簡樸房標準是甚麼？【深度了解劏房法例】

香港特別行政區特首李家超先生於2024年施政報告中提出要求以簡樸房取替現有劏房進行立法監管，大家都知道香港有啲劏房嘅居住環境相當惡劣，業主為咗可以一個單位盡量劏多幾個房間出租，導致每間劏房嘅居住面積非常細小，沒有獨立廚廁不在話下，甚至瞓覺都需要屈埋對腳先瞓到，更加造成居住環境安全隱憂，有見及此，政府欲以法例框架規範劏房標準，希望該法例可以喺2025年通過，根據2021年嘅香港人口普查報告指出，香港劏房戶超過100,000多戶，居住人數超過200,000，一旦劏房需要改建滿足法例要求將會是一項大工程，影響牽涉眾多業主及租客，究竟是福是禍？

香港政府對簡樸房標準要求（新劏房法例）

根據香港財政司司長所講，政府希望喺2025年之前提交新劏房條例草案俾立法會審議，仲要為合資格嘅簡樸房登記認證，整個過程可能都需要12至18個月，同時亦都為新建成或新進場嘅簡樸房進行登記，所以好多業主已經密鑼緊鼓，準備將自己出租嘅劏房進行裝修翻新。

所謂牽一髮動全身，簡樸房嘅原意係改善劏房居民嘅生活環境及質素，出發點一定係正面，但對業主同租客嚟講到底是福是禍？

簡樸房條例通過對業主（房東）的影響

作為現時劏房嘅房東或者業主喺簡樸房條例通過後，必須重新審視自己名下嘅劏房是否可以滿足4大法例要求，如果需要裝修會牽涉工程費用，裝修期間亦收唔到租金，加上有樓面面積限制，裝修後可以用嚟出租嘅房間面積有機會會少過之前，租金就有上調壓力，令租客嘅開支增加，同時亦增加生活成本。

簡樸房條例通過對租客的影響

由於部分業主或者房東需要裝修原本的單位，裝修期間可能導致市面上劏房供應大幅減少，而輪候公屋又搖搖無期，合資格劏房租金可能大幅上升，住戶難以找到容身之所，故此立法以簡撲房取提現時冇往管嘅劏房，對現行住戶都不一定有利。