職場熱門關鍵字
1. 安靜招聘 Quiet Hiring

人事部通常都會係公司網頁，或者招聘平台公開出Post請人，但「安靜招聘」係指，公司並非公開請人，而係鼓勵現有既員工轉崗位，擔任新既職位。

職場熱門關鍵字
2. 安靜裁員 Quiet Cutting

為左應對有D想「安靜辭職」而只做工作中最低限度要求既員工，有D公司就用「安靜裁員」既方法去處理，同時又可以避免左炒人既賠償，「安靜裁員」就係指，將員工重新分配去一D唔太理想既工作崗位，唔加人工、唔升職、或者以唔重視員工等既方式，迫使對方越黎越唔鍾意份工，從而令對方主動提出辭職。

職場熱門關鍵字
3. 大聲離職 Loud Quitting

「大聲離職」係同「安靜辭職」既意思剛好相反，員工係工作態度上表現消極、態度懶散，同時間亦會高調公開談論自己搵新工既事情，從而希望公司會用升職或加人工等方法挽留自己。

職場熱門關鍵字
4. 憤怒申請 Rage Applying

「憤怒申請」係指因為工作上產生左好多不愉快既情緒，累積左好多怨氣同怒氣，於是投大量CV去申請唔同職位。

職場熱門關鍵字
5. 迴力鏢員工 Boomerang Employees

「迴力鏢員工」係指員工曾經可能因為辭職離開公司之後，後來又返番去呢間公司工作。而呢種情況就類似迴力鏢，離開左既員工又重新返到原本/曾經工作過既公司工作。

職場熱門關鍵字
6. 最低限度星期一 Bare Minimum Mondays

「最低限度星期一」最初由TikTok既用戶Marisa Jo Mayes提出呢個概念，因為好多人會放完星期六日之後，對於星期一就要返工既情緒會變到唔開心同有壓力，所以Marisa Jo Mayes鼓勵大家係星期一返工時以最低限度為主，唔好一頭熱咁投入工作，反而將星期一視為一週工作既開始，等自己慢慢進入工作狀態。

職場熱門關鍵字
7. 懶惰女孩工作 Lazy Girl Job

「懶惰女孩工作」係由TikTok用戶Gabrielle Judge引起既熱潮，係指一種高人工、但壓力唔高，通常會係混合工作模式或全遠距既工作為主。並非鼓勵大家偷懶、扮工，而係將更多既時間放係自己身上，除左工作以外既時間，要有充實既生活、提高自我價值。雖然有D似「安靜辭職」，但「懶惰女孩工作」更加著重員工對更好既工作同生活平衡既需求。

職場熱門關鍵字
8. 大聲勞動者 Loud Laborers

「大聲勞動者」顧名思義花好多時間去Show Off自己工作上所謂豐功偉績既人，但從來都係唔會落手做，成日「齋講唔做」，而且呢D員工偏好向老闆或同事面前炫耀自己既成就。

職場熱門關鍵字
9. 職業緩衝 Career Cushioning

「職業緩衝」係打工仔對於經濟差而產生危機感，所以會提早幫自己作好準備，例如更新履歷、提升技能，同時會建立人際管道，甚至有人會開展一D副業等，以免之後突發既事情發生，例如被俾公司「炒魷魚」。

職場熱門關鍵字
10. 轉職衝擊 Shift Shock

「轉職衝擊」指開始一份新工作，但發現工作內容、環境等因素同自己想像既不相符、有落差，而感到有衝擊。

職場熱門關鍵字
11. 拿多少做多少 Act Your Wage

「拿多少做多少」指逗幾多人工就做幾多工作，員工按月薪既多少去釐定自己既工作效率，最後完成相應既工作量，唔做多亦唔做少俾你。

職場熱門關鍵字
12. 安靜藏私 Quiet Constraint

「安靜藏私」係由美國教育內容團隊Kahoot提出，指有D員工驚自己講多錯多，情願唔理公司或團隊出現既問題，或有好既建議想法都唔出聲唔提出，以免講多錯多。