親子活動工作坊推薦2023【持續更新】

親子活動工作坊推薦2023【持續更新】

暑假就快到，親子活動工作坊成為最受歡迎嘅親子活動，小朋友放暑假唔應該得食、瞓、玩三樣嘢，發育時期同父母參與活動工作坊可以寓學習中娛樂，開發子女興趣及長處之餘，亦可以好好培養親子間嘅默契及感情，更加係難能可貴嘅親子時光，親子活動工作坊係透過特定可動可靜嘅活動，一齊學習新嘅技能，例如共同製作皮革成品、學整甜品、烹飪等，比起淨係打機有意義得多，本文精將介紹6個親子活動工作坊，動靜兼備，一齊發掘小朋友嘅興趣啦！

想同小朋友一齊製作有實用價值嘅作品？近年Tufting DIY 製作大受歡迎，Tufting 即係簇絨，初學者會跟導師由草稿開始，以簇織槍將線穿入畫布，由於操作容易，過程容易誘發小朋友興趣，跨越初階後，小朋友可以同家長發揮創意，準備好草圖，創作自己的作品，簇絨可用於地氈、杯墊或麻布袋，激發創意之餘仲有實用性，小朋友一定可以從中收獲滿滿成功感。

親子塗鴉繪畫班係長青嘅親子活動工作坊嘅選擇，繪畫有助訓練小朋友的創意，同時提高小朋友腦部及手部活動嘅協調能力、觀察能力等，隨時培養到一個小小插畫家。Art Vacation 採用小班教學制，希望照顧到每一位學員，繪畫亦有助了解小朋友嘅內心世界。

親子活動又點少得烹飪樂趣，仲話唔定可以孕育下一個小廚神，所謂民以食為天，煤氣烹飪中心有專為小朋友而設嘅烹飪室，煮食檯可以調較高低，遷就小朋友身高，親子烹飪活動可以俾小朋友了解食物嘅珍貴，改善偏食及珍惜食物，亦能感恩父母每日準備伙食嘅辛勞。

小朋友愈大，對身邊嘅事物愈好奇，所以有時會拆散玩具了解一下內部結構，家長會誤會小朋友唔珍惜玩具，反而會阻礙小朋友尋真探究嘅行為。香港青年協會創意教育組一直持續舉辦親子科學活動工作坊，令小朋友可以了解更多科學知識，從親自動手製作及通過實驗過程中，探索神秘嘅科學領域，隨時變身下一個小小發明家，但小朋友最低都要夠9歲先符合參加資格，費用全免，網上報名後，以抽籤形式參加。

當小朋友識行識走，開始對節奏有反應，有時睇卡通片都會跟住主題曲手舞足蹈，Twinkledance特設親子舞蹈班，由歲半開始可以參加，踏入3-4歲可以開始選擇各樣舞蹈，如爵士舞、芭蕾舞或K-pop，跳舞屬於有氧運動，持之以恆對小朋友成長有極大好處，而且仲可以認識更多小朋友，學習待人接物，對小朋心友心理及生理健康都有裨益。

點解咁多運動中選擇攀石？攀石係挑戰自己嘅最佳運動之一，因為攀石有目標，只要堅持小朋友都可以攀上高峰，Just Climb 隨咗有專業教練在場指導外，家長可以跟孩子共同在攀石場進逐目標，小朋友有家長陪同會更有安全感，更加大膽嘗試堅持並突破自己，家長亦可以在過程中鼓勵小朋友，並以身作則與子女攀登頂峰，趁著暑假激發孩子內在潛能，令心理素質變得更強大。