購物車內無任何商品
blog
【夏日熱辣辣】6個方法預防兒童中暑
【夏日熱辣辣】6個方法預防兒童中暑
踏入暑假，正值小朋友出外「放電」嘅黃金期，兒童中暑亦成為家長最關注嘅健康議題。由於小朋友對中暑缺乏概念，家長必須加倍留意。中暑後果可大可小，除咗室外高溫，「室內中暑」同樣係不容忽視嘅隱形陷阱！處理不當，隨時會引致生命危險。本文將為各位家長拆解以下核心資訊，助你做好全面防護！
小朋友外賣套餐
室內中暑嘅環境
就算兒童在室內活動（包括汽車內）或停留都有機會中暑，主要係因為室內空間空氣唔流通，夏天時產熱速度比散熱速度快，會引致熱傷害，小朋友未必意識到自己體溫漸漸升高，過度出汗容易脫水，室內中暑尤其老人與兒童最常見，老一輩慳電費開冷氣可免則免、兒童容易被其他活動平擾忽視體溫過高嘅問題，加上老人家同小朋友對溫度嘅調節能力相對比較弱，所以我哋要留意佢哋會唔會出現以下症狀：
- 頭暈不適
- 作嘔作悶
- 全身虛弱乏力
- 呼吸急促並心跳加快
- 面紅耳赤體溫升高
室外中暑嘅環境
室外中暑嘅情況常見於兒童及成人，中暑嘅原因是因為產熱速度快，散熱慢導致體溫過高，在陽光不斷照射下，配合香港大廈林立阻礙散熱、冷氣機熱空氣排放下，氣溫可達攝氏 40°C，小朋友在室外放電，少不免蹦跳走動，運動效能下加劇體溫上升及水份排放，兒童中暑後可能被玩心干擾，輕微不適下繼續運動，讓中暑程度惡化；成人如在陽光下工作或身穿不透氣衣服如西裝、套裝在室外活動，亦會加深中暑嘅機會。
3個中暑程度
中暑一般有三個程度，由輕至嚴重分別係熱痙攣、熱衰竭與熱中暑。當身體持續覺得熱、皮膚乾躁並且發紅（脫水預警）、心跳及呼吸過快等，就係熱痙攣及熱衰竭嘅症狀，如果忽視嘅話，中暑情況會進一步加劇至熱中暑，甚至出現無法流汗、頭痛、頭暈、作嘔作悶、視野蒙糊、定向力變差，最嚴重甚至會導致昏迷及抽筋。
如果小朋友出現中暑症狀又應如何應對？小朋友中暑往往係因為冇表達不適，當發現嘅時候可能已經踏入熱衰竭階段，面對兒童中暑要保持冷靜，用以下方法有助即時緩減中暑嘅不適，並因應情況去診所或嚴重者打電話叫白車去醫院。
兒童中暑應對方法
如果發現小朋友懷疑中暑，家長千萬唔好慌，記住要保持冷靜！只要把握黃金時間，即刻幫佢做啱以下 3 個急救步驟，就可以幫小朋友快速降溫、化險為夷：
帶小朋友離開該高溫地方
儘速將有中暑徵狀者帶離所處嘅地方，並讓患者於陰涼處休息，最好平臥並將雙腳提高或墊高，有助增加腦部血液供應，紓緩感官不適。同時記得幫佢撥吓風或者開大風扇，保持空氣流通，等體溫可以降得更加快。
補充水分
脫水係中暑主要原因之一，如果患者仍處於清醒狀態，可立即補充含鹽份電解質飲料同常溫水，同埋記得要慢慢咁飲，放慢速度，避免濁親。注意中暑切勿飲用冰水，如中暑者已陷入昏迷亦切勿補水。
物理降溫
應幫中暑者脫去外衣同鬆開束縛物（如領帶），並用濕毛巾擦拭身體。若情況輕微，可將冰袋放係頭下同腋窩加速散熱，觀察一晚無大礙就唔駛留醫；但若情況嚴重，應係物理降溫嘅同時立即 Call 白車送院。
【兒童生日派對食物】兒童生日派對食物點揀？第一個出嚟嘅一定係老麥，炸薯條、炸雞、漢堡、汽水、果汁，全部係小孩至愛，有好多家長認為唔係成日食，唔健康都冇咩所謂，當然每個細路仔生日會一年一次，但小朋友亦會參與其他小朋友嘅生日會，隨時今晚打完邊爐⋯⋯ 繼續閱讀
作為家長要點預防兒童中暑？
想同仔女過個安全又消暑嘅暑假？家長們一定要記低以下 6 大防中暑貼士，由日常起居到戶外放電全面做好防護！
- 避免兒童於空氣唔流通嘅地方逗留，就算落車熄匙，時間再短都唔好俾小朋友留守車內。
- 逗留有空調嘅室內地方，例如博物館、商場同圖書館。
- 室外活動時刻觀察小朋友嘅皮膚及精神狀況，強制休息時間。
- 讓小朋友時刻補充水份，最好每隔 15 至 20 分鐘就飲少少水。
- 讓小朋友穿著淺色、通爽衣物，做好防曬準備。
- 帶備暖毛巾俾小朋友休息個陣降溫，抹吓條頸、腋下同埋大腿兩側，咁樣最有效帶走身體嘅熱能量。
新推出
$1088
新推出
$1688
新推出
$2388
$688
$268
$70
$138
$198
$168
$128
$828
$1088
兒童中暑無論程度輕重都不能輕視，輕則雖要休息兩至三日，重則需要兩至三個月痊愈期，炎炎夏日又碰著暑假，可以選擇室內地方如派對房間或會所等地方俾小朋友放電，好多 Party Room 有足夠設施俾小朋友響空調下玩足一日。
開 Party 最煩惱安排嘢食？不如試吓 Kama Delivery 嘅到會服務啦！大朋友小朋友都可以喺室內舒舒服服等食。我哋仲特別準備咗兒童專屬到會套餐，除咗有齊細路仔最鍾意嘅小食、主食同甜品之外，最吸睛嘅一定係個熊仔造型奶昔樽，用嚟打卡影相一流，最正係全港免運費地面送貨，夠晒方便！
聯絡我們
追蹤我們延伸閱讀
部份圖片出處｜Unsplash
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
