交換禮物推介【拜拜2022｜開Party聖誕禮物攻略】

【2022聖誕交換禮物】Party禮物實用搞笑攻略！

眨吓眼2022年好快去到尾聲，萬聖節一過尖沙咀海旁、中環摩天大廈同各大商場嘅聖誕燈飾徐徐掛起，提示住我哋一年中最普天同慶嘅節日聖誕節要嚟喇！今年限聚令更往年放寬，大家都可以一大班人齊齊開聖誕party同倒數party等等活動，距離聖誕節仲有一段時間，想慳水慳力唔煮嘢食，或者已經食厭咗pizza呢啲大路嘢食？提早計好人數叫到會食物開大食會啦！同場加映：Party Room到會推介2022【全港免運費優惠】

🔼 每年聖誕節都總會有大大小小聖誕派對 🔼

聖誕Party另一樣令人又愛又恨，當然係聖誕交換禮物活動！近年嘅交換方式仲越嚟越新奇趣，Set定禮品類別、Budget等等條件，一方面收窄買聖誕禮物範圍，另一方面又可以減少收到唔想要嘅禮物嘅機會。如果想認認真真買份聖誕禮物，小編已經四出搜集不少攻略，針對不同的朋友圈分咗親子禮物、同事禮物、閨蜜禮物、地獄級麻甩禮物，將2022年最強【一念天堂，一念地獄】聖誕禮物組合推薦畀大家。
同場加映：聖誕交換禮物【貼地實用禮物$100/$200/$300蚊預算】

【地獄麻甩聖誕禮物】

小同、中同聚會，大學同學Re-U通常都會搵聖誕做籍口去Party Room玩，同學聚餐交換禮物惡搞居多，不過就算Budget得個百幾二百蚊都係要花時間出去買嘅，到底有咩聖誕禮物惡搞得嚟又有實用性？

好似好實用嘅禮物篇

每年聖誕交換禮物，緊會出現一兩份令人欲哭無淚，但又勁實用嘅禮物，善良嘅會買包裝紙巾、暖包，小編抽過邪惡小小嘅有M巾同埋Condom，講真，好實用，識你咁多年唔通唔玩得咩，但抽中依啲禮物真係會令人興奮到拳頭都硬了。（Budget：Budget幾多就買夠嗰個數）

運程書、通勝

🔼 朋友聚餐嘅聖誕禮物通常都係惡搞，小編最「驚」典收過運程書 🔼

都係個句，咁多年朋友冇理由唔玩得，買禮物更加百無禁忌，當你收到一份包得靚靚仔仔、扁長方型嘅禮物，但拆開原來係幫你指點迷津嘅運程書、通勝，只要唔係舊年個本，你應該已經要還神。溫馨提示，運程書會比通勝易明。（Budget：$48-88）

伏味重到喊出嚟嘅嘢食篇

🔼 小編最鍾意送超伏聖誕禮物畀朋友，睇到佢哋崩潰嘅反應好開心～ 🔼

依幾年大家嘅朋友好似驚自己食唔飽咁，如果budget係200蚊，一嚟就送20kg米、5,6桶水、2條100蚊嘅名貴原條山葵，除咗非常respect朋友千里迢迢抬過嚟，收到果個都唔知笑定喊好。如果想輕啲，小編就提議可以送200蚊菜芯或者200蚊shake shake粉😈自己又可以輕鬆啲！（Budget：Budget幾多就買夠嗰個數）

【親子聖誕禮物】

小朋友過聖誕就最開心，因為一定有禮物收，無論係家庭聚餐，定係一大班小朋友聖誕派對，家長都要諗定有咩啱小朋友玩又會學到嘢，純粹買玩具嘅年代已經Out喇！

立體拼圖

同傳統Puzzle唔同，立體拼圖會大舊啲，唔擔心會畀小朋友唔小心食落肚，而依一類禮品通常會有得意嘅圖案，可以提高小朋友認知能力，又可以訓練其智力同埋手眼協調。（Budget：$150-400）

兒童迷你相機

🔼 兒童相機可以令小朋友樂於探索世界 🔼

大個小小嘅小朋友可以買一部兒童迷你相機，雖然像素唔高，但影咗嘅相一樣可以睇返，而且係電子相機點影都唔會心痛菲林。可以讓小朋友透過鏡頭更細心咁觀察世界，亦可以用相片紀錄小朋友對世界認知嘅成長。（Budget：$200-300）

【同事聖誕禮物】

第四個老是常出現嘅聖誕派對就係公司聯歡會，一般會係Admin同事係平安夜個日負責訂到會同埋派對內容，而大家就負責買禮物交換，同事禮物一般唔使太有心思，反而係實用為重點，畢竟你買得唔好，可能會畀人笑一年。

抱枕、坐墊

如果你嘅工種係長期坐Office，買抱枕、坐墊應該係安全牌，就算唔鍾意、唔想拎返屋企，擺係公司點都會有用，有啲Cushion甚至係2in1連埋被，冬天最啱用。

酒水

🔼 買酒出事機率低，諗唔到買咩可以考慮下 🔼

如果你公司開完Party唔使坐返埋位做嘢，不妨買酒做交換禮物，同樣地唔鍾意可以即時飲咗去，一人一杯乾咗佢，轉個頭大家就唔會記得你買咗咩禮物，何樂而不為？

【閨蜜聖誕禮物】

Staycation

依2年大家都鍾意Staycation，約埋3-4個閨蜜Book酒店房過一個又Chill又Grand嘅聖誕節，最重要係可以佈置到間房靚靚打卡。買嘢比自己最知己嘅好朋友，買禮物一定要貴精不貴多。

Christmas Gift Set

🔼 Christmas Gift Set有很多不同選擇 🔼

因為大家都係女仔，送Beauty Gift Set係其中一個好選擇，因為一個Set入面會有唔同化妝品同護膚品，有啲可能係平時唔捨得買或者唔知好唔好用嘅產品，送Gift Set就可以一次過試晒。而且Christmas Gift Set嘅價錢Range好大，平平哋Hand Cream Set又有，貴少少揀Countdown Box Set亦得。（Budget：$200-1000）

訂製閨蜜手鏈

想禮物更有意思，訂造同閨蜜手飾都可以納入考慮列表之中，情侶裝興咗好多年，而閨蜜就係近年大趨勢，可以按對方喜好去訂造，一個專屬閨蜜之間嘅友情認證，將來一齊戴出街影相打卡特別靚㗎！（Budget：$200-400）

　新推出　

訂購到會服務熱門問題【不斷更新】

聖誕節到會外賣2023 【預訂教學篇】

冬至到會推介2023【暖笠笠過冬】

【Staycation外賣食咩好】Room Service太貴？Kama Delivery 外賣5大優勢令你欲罷不能

Party Room到會推介2023【全港免運費優惠】

【屋企Party食物推薦】9款必食療癒美饌

登入

註冊