紓壓方法 1. 深呼吸練習

最容易既方法，可以抽1至2分鐘進行一次深呼吸，專注於吸氣同呼氣，甘就可以幫助降低焦慮壓力啦。

紓壓方法 2. 冥想

大家可以係訓覺前用幾分鐘進行一次冥想，透過冥想而清空思緒，令內心得到平靜。

紓壓方法 3. 運動

運動會刺激大腦分泌多巴胺、安多酚，一星期可以抽幾日進行規律活動，例如跑步、瑜伽、游泳等，因為運動後，身體會釋放內啡肽，從而改善心情。

紓壓方法 4. 聆聽音樂

如果時間唔多，又或者係坐車，沖涼既時候，亦可以聽D輕鬆既音樂，咁就幫助大家緩解壓力。

紓壓方法 5. 同親朋好友聚會

襯放假既時候，又或者放工之後，不妨約埋D朋友或家人聚餐開Party，分享最近既事情，可能係感情上，生活上，工作上，學業上，等等既事情，大家就會得到支持同理解，亦可能會有唔同既方案解決問題。

紓壓方法 6.  2日1 夜旅行

星期六日放假時，又唔想留係香港，大家亦可以北上玩返2日1夜既Staycation嫁。

紓壓方法 7. 散步

大家亦可抽時間去公園散步，接觸大自然，都可以減少壓力，提高心理健康嫁。

紓壓方法 8. 閱讀

如果唔想外出，而且又鍾意睇書，亦可以搵本好書閱讀，咁就可以暫時逃避生活壓力，俾身心放鬆下。

紓壓方法 9. 熱水澡

如果屋企有浴缸，大家不妨浸浴，令肌肉放鬆，加上又可以有Me Time，真係可以減輕緊張感，更加舒適。

紓壓方法 10. 學習新技能

專注於學習新事物，例如烹飪、繪畫等興趣，可以分散注意力，減少壓力。

紓壓方法 11. 養寵物

如果經濟能力許可，家庭成員亦同意，不妨養寵物，貓或者狗，因有研究發現，人同寵物相處既時候，會散發某種化學激素，能夠降血壓、舒緩緊張情緒，而且寵物又可愛，真係會令人見到都會開心，絕對係人類最好嘅朋友。

紓壓方法 12. Me Time

根據《Quartz》報導，研究發現現今D人好多都機不離手，所以建議大家可以放低手機，好好享受自我獨處，更加認識真我，強化同理心，花時間將焦點放係自己身心上。