購物車內無任何商品
posts
嬰兒咳嗽常見12原因【乾咳濕咳點樣分？】
嬰兒咳嗽常見12原因【乾咳濕咳點樣分？】
咳嗽係嬰兒期好常見既呼吸道徵狀，睇落普通，但其實背後可能藏住唔同原因。同埋，BB 呼吸系統未發育成熟，咳嗽反射弱、痰又難以排走，如果新手父母處理不當，可能會令 BB 既咳嗽情況延誤處理。為左避免延誤處理就要先搞清楚成因、分清楚類型，再配搭得宜既護理，先可以守護寶寶呼吸道健康嫁。
BB 咳嗽 12 個常見原因
咳嗽唔係單一因素造成，涵蓋生理、病理、環境等多類，父母要逐項排查，精準搵到根源。
1. 生理性嗆咳
BB 吞嚥功能未完善，飲奶、飲水太急，或者口水、乳汁反流刺激呼吸道，會引發短暫嗆咳。呢種係身體自我保護，咳嗽突發，無其他不適。
2. 冷空氣刺激
BB 既呼吸道好嫩，如果突然接觸到冷風、低溫，黏膜充血水腫，都會引發刺激性干咳。多數會係清晨、外出吹風時出現。
3. 呼吸道感染
最常見既病理原因有分為上呼吸道感染，例如係感冒、咽炎，同埋下呼吸道感染，例如支氣管炎、肺炎。病毒細菌入侵後刺激黏膜，除咗咳嗽，通常會有流鼻涕、發燒、精神差。
4. 過敏性咳嗽
BB 接觸到塵蟎、寵物毛髮、花粉，或是進食牛奶、雞蛋等易致敏食物，都會好容易引發氣道高反應，咳嗽持續多數會係乾咳，待別夜晚、清晨更嚴重，只要BB遠離過敏源後竟會舒緩啲。
5. 胃食管反流
BB 胃呈水平位，括約肌未成熟，飲奶後胃酸、食物反流刺激咽喉，會引發咳嗽。多數會發生係平躺、餵奶後，有可能係伴隨吐奶、煩躁。
6. 鼻後滴漏綜合症
如果 BB 感冒、鼻炎，都會有可能令鼻腔分泌物倒流咽喉，持續刺激引發 BB 咳嗽。BB 會頻密清喉，平躺時更明顯。
7. 空氣太乾燥
室內濕度太低，呼吸道黏膜乾燥，痰黏稠難排，會誘發咳嗽。尤其係秋冬、開冷氣或暖氣時最常見。
8. 異物吸入
BB 好奇心重，易吸入米粒、玩具零件等異物，引發突發劇烈嗆咳，嚴重時會呼吸困難、面色發紫。
9. 百日咳
百日咳桿菌引起，初期似感冒，後期出現陣發性痙攣性咳嗽，咳完有鳴聲，通常係啲未接種疫苗既 BB 比較常見。
10. 支原體感染
肺炎支原體感染引致支原體肺炎，咳嗽多係刺激性乾咳，後期少痰，伴隨低熱、疲倦，咳嗽持續時間長。
11. 環境刺激物
二手煙、香水、蚊香、消毒水等刺激性氣味，會直接刺激到 BB 既黏膜，導致咳嗽。
12. 積食咳嗽
脾胃功能弱，餵養不當而導致積食，積滯化熱引發肺熱咳嗽，表現為咳嗽、痰多、口臭、脹氣、食慾差。
輕鬆一下自選小食套餐
嬰兒咳嗽既常見類型 6 個分別
- 乾咳：無痰或少痰，聲音乾澀，常見於冷空氣刺激、過敏、早期感染、鼻水倒流等。
- 濕咳：痰多，喉間有聲，常見於支氣管炎、肺炎、積食等。
- 急性咳嗽：持續少於兩周，多由感染、冷空氣、異物吸入引起，發病快、症狀明顯。
- 慢性咳嗽：持續超過四周，排除急性問題後，多同過敏、鼻水倒流、支原體感染等有關，反覆難癒。
- 感染性咳嗽：由病毒、細菌、支原體引起，伴隨發燒、流鼻涕、精神差，需抗感染護理。
- 非感染性咳嗽：由過敏、環境、鼻水倒流、胃酸倒流等引起，無發燒，遠離誘因後可好轉。
嬰兒咳嗽既 8 個紓緩方法
針對唔同原因同類型，父母要溫和護理，避免盲目用藥，具體方法如下：
1. 調整室內環境
- 保持空氣清新，每日開窗通風 2-3 次，每次 15-20 分鐘。
- 濕度控制係 50%-60%，可用加濕器避免乾燥。
- 遠離二手煙同刺激性氣味，勤洗床單被罩，減少塵蟎。
2. 適量補充水分
- 多俾 BB 飲溫水，少量多次，濕潤呼吸道、稀釋痰液。
- 6 個月以下純母乳 BB，可增加餵奶次數，母乳水分可紓緩不適。
3. 調整餵養同睡姿
- 預防胃酸倒流，餵奶後抱 BB 輕拍后背排氣，避免立即平躺。
- 睡眠時適當墊高上半身 30°，減少胃酸倒流，紓緩夜咳。
4. 鼻腔護理
鼻水倒流引發既咳嗽，用生理性海鹽水噴鼻或洗鼻，軟化分泌物後用吸鼻器輕輕吸出，減少咽喉刺激。
5. 拍背排痰
濕咳有痰既 BB，側躺或趴係大人既大腿上，手掌空心，由下至上、由外往內輕拍后背，力度適中，每次 5-10 分鐘，每日 2-3 次，幫痰液鬆動排出。
6. 避免過敏接觸
過敏性咳嗽 BB，及時排查遠離過敏源，外出戴口罩，室內做好除蟎。
7. 飲食調理（適合 6 個月以上 BB）
積食、肺熱咳嗽既 BB，可飲雪梨水、白蘿蔔水（溫熱），飲食清淡，減少油膩、甜食。
8. 及時就醫
如果 BB 出現以下情況，要立即睇醫生，千奇唔好亂用藥：咳嗽劇烈、呼吸困難、面色發紫、持續高熱、精神萎靡、拒奶、咳嗽超過兩周無好轉、懷疑吸入異物。
$58
$78
Price range: $108 through $216
Price range: $72 through $108
已售完
Price range: $96 through $144
Price range: $108 through $162
Price range: $88 through $132
咳嗽係身體發出既「信號」，父母千萬唔好過度焦慮，但都唔可以輕視。只要學識分清楚成因同類型，盡快紓緩 BB 不適，同時密切觀察 BB 狀態，必要時及時就醫，先可以令 BB 遠離咳嗽困擾，穩健成長嫁。近年來開始有唔少新手父母都選擇簡單既百日宴或者 BB 生日會，我地 Kama Delivery 每年都有唔少媽媽搵我地查詢到會套餐，有唔少爸爸媽媽都係選擇我地既一口小食套餐或者 Little Friend Set，亦有部份客人提供人數同預算要我地報價，點都有適合同符合佢地要求既套餐或者單點食物。
聯絡我們
追蹤我們延伸閱讀
部份圖片出處｜Magnific
＊如以上圖片有所侵犯版權，請立刻告知，我們會盡快作出修改＊
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
