職場生存之道6大法則【初哥新人必讀】

職場生存之道就同做人原則一樣，響每個在職環境都唔一樣，雖然冇金科玉律，但總有客觀的角度，有人打工飛黃騰達，升職加薪；有人打工年年轉工，原地踏步。古語有云，識人好過識字、識做不如識做人，尤其剛踏入職場嘅新鮮人，面對新環境新同事，應該如何企穩陣腳？本文綜合6大職場生存法則，適用於各種行業，有智商不如有情商。

唔知幾時準時返工都成為見工面試者口中嘅優點，職場生存時間觀念非常重要，除咗係避免因為遲到影響工作效率之外，時間觀念亦是量度自律度的元素，特別對於剛剛報入職場嘅年輕人特別要注意，連自己都管理失當，公司亦難以有信心委以重任，或者讓你帶領其他同事，久而久之失去表現機會，容易鬱鬱不得志，工作上難有突破。

職場生存之道第一條，亦係非常重要嘅法則，職場係公事公辦嘅地方，冇人需要包容你嘅壞情緒，每個人生活中都會遇到不如意，但工作嘅時候必需先擱置私事，因為影響嘅除咗係你自己嘅效率外，亦會影響其他同事嘅進度，管理情緒亦係個人才能之一，隨時你一句衝口而出嘅說話，成為被杯葛嘅原因，不久你就會因為公司對你嘅低氣壓感到窒息，無心工作，以至前途止步。

在職場中學識察言觀色會令身邊嘅同事、上司對你產生信任度，產生依賴性，所謂察言觀色即係適當嘅時候做適當嘅事，尤其是作為職場新丁，每個同事都有機會響你需要嘅時間出手相助，察言觀色不代表要討好他人，但至少要不被討厭，例如你上司喜歡某球隊，你可以表達自己對該球隊嘅欣賞，但較喜歡嘅係其他球隊，首要主打一個圓滑不討厭，其次先係投其所好。

在職場生存斤斤計較往往係致命傷，所謂不計較並唔係將所有同事要你做嘅都做好，而係選擇性付出，面對同事額外俾你學習嘅機會，如果照單全收的確可做到不討厭，但會淪為奴隸，要配合察言觀色，了解各同事嘅勢力，就算同一階級亦有資歷分別，例如A同事係較資深嘅同事，面對其他同事嘅要求，你可以話暫時要幫A同事處理一啲事，或者我同佢講聲，幫咗你先，一般情況下其他人都會打退堂鼓，而對A同事嘅付出，亦可當社交手腕，職場新丁有個碼頭泊下係好事，做多少少唔好太計較，職場條路好行啲。

埋堆文化亦稱山頭主義，幾乎每間公司都有，某某同事係皇親國戚等等，所謂「埋錯堆，好空虛」，好多埋堆嘅目的都係建立勢力，抗衡其他競爭單位，埋堆領頭人一般都係資深同事，單位與單位間的明爭暗鬥，作為職場新丁或打工仔都會無奈作出選擇，正所謂適者生存，其實埋堆係在所難免，但選擇咗亦冇需要與另外嘅勢力示惡，保持與所有人嘅和諧關係，有職場老手更加係身兼數堆，大家要知道只要堆中領導離開，勢力會大減甚至散，你有機會要「投靠」其他勢力，所以處事圓滑不交惡，會響特定的時刻起到關鍵作用。

職場生存大家都係要爭表現，突顯自己嘅重要性，尤其銷售行業，如果你每個月爆數，甚至唔會有人理你返工準唔準時，對同事嘅態度，你一樣會萬千寵愛在一身，因為在職場上個人價值大於一切，甚至老闆都要忌幾分，但如果功勞並非體現在個人價值，而係團體價值，咁又應唔應該讓出功臣之位，邀功其實要分階段性：

槍打出頭鳥，鋒芒太露容易被針對，因為每個人面對競爭力下降都會手足無措，突然出現一個有威脅性嘅同事，會成為眾矢之的，反而保持謙卑，重視團隊精神，突顯個人價值才是職場生存法則。