質者係首要禁忌人群，因為繡球菌屬於菌類，含有真菌特有既蛋白質成分，可能會引發過敏反應，所以過敏體質者首次食用前應先少量嘗試，觀察有無出現皮膚痕癢、皮疹、呼吸困難、惡心嘔吐等過敏症狀，如果無異常，先再正常食用，但一旦出現過敏反應需立即停止食用並就醫。
另外，如果係腸胃敏感者，都要控制食用量，因為繡球菌富含膳食纖維，每100克乾品中膳食纖維含量達57克，過量食用可能增加腸胃負擔，導致肚脹、腹痛、消化不良等不適，尤其係腸胃功能較弱既人群，應適量攝入，避免空腹大量食用。其後，孕婦、哺乳期女性同幼兒都要留意，目前關於繡球菌食用安全性既研究尚未完全充分，為左避免潛在風險，建議係醫生既指導下食用，唔建議自行大量攝入。
最後，食用繡球菌時仲要注意烹調方式，無論野生定人工種植既繡球菌，都需要徹底煮熟煮透，一方面可以破壞可能存在既有害微生物，另一方面可以令膳食纖維軟化，更易於消化吸收，避免生食或半生食引發腸胃不適。
新年新菜式
$208
$398
Price range: $80 through $120
Price range: $160 through $240
$398
$298
$128
作為「萬菇之王」既繡球菌憑住佢自己獨特既生長習性、豐富既營養成分同強大既保健功效，佢唔單止满足咗大家對美味既追求，仲係免疫調節、抗腫瘤、代謝調節等方面為人體健康提供天然助攻。今年Kama Delivery新推出既新年套餐，同新菜式，大家不妨考慮「繡球菌牛油果醬酥盒」、「發財就手涼伴繡球菌雞尾酒杯」，或者我地另外幾款羊肚菌、赤松茸、雞樅菌既新產品。
聯絡我們
追蹤我們延伸閱讀
部份圖片出處｜Mycelinarium
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
