小朋友小傷口一直流血？

大家由細到大，都會有試過受傷流血，或者流鼻血，但都會好快止血，但係各位爸爸媽媽有無留意過自己小朋友經常流血，或者一D小傷口一直流血都唔識得停？ 或者要等上好一段時間先開始停止流血？點解會出現呢D情況呢？其實，小傷口持續流血係有好多原因，例如，傷口過深、傷口入面有異物、傷口感染、傷口部位接近血管或動脈，咁我地了解左之後，就可以更有效咁應對同處理嫁，咁樣就可以避免延誤治療啦。

由於人體有三重止血既機制，係為左避免創傷後大量失血，當皮膚受損，傷口既附近血管會即時收縮，可以降低血流量，另一方面，血小板同一時間會係傷口凝聚，形成血凝塊，可以塞住傷口同埋形成止血既情況，最後，透過血液內既多種「血凝固蛋白」將血凝塊再加固，咁就可以令傷口完全封住而停止流血啦。

除左小編開頭提及既原因之外，傷口過深、傷口入面有異物、傷口感染、傷口部位接近血管或動脈之外，其實仲有3個原因要留意返，有機會係身體出左問題，各位爸爸媽媽不妨留意一下小朋友流血既程度。

流血不止原因 1. 血小板問題

血小板減少症：血小板數量低係會影響止血能力。

骨髓疾病：如白血病，可能影響到血小板生成。

流血不止原因 2. 凝血功能異常

血友病：屬於一種遺傳性既疾病，會影響血液既凝固。

缺乏維他命K：因為維他命K係對血液凝固有非常重要既角色，缺乏左就會容易導致出血問題。

肝臟疾病：肝臟會製造多種凝血因子，而肝病可能會影響到呢D凝血因子既生長。

流血不止原因 3. 慢性疾病

糖尿病：有機會影響到傷口癒合，而導致流血會持續。

自體免疫疾病：例如紅斑狼瘡，可能會影響血液和同血管既健康。

如何處理小朋友既傷口？

首先，當小朋友既小傷口一直流血時，我地先保持冷靜，同時用干淨既布或紗布輕輕按壓住個傷口，持續最少5分鐘或以上，等到傷口唔再出血。如果可以，都可以將傷口抬高到比心臟高既位置，咁係有助減緩血液既流速，從而幫助傷口止血。如果傷口持續15分鐘都未止血，就需要前往醫院進行止血啦。

止左血之後，可以用生理食鹽水輕輕幫傷口做清潔，去除任何表面既異物同污染物，減少細菌停留係傷口上面，然後再塗上適當既抗生素藥膏，避免感染，平日仲要保持傷口乾燥，盡量唔好接觸水，令到傷口加快癒合既進度。

如果都一直止唔到血，家長可以視乎以下3個情況，尋求醫療協助。

尋求協助情況 1. 傷口很深／很痛

尋求協助情況 2. 異物刺入／卡住傷口

尋求協助情況 3. 血管受損