【野餐小食＋飲品推薦🌸】1個鐘輕鬆搞定！滿滿儀式感嘅零失敗野餐食物必須收藏！

【野餐小食＋飲品推薦🌸】1個鐘輕鬆搞定！滿滿儀式感嘅零失敗野餐食物必須收藏！

野餐季節又到啦！一到秋天天氣就涼浸浸，好適合同屋企人、伴侶或者成班FD去草地野餐，最大樂趣一定係大家準備靚靚野餐小食Chill住打卡，享受大自然。如果想提升儀式感，可以試吓DIY簡單而獨特嘅野餐食物同飲品，Kama Delivery同你分享籌備超強野餐小食攻略，第一次野餐新手都輕易上手！

▼ 未搵到心水野餐地點可以睇埋▼

有時明明喺屋企擺得靚靚，點知出到嚟變哂樣仲變得唔好食，跟住下面嘅小技巧出發前做好預備就唔會出事啦～

野餐咁大班人開心Share，食物如果已經分成一份份／一件件，食果陣方便而唔狼狽，如果食唔哂大家仲可以分一分帶回家，減少造成浪費～

雖然秋冬天氣涼涼地，但係！未煮熟嘅食物放喺室外真係好快變質，滋生細菌！建議帶埋保溫袋同冰種，或者喺野餐地點附近先買，並盡快食哂，避免唔新鮮。

超重要！食物如果比醬汁／湯汁浸太耐唔單止影響口感，外觀都冇咁新鮮同吸引。

去野餐之前，張樽裝飲品結成冰，更可以暫時當冰種嚟冰凍食物，一舉兩得，仲可以防止野餐食物變壞，退冰之後仲可以當冰水喝～

如果想影打卡able IG相，記得帶啲小道具，例如野餐籃、純白杯杯碟碟、野餐墊、乾花等等，然後張食物重新擺盤，營造最啱Feel嘅野餐打卡相。

每次去野餐前都好頭痛要準備咩好，其實可以喺超市買定啲現成食材再自己增加多啲口味同組裝，Kama Delivery推薦幾款簡單又清爽嘅野餐小食食譜，等你輕鬆成為野餐達人！