4個開Party必玩嘅啤牌遊戲【撲克牌另類用法】

4個開Party必玩嘅啤牌遊戲【撲克牌另類用法】

4個開Party必玩嘅啤牌遊戲【撲克牌另類用法】

開Party點少得玩遊戲,啤牌遊戲是非常常見於派對聚會之中,我們當然不鼓吹賭博,但作為派對遊戲嘅工具可謂最好不過,啤牌遊戲一般需要用上運氣、智力及心理策略,團體遊戲可以令新朋友好快融入派對之中,而啤牌遊戲最令人期待嘅並非輸贏,而係懲罰,輸家嘅懲罰可以係飲檸檬汁、蔬果混汁、食芥末或者係飲酒,但留意飲酒最緊要量力而為,如果輸家真係飲唔到,小小意思就好,開Party最緊要開心,同埋記得為人為己,開車前咪飲!

多人Party撲克牌遊戲

啤牌遊戲 | 多人Party撲克牌遊戲

啤牌遊戲可以應用於多重場合,Party Room、酒店房間、會所、酒吧、甚至係屋企,一副啤牌連Joker有54隻,本文整理4個開party必玩嘅啤牌遊戲,暑期開Party係基本操作,但記得開Party前訂購定我哋Kama Delivery嘅美食到會,所謂遊戲時遊戲,開餐時開餐,只要你響網上揀好送貨日子及時間,我哋將會準時將美食到會送到,事不宜遲,進入第一個啤牌遊戲:啤牌對決。

【免運費】自選餐盒到會

啤牌遊戲推介 1. 啤牌對決(6或8人)隊制賽

啤牌遊戲推介 | 啤牌對決隊制賽 | 6-8人即可參與

每局兩隊必須選其中一人做隊長

由隊長開始選人進行對決

Ace最大,2最小

撲克牌對決玩法:每人獲發一張牌,每個參賽者自己唔可以睇但係要俾人睇,所以自己唔會知自己係咩牌,由其中一組隊長開始選對面其中一個作為對手,比拼手中啤牌大細,輸家需等待下一局開始,直到邊隊所有隊員輸晒,就隊制接受懲罰。

派牌後隊員唔可以交流,正常個個開始都會選擇對面最細點數去挑戰,但唔好忘記你唔知自己幾點,而被挑戰果位可以用小懲罰換取換牌嘅機會,假如換到張大牌,挑戰者可以同樣用小懲罰換牌,直到雙方有信心就進行對決,當然你亦可選擇最大點數嘅果位挑戰,令佢以為自己係細牌,接受小懲罰之餘更加將大牌換掉,另外如果對方欣然接受挑戰,可能意味自己張牌好細,挑戰者亦可以小懲罰換取換牌機會,但對方會唔會呃你,就要自行定奪,對決後勝方需更換啤牌,由勝方再選擇挑戰的對象。

啤牌遊戲推介 2. 開口中 個人賽

啤牌遊戲 | 開口中玩法介紹

開口中玩法:每人獲派一張啤牌,自己手持點數自己唔睇得,但要開出俾人睇,輪流由A叫到K,一個人最多叫三個數,當玩家叫中自己點數,持人同樣點數嘅玩家要一齊受罰,可以使用一次Pass或者一次Reverse,隨時害人終害己。

啤牌遊戲推介 3. 誰是吹水王

啤牌遊戲推介 | 誰是吹水王

目標:出哂自己手上嘅所有牌

吹水王玩法:遊戲好簡單,4個參賽者或4個組合,平均分配啤牌,出牌人出牌需反轉啤牌,並告訴眾人啤牌嘅組合,如Pair 2、3條6等,最多出5隻牌,可以是俘虜,但不能是花、蛇或者四條。

如果出牌者被抓到講大話,出牌者需要將枱面所有啤牌收回,並接受一個小懲罰;反之如果冇講大話,抓錯嘅揭發者需收回枱面所有啤牌,並接受小懲罰,如果抓對,由揭發者再出牌;如果抓錯,由被抓者再出牌,直到最後一家手上仲有啤牌,就要接受大懲罰。

5個公司Party Game推介|多人公司活動必睇|辦公室遊戲

【多人公司活動必睇】公司開Party搞團建,一定離唔開Party Game,又喺考起搞手腦筋急轉彎,玩遊戲最講氣氛、同事投入度,當然腦細面色都要顧及,好玩又簡單就最直接,太複雜嘅遊戲講解都嫌浪費時間,公司同事集體玩Party Game目的自在提高同事之間互動以及凝聚力⋯⋯ 繼續閱讀

啤牌遊戲推介 4. 射龍門

啤牌遊戲 | 射龍門玩法及懲罰

射龍門同大家新年玩嘅玩法一樣,玩家在啤牌中先抽兩隻,然後下注,可以指任何一個人或多人接受懲罰,玩法係開始玩家先發兩張牌:

例如懲罰係飲檸檬汁

如再發一張牌嘅點數在先發嘅兩張啤牌中間,發牌者獲勝,被點名嘅參與者需要飲一小杯檸檬汁作懲罰,亦可將杯數提升。

如再發一張牌點數不在先發嘅兩張啤牌的中間,即所謂出界,發牌玩家需要接受懲罰,如剛點名四位玩家每人一杯,出界的話發牌玩家需接受一半即兩杯的懲罰。

如再發一張牌的點數與先發嘅兩張啤牌的任何一張相同,即所謂中柱,發牌玩家需要接受自己剛剛講嘅所有懲罰,如剛點名四位玩家每人一杯,中柱的話發牌玩家需接受四杯的懲罰,所見先發A、K不會出界,但仍有機會中柱。

如果先發兩張牌一樣,則重新再發,牌牌只玩半疊便要重新洗牌,以免玩家記牌。

Kama Delivery作為你嘅派對飲食伙伴,希望參與你每個大大小小嘅派對聚會,玩得開心之餘當然要食得滿足,我哋貨架上有超過100款美食選擇,亦有針對唔同人數Party嘅美食到會套餐,外賣送貨範圍覆蓋全港、九龍及新界,一齊食住好嘢玩轉暑假,歡迎隨時瀏覽我哋網站或者WhatsApp我哋查詢美食都會訂購詳情。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsFreepik

*未經許可,以上文章不得轉載或引用*