永生花、乾燥花、索拉花、香皂花係咩花【男士送花你要知】

送鮮花送得多，但有無想過送其他花俾另一伴？大家應該聽過永生花啦，咁乾燥花、索拉花同香皂花，唔知大家了唔了解呢2款花係咩？同永生花又有咩唔同？

永生花、乾燥花、索拉花、香皂花係咩花？

1. 永生花

永生花（英：Preserved Flowers / Preserved Fresh Flower / Everlasting Flowers / Eternal Flowers）又稱不凋花、不死花或保鮮花，係台灣，亦有其他叫法，永恆花同恆星花，屬於真花。

永生花係指將鮮花經過24小時既脫水、脫色，過程中，先將鮮花入面既原有色素同有機物去除左，然後用保鮮劑同染色劑進行處理，再浸入染色溶液達36小時或以上等鮮花上色，之後進行清洗，最後就可以烘乾，大約要3至7日先可以完成。而且係乾燥同陰涼既環境下，避免左陽光直射、高溫同潮濕既環境，永生花仲可以保存2-3年，甚至可以更耐。

永生花無論色澤、形狀定手感，根本上同鮮花無分別，仲保持左鮮花既特質，而且顏色更加豐富，同時可以製作出自然界未有既顏色。

永生花主要用係花藝設計、居家裝飾、慶祝活動等，亦常被當禮物送，寓意美好，但價格會相對比較高。

【情人節花語】情人節送花係基本功，因為每種花都有花語，透過花語表達愛意會更加有誠意，情人節花語意思係某一啲花嘅花語好適合用於情人節，首當其衝肯定係紅玫瑰，花語象徵「熱情的愛、浪漫」，但亦因為花語嘅意思，並非戀愛中每一段關係都適合紅玫瑰⋯⋯　繼續閱讀

2. 乾燥花

乾燥花（英：Dried Flowers）指鮮花通常用一D簡單既方法製作，從而令到鮮花既水分可以快速脫離，而方法有幾種，自然風風乾、乾燥劑乾燥、水插法、壓花法、微波爐烘乾等，乾燥花屬於真花。

由於鮮花失去水分之後，花朵就會變得乾、萎縮，顏色會發黃、暗淡等，整體會呈現出一種枯萎既狀態，花瓣同葉片既質地比較脆弱，同容易破碎。乾燥花放置係乾燥通風既環境中，避免潮濕同俾陽光直射，保存時間一般會由1到2年左右，如果保存不當反而會容易發黴、褪色或者會壞。

比較適合製作乾燥花既選擇通常取決於植物既特性，例如粗纖維、木質化、低含水量既植物，而一般常見既會有玫瑰、滿天星、繡球花、兔尾草、尤加利葉等。

燥花會適用於花藝設計、家居裝飾等，可以營造出復古同自然既氛圍，而且價格相對較低。

3. 索拉花

索拉花（英：Sola Flower 或 Sola Wood Flower）係由日文「ソーラーフラワー」譯音既名字，又名通草花、香氛花、擴香花，屬於一種手工製作既花材，亦可叫人造花。

將索拉木皮一片片刨落黎後進行染色，再經裁剪等加工後再重新綁製，或者縫合而成既手工花材，而佢既質感同真正既鮮花都會有分別，索拉花比較輕同薄、更加柔軟，而且有一種自然既感覺。如果索拉花保存得當，可以保存較長時間，但如果長期暴露係潮濕或高溫既環境中，都會有可能有變形、褪色等既問題。

索拉花可以用於裝飾外，佢仲有具有擴香功能，因為係樹皮製作既原因，可以比較輕易吸附味道同容易揮發，但只能維持1-2日。索拉花價格方面會因製作同品質而異，一般處於中等水平。

而索拉花唔算係永生花嫁，因為索拉花係屬於手工產品，並非好似永生花甘用真花製作而成，而且係日本，索拉花係分類係手工花入面，但由於索拉花既顏色好多，所以經常會俾人誤以為係永生花，有D花店仲將索拉花用永生花既價錢去賣可以賺更多錢，所以大家要留意。

【用咩花適合求婚？推薦6款求婚花】 求婚一定係希望同對方進入新既一個階段，亦希望對方有驚喜之餘，仲可以留下一個難忘既回憶，所以求婚最重要既，除左場地、求婚戒指之外，用咩花求婚都好重要嫁，仲應該要送幾多朵花呢，目的只務求得到對方既一句「Yes I Do」⋯⋯　繼續閱讀

4. 香皂花

香皂花（英：Soap Flower）又稱肥皂花、香薰花或番梘花，係一種以香皂為主材料，所製成既仿真花、人造花，起源於泰國肥皂雕刻，香皂花外觀逼真，仲帶有香皂既香味，雖然遇水溶化可作洗手或清潔用途，但香皂花主要用作觀賞既用途，所以唔太建議用黎洗手，除非係符合標準既材料製造既香皂花就可以。

如果自制既香皂花保存期限偏短，有機會1-3個月就會變軟或者發霉，相反出面賣既通常保存到6-12個月，或者2-3年都有機會，切記要留意放置既地方，必須要通風干爽，避開有陽光既位置。另外，由於原材料同製造成本低，所以香皂花的既價錢係比較平嫁。

適合2人享用的Kama Sweet for TWO｜迷你小型到會外賣套餐｜Kama Delivery

快速查看

2人浪漫到會套餐

免運費的地面交收服務

套餐內容涵蓋小食、主菜、甜品等

適合2人享用

點我查看完整餐單

送花唔一定要買好貴嫁，最重要係收花既人會唔會開心或驚喜呢？心意同背後既意思，都好緊要嫁，而且唔一定係D大時大節先可以送花俾另一半，係大家特別既日子，例如結婚週年、求婚記念日、交往記念日等，大家都可以叫我地Kama Delivery到會既Kama Sweet for TWO 二人餐同另一半慶祝嫁，全港免運費，無論郊外地方抑或酒店Staycation都冇問題！

聯絡我們