【泰國旅行點用到轉數快?】3個條件讓你轉數「泰」快

泰國旅行轉數快 | 3個條件讓你轉數「泰」快

【泰國旅行點用到轉數快?】3個條件讓你轉數「泰」快

隨著科技進步,電子貨幣交易日漸普及,而家連去泰國旅行消費,都可以用到FPS轉數快付款,出門在外,帶少啲現金就少啲危險,可省卻找續過程節省旅遊時間之餘,又唔會儲儲埋埋啲外幣神沙做紀念,最緊要係少咗對鈔票嘅接觸,亦少咗換到假鈔嘅機會,對愛遊泰人士或需到泰國公幹嘅香港人都係福音,應用上亦非常方便,只需3個條件,一部有電量嘅手機、手機有上網功能(使用漫遊數據服務或當地電話卡)、轉數快綁定嘅銀行帳戶結餘足夠,旅遊用轉數快「泰」Easy。

FPS轉數快 與 PromptPay泰國

泰國旅行點用到轉數快

香港金管局宣佈於2023年12月4日轉數快正式與泰國央行PromptPay連接,PromptPay係由泰國支付政策制定機構泰國銀行(BoT)開發和監管嘅一個基礎設施解決方案,其實亦類似香港轉數快,可實現跨行轉賬,便利日常消費生活。隨著香港支付寶在中國可扣港幣直接購物或付款後,算是境外跨行轉賬,是次轉數快與泰國PromptPay連接可謂係跨國兼跨行轉賬,相信未來會有更多國家或地區參與,可能係轉數快,亦可能係其他支付工具平台。

9間香港指定銀行 超過800萬個泰國商戶

Prompt Pay轉數快泰國

泰國有超過800萬PromptPay登記嘅商戶,每個商戶都係專屬自己嘅PromptPay收款二維碼,只要使用滙豐銀行、中銀香港、恒生銀行、東亞銀行、花旗銀行(香港)、交通銀行(香港)、富邦銀行、八達通、HKT Payment電子錢包,共9間銀行轉數快及支付平台掃描對方PromptPay收款二維碼,可即時扣港元俾錢,仲有即時有匯率睇埋,而FPS於泰國每日轉帳上限為HKD$10,000,約四萬四千幾泰銖,即時轉數快過數,結帳「泰」方便。

無論你用邊間銀行或支付平台俾錢,該應用程式都會以不同方式發放已付款通知俾帳戶持有人,例如電郵或短訊SMS等,記住只係通知,一般唔需要點擊確認,大家要緊記慎防偽冒短訊通知交易異常,或者話你付款失敗要點擊某連結確認,都要睇返自己銀行戶口或支付平台有冇成功扣數,條數啱唔啱,切勿點擊或打開任何連結,提防手機被黑客入侵。

旅行必備清單|出發前Checklist|男女合用檢查表

【旅行必備清單Checklist】每逢節日或者連假,都係一家大細去玩嘅好時機,大家一定已經搶左平價機票,同安排好行程啦。但太耐無搭飛機出遠門,係咪已經唔太記得點執行李呢?又或者,會擔心執漏野準備不足?小編整理左一個旅行出發前清單Checklist俾大家⋯⋯ 繼續閱讀

泰國旅遊用FPS轉數快優惠

恆生匯豐銀行泰國轉數快

某啲銀行做緊泰國轉數快優惠,包括匯豐、恒生及Tap & Go,如使用轉數快掃PromptPay code付款結帳達某金額或滿足某啲條件,可參加抽獎贏取電子禮券及旅遊禮券,詳情請向你的銀行或支付工具平台查詢。

6句常用泰文 香港人旅遊傍身

香港人常用泰文

響泰國購物除咗支付方式方便到自己,識返幾句泰文鎮下場面就更加得心應手,練返幾句購物必學泰文,手機冇電都講到價。

幾多錢?
泰文:啦嘎溝瀨

太貴了?
泰文:pen斷拜

可否平啲?
泰文:文two掛拉埋

人哋賣得平過你
泰文:拉嘎con坤two掛con坤

再平啲我立即買
泰文:他wa 卡two澎隻si噴嚏

送俾我啦
泰文:冠希趁低買

科技進步雖然便利生活,但亦減少咗人與人之間嘅溝通,好似以前話煲兩三個鐘電話粥,而家都少咗好多,以語言溝通可以察覺對方語氣、情緒,比起冷冰冰嘅文字更能表達情感,講得差啲唔緊要,至少有誠意先,好似朋友間增進感情,冇方法比得上見面聚會,開派對喪玩一番,Kama Delivery作為你最佳派對飲食夥伴,為你每個派對聚會提供美食到會服務,我哋有超過100款美食選擇,菜系包括西式、中式、東南亞美食,訂購金額滿HKD$688即可享免運費地面交收服務,我哋期待為您服務,歡迎隨時瀏覽我哋網站或者WhatsApp我哋客服查詢美食到會訂購詳情,講多句,我哋同樣接受轉數快付款,用FPS轉數快更加有小食贈送,記得Follow我哋嘅FB同IG緊貼我哋最新優惠。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Unsplash

*未經許可,以上文章不得轉載或引用*