求職騙案來襲2026【學生、主婦及退休人士高危注意】

「無需學歷與經驗，在家工作，每月報酬20k以上」，係咪熟口熟面呢？香港求職騙案有上升趨勢，2023年的警方數據顯示，總罪案宗數達90,276宗，其中詐騙案高達挨近40,000宗，而有部分受害人事後並無報警求助，所以實際數字必定更高，作為罪案宗數之首，詐騙案亦分為以下種類，包括：

本文會聚焦求職騙案，騙徒一般會以無需經驗、學歷、高薪等作招徠，學生、主婦及退休人士比意較高危，因為缺少前面兩者缺乏工作經驗，容易受騙；退休人士時間多，唔想成為屋企嘅負擔，會心急想賺「Easy Money」，求職騙案響2023年已知嘅有3,930宗，佔全部詐騙案件約10%，所以本文會揭露求職騙案常見手法，希望大家可以提高警覺，以免蒙受損失。

所謂刷單，名義上係幫商家產品推高人氣以完成指定任務，所以基本上有智能手機、電腦都做得，受害人需假扮買貨，以營造提升網店某產品高銷量嘅假象。受害人需將指定貨品加入平台的購物車，截圖作實把貨款存入指定銀行戶口（通常是個人戶口），最後會連本帶佣金退回受害人戶口，頭幾次會真係收到所謂回報，但隨著受害人轉帳金額愈大，騙徒就會消失，難以追查。

另一種求職騙案會令受害人無端端多咗筆貸款要揹，騙徒會利用登記資料嘅名義，向受害人索取身份證、地址證明、銀行戶口等資料，並要測試是否可以正常入錢俾受害人，可能會是一筆數萬元的存款，當受害人確定收到後，騙徒會要求受害人將該款項退還（通常係個人戶口），但呢個時候，騙徒已經用咗受害人嘅資料，向財務機構借貸，而受害人退還嘅款項，正是貸款嘅金額，所以如果唔確定對方身份，切勿向任何人提供個人資料。

有騙徒會將大品牌公司甚至乎招聘公司資料改圖，偽裝成大公司的「高層」，聲稱可提供入職捷徑，聲稱付款後確保受害人必定能入職，騙徒會以獵頭公司名義作招聘，所以會知道受害人想入職邊間公司，最後憑住一張幾可亂真嘅卡片同受害人發送嘅履歷表，令一眾冇咩工作經驗嘅求職者上當。

有好多人覺得做偏門好搵錢，但響法制健全嘅香港會有一定風險，騙徒會開宗明義，聘請網上賭場嘅荷官、賠率操作員、銷售經理等，但需到海外工作，因為某啲地方法制落後，亦即係KK園嘅所在地，如緬甸、柬埔寨、杜拜等，做偏門都唔會被人拉，當受害人抵達後，會被沒收電話及護照，然後用受害人電話向受害人嘅親朋好友借錢，而受害人亦可能遭受非人道對待，要離開可以，好彩的話家人付上高額合約賠償費會放人，但更多嘅係就算付上幾次合約賠償費，受害人仍然不能離開，仲要被迫淪為騙徒，呃自己朋友入局，換取一時安全。