推薦BB禮物 1. 尿片

尿片係BB成長期必需品，呢份禮物雖然冇驚喜但係非常之實際，係寶寶每日都會大量消耗既物品之一，大家可以問下BB既父母係用邊款牌子同Size，咁就避免買唔岩用既尿片俾BB啦。

推薦BB禮物 2. 包巾或蝴蝶包巾

包巾或蝴蝶包巾屬於多功能既禮物，因為包巾或蝴蝶包巾會令到BB有安全感，又容易瞓覺瞓安穩，仲有保暖既效果嫁。大家係考慮包巾或蝴蝶包巾既時候，記得可以按照幾個因素去揀既，例如材質既柔軟度、彈性、透氣性以及排汗能力，材質可以考慮棉質、有機棉同竹纖維等既天然材質，同時要避免有釦或別針等既尖銳物，減少誤傷BB。

推薦BB禮物 3. 防踢被

防踢被係用黎保持BB身體溫暖既被子，亦可以避免BB踢開被子著涼，等BB保持舒適D既睡眠環境。

推薦BB禮物 4. 揹帶

BB揹帶可以提供適當既支撐同保護，BB既頭、頸同背可以得到適當既支撐，同時用嬰兒背帶仲可以促進親子關係既建立，提供一個BB同父母身體接觸同交流既機會，亦方便父母照顧BB。

推薦BB禮物 5. 購物禮券／禮品卡

因為有時真係唔知買咩禮物，送購物禮券／禮品卡就最簡單方便，等父母佢地自己選擇需要嘅BB產品，咁就最實際啦。

推薦BB禮物 6. 口水肩

口水肩由初生到一兩歲既幼童都會用得上口水肩，仲會經常用口水肩，所以一般父母都會準備定好多條口水肩替換，大家係買口水肩時，記得揀D有機棉質等既物料，減低BB皮膚敏感既風險。

推薦BB禮物 7. 嬰兒禮盒

如果唔知送咩，亦可以考慮禮盒實行大包圍，因為入面有齊好多物品，集合埋一盒，又大體，又方便，市面上不同嬰兒用品牌子都有好多款式，有D係有埋BB衫褲、口水巾、安撫玩具等。大家可以因應BB既性別、年齡等去選購嫁。

推薦BB禮物 8. 長命鎖及新生手鐲

送得呢款禮物既，一定係同BB父母感情好好或者係屋企人關係，例如長輩，長命鎖大多數係由金屬或金銀做既飾物，呈古鎖形狀，按照傳統講法，只要掛上呢D飾物，就可以幫BB祛災去邪，亦有蘊含一生平安、長命富貴既吉祥寓意。另外，而家唔少手飾店或金舖都有推出D價錢適中既新生手鐲，大家亦可以參考下。