唔鍾意食芫茜≠偏食

大家有無諗過點解有D人好抗拒芫茜（另稱：香菜／芫荽，英：Coriander / Chinese Parsley / Cilantro），而有D人就好鐘意食芫茜？或者係另一D好極端既情況，例如，芹菜、茄子、番茄、青瓜、西蘭花等等；到底係咩情況而出現咁既行為，而大家有無諗過係基因既原因而影響到一個人鍾唔鍾意食芫茜或者其他食物？

芫荽係全球料理會使用既調味香草，基本上好多地方餐廳都會見到佢既出現。甚至日本美食指南網站「GURUNAVI」更加係2016年將芫荽選為代表食物，之後唔同既食物、零食、甜品、飲品，都加入芫荽，而且連便利店都食住個熱潮，仲推出埋「芫荽節」。芫荽更加獲得營養師同中醫師大讚，因為一整棵芫荽都係有營養價值，而且仲有好多好處添。

芫荽有咩好處？

芫荽本身屬於低熱量且高纖，每100克都係得40千卡熱量，仲有3.1克既蛋白質，3.5克既膳食纖維，而且含有豐富維他命同礦物質既天然調味料，另外，芫荽仲有7個好處嫁。

多人到會套餐

36 商品

Party節日外賣套餐

免運費的地面交收服務

自訂冷盤、小食、主菜款式

可按需要加購件數食物

點我查看完整餐單

芫荽好處 1.

可以降低血糖，因為芫荽可以激活更多酶，將血糖分解。

芫荽好處 2.

可抗氧化，減少出現炎症，抑制癌細胞生長，提升免疫力。

【8個方法改善視力問題】有時見到小朋友係睇書、睇電視既時候，要靠得好近睇先得，有時又會側住個頭黎睇，又或者瞇眼睇野，問佢點解會咁樣睇野既時候，小朋友都會話睇唔清楚，如果出現咁情況，家長就要留心同留神啦，因為可能小朋友視力出左問題，例如近視⋯⋯　繼續閱讀

芫荽好處 3.

預防心血管疾病，芫荽可以降低壞膽固醇，保持血管健康。

芫荽好處 4.

改善腸道健康，芫荽有助舒緩肚脹、腹痛情況。

芫荽好處 5.

預防腦退化症、柏金遜症，改善記憶力。

芫荽好處 6.

可抗菌，芫荽中醛類可以有效殺死沙門氏菌，預防食物中毒。

芫荽好處 7.

可強健骨骼，每100克既芫荽有84毫克鈣，同40毫克磷，可以幫助保持骨骼同牙齒健康。

【上班族打工仔必讀】何謂職業病呢？香港常見嘅職業病又有冇你份？顧名思義職業病是由於職業需要或者因為工作環境而引致嘅病痛，唔好忽視職業病對你嘅影響，除非辭咗職或者轉變咗工作環境，否則職業病只會日漸嚴重，如果你察覺身體開始出現以下嘅毛病，並配合⋯⋯　繼續閱讀

雖然芫荽有好多好處，但真係未必所有人都可以接受到芫荽獨特嘅味道。

英國《The Mirror鏡報》幾年前引述左美國康奈爾大學發布既一項研究結果，2012年統計遺傳學家，亦係生物科技公司 23andMe 既領導人Nicholas Eriksson發布既研究指出，其一個提到芫荽味覺既遺傳成分，顯示出鐘唔鍾意芫荽，同嗅覺受體基因有無變異有關，如果有基因變異既人，研究指出可能係同第11號染色體既OR6A2出現變異有關，會令到人類對醛類（Aldehyde）化合物既嗅覺變得到相當敏感，所以就會唔鍾意芫荽既，例如大部份人會覺得芫荽味好似肥皂味、洗潔精，正正因為呢2樣就係有醛類成份，而芫荽偏偏都有82%既醛類，又或者有D人會覺得芫荽味似腐爛、蟲臭味、泥土味，呢D都屬於唔愉快既味覺體驗。相反，鍾意芫荽既人會覺得芫荽既味道有D清爽、酸酸，似檸檬、青檸既味道。

唔鍾意食芫荽係天生？

當然都有其他論文指出，除左基因之外，飲食文化都會影響對芫荽既喜惡，例如17%歐洲人、21%東亞地區既人同14%非洲人都係唔鍾意芫荽，但南亞民族同埋中東人討厭芫荽既比例就好低，因為芫荽係呢D地方屬於非常常用既香料，但呢個都係當作係一個參考。所以當下次有人同你講做咩唔食芫荽，大家就可以同對方講，唔鍾意食芫荽係天生既，基因問題。

國際討厭香菜日

小編最後同大家分享一個同芫荽有關既有趣節日，每年2月24日係「國際討厭香菜日」（International I Hate Coriander Day），呢一日係由2017年奧地利一班唔鍾意芫荽既人透過佢地自己既Facebook 「I Hate Coriander」專頁，發起既一場活動，仲宣佈2月24日做International I Hate Coriander Day，目前呢個專頁既粉絲已經有30萬人啦，如果大家有興趣，都可以去Follow一下個專頁嫁。