香港常見網絡騙案手法大解說【6招避雷免受騙】

香港常見網絡騙案手法大解說【6招避雷免受騙】

根據香港政府公佈，去年騙案涉及金額高達48億港元，詐騙案共27,923宗，非常誇張，香港常見網絡騙案手法一般透過電話、網上尋找獵物，招式層出不窮，虛擬貨幣、網上刷單、寫商品好評、情騙、猜猜我是誰、公安騙案等，受害人主要是主婦、學生、長者、退休人士等，亦有部分是專業人士，而詐騙集團一般以漁翁撒網形式接觸大眾，通訊軟件Telegram、WhatsApp、WeChat及社交平台是重災區，詐騙金額大小通吃，由幾百到過千萬不等，詐騙集團得手後會將金額轉到傀儡戶口，再從戶口提取現金或轉移海外，一般報咗警都好難解決到，所以對於騙案，大家可以循本文中的6招自保，減低被騙嘅機會。

香港騙案數字屢創新高 大家如何防範？

騙徒所使用的傀儡戶口，戶口持有人一般是在威迫利誘下開立，對戶口冇使用權，提款咭亦由詐騙集團持有，方便盡快將入面嘅資金提取，就算捉到戶口持有人，一般與詐騙集團的營運無關，其實佢地都可能係受害人，而被騙嘅錢亦難以追討。

加密貨幣本身就係高風險投資，就算氹到你高買低賣只能當投資失利，詐騙集團會以新發行加密貨幣做招來，開設虛假網站做到似層層，當有一定數量嘅受害人被騙開立帳戶並存入資金後，騙徒就會將網站關閉，而受害人存人嘅資金將會被詐騙集團捲走，亦有詐騙集團開發假虛擬貨幣錢包，然後叫受害人用，聲稱可以買到指定新開發嘅加密貨幣投資，最後亦是捲錢私逃，受害人一般被賺快錢、高回報所吸引。

一般嘅對象係主婦、學生，由於響屋企時間較多，又冇需返工，所以會選擇以一種可以在家工作嘅兼職賺錢方法，騙徒會以社交通訊軟件無差別打招呼，雖然係騙案，但騙徒手法高明，會冒充以其他IT公司嘅名義開立網站，亦會有卡片，增加信任度，手法是受害人要完成任務先可以提取所謂工資，例如一日刷20單，過程亦只係㩒個制就刷到一單，不過中間會出現大禮包，可能隔一兩單會出現一次，需要俾錢開通，頭一兩個可能幾百蚊，之後會不停遞增可達幾十萬，由於受害人想攞返之前開啟禮包付出嘅錢，然後不斷入錢去完成任務，因為當日如果唔開啟禮包，視作放棄當日的任務，入過嘅錢亦攞唔返，不過就算你有錢開哂所有禮包完成任務，提款時詐騙集團亦會以會員級別不足而超過提取上限或其他原因，誘騙受害人再入錢提升級別，當榨乾榨淨，整個網站及相關人等會人間蒸發，當然亦包括受害人嘅錢。

全稱網上情緣騙案，中招者有男有女，有後生有年長人士，但都有共同點，就係單身、喪偶、或與配偶關係不和，即係一班空虛寂寞嘅受害人，由於平時缺少關心，所以面對騙徒嘅轟炸式噓寒問暖，最後亦被糖衣炮彈擊破，騙徒一般會以俊男美女嘅照片作招來，相片一般係專業人士或者老闆，但一開始唔會約你見面，直到知受害人職業、住處及照片等，推敲能詐騙嘅金額，之後會慢慢以不同理由向受害人索取金錢，又或者作為見面的誠意，受害人女性比較多，女性一般比較感性，騙徒會以公司出現財務問題、貨物被扣關、債務等向受害女性埋手，因為已經在電話或網上相處了一段時間，可能已經以夫妻之名相稱，因心痛自己愛人身陷困境，於是出手相助，結果男方問題愈來愈多，索要嘅金額亦愈來愈多，最後泥足深陷，人財兩空，而受害人是男性的話，亦會因為急於求見或幫愛人解決問題而被騙，而不少案例發現騙徒是男人所扮，無計啦！男人最懂男人。

正所謂「橋唔怕舊，最緊要受」，猜猜我是誰由十年前講到今日依然有人中招，騙徒會隨機打俾受害人，然後叫受害人估下佢係邊個，再連隨承認受害人口中估嘅親友，然後各種原因要錢，如借錢、屋企有事、生意問題等，其實當一個人臨時要諗電話另一邊嘅人係邊個，一般都有交情，或者係平時少接觸嘅屋企人，例如爺爺嫲嫲同孫，呢個時候騙徒會話自己出意外，被人挾持住或者交通意外，要求受害人轉錢俾佢解決問題，尤其老人家因為臨時反應唔切，擔心著急嘅情況下讓騙徒得手。

公安騙案在開關後特別猖獗，騙徒會冒充內地公安或香港警察，通知受害人因違反法規，需要接受懲處，最新型嘅公安騙案直情會同受害人視象對話，背景更加做到同公安局一樣，騙徒會著埋公安制服，佢哋會扮到明知件案唔關你事，有方法可以幫你，但你要入錢到指定戶口疏通，否則會與香港警察聯手拘捕受害人，有學生因而被騙過百萬，而該學生向父親以出國留學做藉口索要金錢，亦是騙徒解議，亦有受害人收到自稱為內地公安嘅來電，指佢涉及詐騙案件，需要提供個人及銀行資料核對身份，最後亦難逃受騙。

當然，仲要其他形形色色、層出不窮嘅騙案實在不能盡錄，但當你面對疑似騙案嘅時候，如何避免可以參考以下6招：