【止咳化痰12款推薦食物】食咩可以止咳化痰？

你係咪一到轉季或者流感高峰期，就咳到停唔到？有時乾咳到喉嚨痛，有時啲痰又卡係度、咳極都咳唔出，真係諗起都辛苦。當你咳到咁既時候，會食啲咩去幫自己快啲好呢？如果你以為得飲蜂蜜水一招，咁就一定要睇落去啦！即刻為大家盤點，除咗蜂蜜水，仲有邊啲天然嘢食同飲品係真正既止咳化痰神器！

痰同咳有分幾種？

係中醫角度方面，痰有分4類，而咳就分為3類，大家不妨留意下啲痰既顏色同質地。

1. 燥痰：質地黏稠不易咳出

燥痰係由於肺黏膜乾燥，但痰比較少，而黏性強唔易咳出黎。症狀方面：痰少或無痰、痰帶白、淡黃色、口同鼻同喉嚨乾燥、舌苔薄黃、夜晚會惡化。

2. 熱痰：色黃質稠體內發炎

熱痰係明顯地較黏稠，咳出既痰好杰身，一嚿嚿，同時有機會係發炎現象。 症狀方面：痰多同好杰撻撻、痰帶黃色綠色、重咳、會卡痰。

3. 濕痰：色白痰多胸悶胃脹

濕痰係由於腸胃水分代謝失衡，多餘水分停滯體內。 症狀方面：痰多同好杰撻撻、痰帶白色、重咳、會卡痰、腸胃不適。

4. 寒痰：色白質稀畏寒怕冷

寒痰比較常見係慢性氣管炎、哮喘患者，遇風、天氣變化大、低溫時出現咳嗽。症狀方面：痰係透明同偏水或泡沫狀、會有咳嗽、打噴嚏、流鼻水、四肢冰冷、臉色蒼白。

5. 熱咳：痰黃發燒喉嚨紅腫

熱咳會係初期既時候，出現頭痛﹑出汗﹑口乾、口苦、咽喉痛等既不適症狀，另外，痰會杰撻撻，好難咳出黎，痰既顏色偏黃。

6. 寒咳：痰稀怕冷鼻塞流涕

寒咳既話，可以睇舌頭既顏色，都係偏白，而且會出現頭痛、鼻塞、流鼻涕等症狀。痰多，同埋顏色淡同偏白。

7. 燥咳：乾咳無痰喉嚨痕癢

燥咳既症狀係喉嚨癢、咽乾、口乾、舌燥等症狀，另外，主要無咩痰，干咳。

【到會飲食的革命】隨著菠蘿腸仔、咖喱角嘅退場，到會飲食由服務及食物質素主導，Kama Delivery 作為香港其中一間具規模到會公司，秉持每年節日都會推出新嘅到會套餐，對於食物、飲品及甜品種類嘅選擇亦不停推陳出新，定期推出新產品⋯⋯　繼續閱讀

有咩止咳化痰既食物同飲品？

1. 柿子：潤肺化痰生津

中醫認為柿係性寒味甘微澀，具有潤肺化痰、清熱生津、健脾益胃、涼血止血等多種功效。不論係直接當新鮮生果食，定係揀性質相對溫和少少既柿餅，都係唔錯既潤肺選擇。但要留意，柿入面既鞣酸比較多，記得要避免同高蛋白質既食物（例如蟹或者牛奶）一齊食。

2. 羅漢果：清熱解毒止咳

被譽為「神仙果」既羅漢果，具有清熱解毒、化痰止咳、養聲潤肺功效，而且對煙酒過度等引起既聲音嘶啞效果特別有效。仲可以降血糖值，改善糖尿病。羅漢果亦可以保喉嚨，治療風熱襲肺引起既聲音嘶啞、咳嗽、喉嚨痛等，又可以用於肺火燥咳，喉嚨痛失聲，腸燥便秘等症狀。

3. 白蘿蔔：理氣消食化痰

白蘿蔔有膳食纖維、鈣、磷、鐵、鉀、維生素C等營養，另外，中醫認為白蘿蔔有潤肺止咳、消食行滯既功效。如果經常食白蘿蔔，可潤喉理氣、止咳化痰、幫助消化。

4. 陳皮：健脾燥濕化痰

陳皮係傳統中藥，理氣健脾、止咳化痰，對因秋燥咳嗽既人特別有用。陳皮性溫，味辛、苦，入脾經、胃經、肺經，可理氣健脾，燥濕化痰，臨床使用陳皮多治痰濕不化、胸膈滿悶、咳喘痰多、痰白粘稠。

5. 梨子：消炎降火治熱咳

梨有潤肺涼心、消炎降火、止咳去痰既功效，但梨子係適合熱咳，咳嗽有痰，痰多為黃色或黏稠狀既人食用。

6. 枇杷：專治肺熱咳嗽

枇杷味甘、微酸，性涼，中醫認為枇杷果有潤肺、止咳、止渴功效，主要用於治療肺熱咳嗽、久咳不愈、咽幹口渴和胃氣不足等病症。

【熱蜂蜜水能醫感冒病？】一到冬天既流感高峰期，或者天氣時凍時熱既時候，個人就好容易感冒，但有無諗到，原來係2020年8月18日發表既一份《英國醫學雜誌》（BMJ）研究文章，提及到有3位英國牛津大學既研究員指出，醫生開出抗生素處方最常見既原因⋯⋯　繼續閱讀

7. 百合：滋陰潤肺安神

百合味甘、微苦，性微寒，有潤肺止咳、清心安神作用。百合可用於陰虛久咳，痰中帶血，虛煩驚悸，失眠多夢，精神恍惚等。

8. 生薑：散寒止咳驅寒

薑適合風寒感冒、痰清而稀症狀，中醫認為薑能散寒止咳、幫助發汗，薑湯非常適合體質虛弱者。如果有喉嚨發炎症狀，就唔適合飲薑湯，避免症狀更嚴重。

9. 蓮藕：清肝熱生津止渴

蓮藕被《本草綱目》稱為「靈根」，新鮮蓮藕有生津、舒清肝熱、潤肺、涼血、止血功效。如果蓮藕加入雪梨汁一同飲用，可以改善熱咳症狀。另外蓮藕含有維生素 C 和鐵質，女性更年期內分泌失調可以吃蓮藕滋陰生血，孕婦在係懷孕期間容易貧血，可以多吃蓮藕排骨湯補充孕婦同 BB 既營養。但要留意一點，有腹瀉、平時手腳冰冷、寒性體質或脾胃虛弱既人，不宜食過多生藕啦。

10. 蜂蜜水：潤肺止咳通便

蜂蜜性平味甘，有潤肺止咳、潤腸通便既作用，傳統中醫都好常用蜂蜜治咳嗽。不過要記住，沖蜂蜜水千祈唔好用滾水，因為高溫會破壞晒入面既營養成分，用 40°C 至 50°C 既微溫水沖就最完美啦。如果覺得就咁沖水飲有少少單調，仲可以試吓加兩片新鮮檸檬做檸蜜，或者切幾片生薑燉製成生薑蜂蜜水。

11. 洋蔥水：抗炎稀釋頑痰

洋蔥含木犀草素、槲皮素等成分可抑制組織胺分泌，減緩過敏及炎症現象，更可稀釋呼吸系統既痰。

12. 熱甘蔗汁：生津潤燥暖胃

甘蔗味甘性平，有生津、潤燥既功效，甘蔗汁加熱後，可解寒性感冒既咳嗽症狀。