【愛的理論嘅3種元素】咩係愛情三角理論？

【愛的理論嘅3種元素】咩係愛情三角理論？

有無諗過愛情都有分7種類別? 而且會係由3種元素排列出唔同既組合。喺人類嘅世界，愛情一向都令人難以捉摸既，正所謂問世間情為何物呢？愛情嘅魔力令人又愛又恨，令你快樂又可以痛苦，變化莫測，而美國心理學家史坦伯格Dr. Robert Sternberg喺1986年提出既「愛情三角理論」(Triangular Theory of Love)入面有講到愛由3種元素組成，或者可以解釋到對愛情既理解。咁係邊3種元素呢？邊7種類別？

由史坦伯格提出嘅愛情三角理論，又稱愛情三因論，或愛情三元理論，由親密 (Intimacy)、激情 (Passion) 以及承諾 (Commitment) 呢3大元素組成。

激情係指生理上既吸引力，兩個人互相吸引而達到興奮感覺，會產生強烈嘅浪漫感，Dr. Robert指激情仲包括左人既其他原始慾望，例如依賴、支配、服從等。而且，仲好似令人上癮既咖啡因一樣。

親密係指二人彼此之間既心靈連繫感同親近感，當愛情足夠親密令相雙方有依戀感，有助鞏固兩個人嘅關係，會反映一個人係段感情中既付出、依賴、重視，互相理解等，同激情唔同，而且唔容易被發現。

承諾係想同對方一直行落去既決心，伴侶之間嘅承諾可以分成短期和同長期關係既承諾，係與對方關係嘅一種堅持；例如短期關係方面，係戀愛中確認雙方既情人關係，長期關係方面，雙方會作出婚姻承諾。

一段感情入面，有唔同既階段，亦有唔同既類別，大家可以了解一下邊7種愛的類別。

2人之間暫時只存在好感，鍾意同對方相處，但未去到想同對方一齊，或者未想有進一步關係，又有可能係只當對方係朋友。

初時大家都可能俾對方既外表，身型，或性格而吸引到，更有可能係會對對方產生有生理上既需求或想法。

現今既愛情都偏自由戀愛，而空洞既愛情，雙方可能只係因為責任而一齊，又或者係父母媒妁之言，所以只得承諾元素。

浪漫之愛簡單D講，其實就係熱戀期，2人感情存在激情同親密，比較著重係現在多D，暫時唔會考慮到未來既承諾既元素。

友伴之愛比較似親情，或者常出現係老夫老妻既關係中，2人一直陪伴對方，照顧對方，分享生活大小事情，唔可以缺少對方。

只有激情同承諾既愛情屬於愚眛之愛，舉個簡單D既例子，就類似閃婚既夫妻，憑著2人既一股衝動同一股熱情，而係大家仲未完全了解情況下決定閃婚，結果之後2人既激情日積月累消耗左，可能到最後都會轉換成空洞之愛。

完美之愛完全係包含晒3個元素，親密、激情同承諾，2人之間有足夠既信任，同互相依賴，互相吸引，最重要係2人感情好，又會計劃將來，願意同對方一齊共同進退，面對困難。