搞百日宴 vs 擺滿月酒｜喜慶到會餐飲服務

搞百日宴 vs 擺滿月酒

香港年輕一代嘅後生仔女，愈來愈傾向搞百日宴多於擺滿月酒，當然兩者都慶祝都有，甚至較依足傳統連同歲宴都辦；寶貝仔女降臨到一個家庭，絕對是天大嘅喜事，西方人就喜歡係媽媽生育前辦Baby Shower，咁我哋東方人辦百日宴同滿月酒又有咩寓意呢？

中國古代人認為嬰兒出生後滿一個月就係渡過了一個難關，以前醫療技術冇咁發達，BB頭一個月最容易出現意外或者疾病，所以能夠平安過渡呢段時間，已經係無比福氣，作為父母會邀請親友一齊食飯、慶祝，感謝大家關心同支持，同時希望大家一齊為BB祈福，祝佢未來健康成長、無病無痛，而滿月酒亦有「報喜」嘅意思，等親友正式認識啱啱出世嘅BB，祝願BB之後得到更多人嘅關愛同守護，「滿月」寓意著孩子人生美好嘅開始，因此父母為子女擺滿月酒，除咗慶祝，亦屬於中國傳統文化入面其中一個重要儀式，包含無盡的祝福。

另一方面，中國人好講求意頭，一百呢個數字代表圓滿嘅意思，中國民間嘅誕育禮俗，祝願孩子茁壯成長、長命百歲，所以大家會喺BB百日宴當日再次聚首一堂，為BB送上祝福。父母會響BB百日宴當日準備豐富菜式，其中代表喜慶、吉祥、幸福，有辟邪保平安意思嘅紅雞蛋當然唔少得，雞蛋亦象徵新生命、繁衍同圓滿，代表咗對BB健康成長、平安快樂嘅祝福。父母、BB一齊同親友分享喜悅，令BB喺「愛」之中成長，寓意佢一生幸福快樂，亦係慶祝初生嬰兒出生100天嘅傳統慶祝儀式。

咁點解近年百日宴比滿月酒更普遍呢？

現代的百日宴和滿月酒形式上差不多。通常爸爸媽媽就會二選其一，而辦百日宴比較多主要原因有幾點；初生嬰兒滿月時對陌生環境同人仍然未適應，又擔心孩子抵抗力不足，接觸陌生人可免則免，另一邊廂，勞苦功高的母親剛誕下寶寶仍然處於「坐月」期間，距離42天坐月子還沒完成，要繼續休養生息調理身子；最後亦都係小編認為最重要，古代仍然未發明相機未必會介意，但現今呢一代連食個飯都係相機食先，就解釋到百日宴取替滿月酒嘅原因，初生寶寶皮膚顏色一般比較深色而且容易出疹子，大日子影咁多相，無論BB或媽媽都想準備更充足啦！

快速查看

一口小食自選人數套餐

免運費的地面交收服務

自訂迷你包、小食、甜品款式

自訂套餐享用份量（6位起跳）

點我查看完整餐單

搞百日宴 – 有咩流程？

咁參加百日宴，又有何流程﹖是否需要準人情﹖又有何禁忌﹖看畢這篇文章，就不會失禮街坊，正所謂「醒少少，唔洗俾人藐。」

一直以來，百日宴一般安排於酒樓或酒店舉行，當然場地佈置，粉飾一番在所難免，但一般酒樓或酒店都會協助佈置，但爸爸媽媽並非遊手好閒，因為從挑選菜單、主持、分享感受、切蛋糕、敬酒、準備回禮禮物、為BB悉心打扮等都要親力親為。

但爸爸媽媽們近年來開始似乎喜歡簡化程序，甚至乎明星及歌手藝人族群亦然，場地選擇亦偏好屋苑會所或PARTY ROOM，主要原因是相比酒樓酒店，有較高私隱度而且花費較相宜。另外，大家以聚會形式慶祝比之前更為親切、貼地。場地較細，佈置可以比較簡單，凡文縟節簡化，無論父母、親友，甚至小朋友，都不會因為趕流程而辛苦。

重要日子招待親朋戚友一場來到，食物當然唔可以失禮，好多人都會選擇美食到會服務，因為配合送貨服務，大家可在場地邊聊天邊等賓客到齊，再大快朵頤，而到會文化，亦因為宴會參與者的口味或要求而改變，以百日宴為例，由於小朋友不太適合生冷食物，到會食物亦由以前冷盤為主，變為熱盤為主。

我吔Kama Delivery以往都處理過不少百日宴到會，現代小朋友其實亦對食物有一定要求，龍蝦意大利飯、芝士龍蝦三文治等一直是大人及小朋友的最愛，所以招牌MASTER KING SET幾乎出現於每次百日宴會場，套餐份量同內容又可以按人數而定，照顧周到！

【BB不停喊咩原因？】新手既爸爸媽媽最常見既問題之一，就係BB成日喊、喊唔停，搞到自己手足無措，又唔知BB點解喊，BB又唔識講野，表達唔到佢係唔舒服定肚餓，抑或扭計想瞓覺等既原因，唯有用喊既方式去表達，作為爸爸媽媽既，只好推測BB喊既原因，不過有時候⋯⋯　繼續閱讀

禮多人不怪

🔼 禮多人不怪，再多都收哂 🔼

作為賓客嘅你，如果受到邀請出席寶寶百日宴嘅大日子，當然不能兩梳香蕉到場，緊記要預備人情或禮物，所謂「禮多人不怪，再多都收哂。」人情方面，好比婚禮，金額按所舉辦嘅地點而有所不同，一般而言，酒店嘅公價為$1,000以上、會所約$500-800、酒樓則約$500，若百日宴舉辦得較Casual例如在家中舉辦，則可以送禮代替，但送禮都有技巧及需留意嘅地方。如果你打算以送禮取代人情，就要留意以下禁忌：尿片、奶粉呢類貼身日用品盡量不要選擇，雖然實用性高，但大部份父母已經精挑細選了最合適嘅牌子，部份媽媽又以母乳代替奶粉，所以為免大家浪費金錢，切記要避免！

另外，面對臉蛋可愛嘅寶寶，不少賓客都會忍唔住摸下寶寶，甚至是鍚鍚。大家參加百日宴時，除了可以為寶寶戴上手套阻隔細菌外，爸媽亦必須時刻留意是否有賓客太過熱情，對免疫力弱的寶寶來說絕對係一大危機。