小朋友用既防曬乳建議揀不含化學性防曬劑既物理性防曬成分，因為物理性係不含紫外線吸收劑等化學成分，較低刺激性，加上可以用番梘就可以洗干淨，對於小朋友都會溫和好多。有D防曬乳會含有化學成分香精，容易刺激到皮膚，所以都要留意返。

值得留意，除左物理性防曬成分之外，盡可能都揀一D避免含有石油提煉或化學合成既成分，如果係以植物成分為基底既話，亦可以考慮比小朋友同BB使用。

建議選擇能夠使用番梘或溫水就可以洗干淨既兒童防曬乳，減少堵塞毛孔同傷害皮膚既機會。

相信好多人係買防曬乳時，會留意個防曬係數，亦會以為數字越高越好，但其實唔係，因為數值越高既防曬乳，對皮膚刺激就越大，所以建議睇場合去買。

如果小朋友只係日常出去戶外，例如去街，返興趣班路程中，咁就建議SPF10-20，已經可以充分阻擋紫外線。如果小朋友長時間進行戶外活動，直接曝曬既場合，需要選擇至少SPF30左右既防曬乳。

其實SPF數值代表防曬係數，當數值越高，預防曬傷狀態既時間就會keep得越耐。 PA值就代表 UVA 既防護等級，數值越高，防止曬黑既效果就越強。

市面上有唔同質地既防曬乳，例如乳液狀，或噴霧式既，如果係係室外比較短時間，可以考慮用乳液狀，比較清爽。如果係長時間進行戶外活動，就建議用噴霧式，除左可以覆蓋大範圍皮膚之外，仲會比較方便。

有D防曬乳仲會提供埋防水既功能，例如小朋友去沙灘游水，家長都可以選擇呢類型既防曬乳。

亦有D防曬乳係有補水功能，因為紫外線會令水分容易流失，可以係買既時候，可以留意下成分會唔會有植物萃取物或植物精油、玻尿酸、胺基酸等。