6個追星應援方法【成為星級粉絲你要知】

有追開明星、歌手、藝人既大家，點都會有接觸到或者見過粉絲應援活動，因為應援自己偶像既方式有好多種，亦係成為星級粉絲必經之路，除左係親近偶像既機會之外，亦係你作為粉絲表達對佢既愛，小編今日同大家分享下6個常見既應援方法。

「應援」（日文：応援／おうえん、韓文：응원）其實係各家既粉絲為左自己心愛既偶像出新專輯、新劇、舞台表演、生日、出道紀念等等既活動，同時都係藝人同粉絲之間相互連結、拉近大家距離既方式之一。應援方法最開始由歌迷會既氣球、演唱會應援燈、到粉絲集資進行大型應援活動，完全表達出粉絲寵愛偶像、表達心意既「儀式感」活動。

「逆應援」就係偶像回謝自己粉絲既方式，例如，偶像會偷偷地去到應援活動現場打卡，然後Post上去Facebook、Instagram等既社交平台，並且會帶上共同既「# hashtags」作為答謝粉絲們既心意，又或者送返小禮物俾粉絲。

粉絲名字可能係偶像命名，亦有可能係粉絲根據偶像既名或者代表偶像事情而命名，粉絲名係最簡單又最容易同偶像有團結同緊密既代表之一，因為會拉近左偶像同粉絲之間既距離。

以韓國既作例子，TWICE既粉絲名叫做「ONCE」，象徵住「各位粉絲只要給予一次既愛，TWICE既各位成員就會以兩倍既愛去報答大家。」

又舉例，香港既男子組合Mirror成員之一Anson Lo，佢以前未入行前，教跳舞時代就已經有「教主」之稱，當構思粉絲名時想D粉絲都以「Son」命名，像信仰一樣，所以選擇左「神徒」，含意是係希望大家一直可以追隨同陪住佢一齊走。

通常係演唱會既時候，或者表演既時候，台下既粉絲會係D特定段落時，會齊心叫出「應援歌詞」或「應援口號」去回應偶像，甚至官方會制定一D應援教學，由偶像親自向粉絲示範如何應援歌曲，偶像公司就會將呢D教學上傳到官方網站，等粉絲可以練習應援，以及可以統一口號。

「應援歌詞」通常會包含偶像既姓名應援，最常見會係歌曲開頭時，粉絲依序叫出團體每位成員名字。舉例，就好似韓國男子組合Seventeen（세븐틴）都會將應援既歌曲，制作出指定應援口號既教學俾粉絲練習，例如「Super」呢首歌咁。

好多時，除左官方出既應援物品之外，D粉絲都會自己或一班粉絲集資去制作一D應援小物，然後會係演唱會、歌迷聚會、應援活動前派發俾粉絲團，例如係D偶像小卡、貼紙、閃卡、手繩或手幅等，咁樣做除左可以幫自己偶像做宣傳，同時都提供左同其他粉絲社交互動既機會，不知不覺間就逐漸形成堅固既飯圈團體啦。

大多數團體同藝人都會有自己官方既代表色，「應援色」就好似粉絲之間共有既「部落標誌」，一個辨別，可以透過同樣顏色既螢光棒、穿著等，輕易甘分別出粉絲係屬於係屬於邊個偶像/或團隊組合成員既粉絲。例如，韓國團隊TWICE係杏色和同螢光紅色，又或者好似Mirror成員Anson Lo，係粉紅色。

但係，因為團隊組合都比較多，好多時應援色要避免同前輩「撞色」，公司就未必會明訂官方既應援色，反而會通常透過「官方手燈」(另稱應援棒)獨特既設計或者LOGO去區分。

相信大家都會係巴士車身﹑巴士車站﹑地鐵站等既交通工具，或者一D廣告牌，會見到過偶像既生日廣告，或者一D非品牌代言既廣告，好大機會都係粉絲合資幫自己偶像慶祝或者宣傳。

近呢幾年，小編最印象深刻既一定係4月30日，呢日係MIRROR成員姜濤既生日，「姜濤香港後援會」既一班粉絲「姜糖」為左慶祝姜濤生日，同香港電車合作推出免費乘車日，俾大眾30日呢一日免費乘搭電車，而且更加係電車車身落廣告慶祝生日。而且仲係銅鑼灣既銅鑼灣地帶﹑SOGO同金百利商場既巨型Billboard落廣告，俾所有「姜糖」去打卡同影相。

「食物應援」最初係因為偶像係工作同出席活動期間，需要經常跑通告太忙，分分鐘無時間用餐，而形成既應援文化，粉絲集資準備偶像既食物，連工作人員既食物都會準備埋。最普遍既做法會係D餐盒上貼上偶像既名、照片，或者後援會既名，甘一方面可以俾大家知道係哪個偶像既粉絲送黎，另一方面又可以幫自己偶像做好公關。