沖洗前 15–30 分鐘，用嬰兒專用撫觸油、橄欖油，或者醫用白凡士林，用手指仔細輕輕搽喺痂度，等充份浸軟，唔好硬剝。

用約 37℃ 既暖水濕濕個頭，取少少無淚配方既嬰兒洗髮水喺手心搓起泡，輕輕打圈按摩個頭，特別係痂位，令軟化既皮屑甩走。記得千祈唔好用手去摳，或用硬梳刮，否則會刮傷 BB 個頭，仲有機會引起發炎。

暖水徹底沖洗乾淨，唔好有洗髮水殘留，再用軟綿綿毛巾輕輕印乾，唔好來回擦。

等 BB 個頭完全乾咗之後，再薄搽少少嬰兒專用保濕霜，一周 2–3 次就得。痂厚既可以一日做一次，直到甩晒為止。

每日早晚用暖水濕濕棉紗，輕輕抹下眉位、鼻翼、耳後，唔好太大力。唔使成日用潔面乳，兩日一次嬰兒潔面乳就得。

抹乾面之後，用少少嬰兒油輕輕滾下有皮屑既地方，軟化少少，再用乾淨棉簽抹走。跟住即刻厚搽嬰兒保濕霜，鎖水修護。

唔好俾 BB 用成人護膚品，食完奶記得抹走嘴角同面頰既奶漬，唔好令皮膚愈來愈乾澀。

每次沖涼或者換尿片時，一定要清潔皮膚既摺位，用暖水輕輕扒開皮膚沖洗埋啲汗同污垢。

洗完之後用毛巾印乾，亦可以用風筒最弱風、最暖輕輕吹下，確保深處完全乾透，唔好留濕氣。

乾咗之後，薄搽嬰兒護臀膏、凡士林或者專用摺位膏，形成一層保護膜，減少摩擦同汗刺激。紅少少既話，可以多搽幾次。

每日用暖水沖涼，時間 5–10 分鐘就夠，唔好太熱水、浸太耐，否則會令皮膚更乾。一周用 2–3 次嬰兒沐浴露就得。

沖完涼 3 分鐘內，皮膚仲濕潤時，全身搽嬰兒保濕乳，患處可以厚少少，加強鎖水。

著棉質、寬鬆、透氣既衫，唔好著尼龍、毛質。出汗後要勤換衫，保持皮膚乾爽。