咩係超級水果「餘甘子」? 油柑子5個好處

有無聽過有種水果叫餘甘子? 如果大家有返上去大陸玩，應該有飲過或者見過呢種叫「油柑汁」既飲品，其實餘甘子屬於超級水果，等小編介紹下咩係「餘甘子」啦，仲會分享一下「餘甘子」既好處俾大家了解。

餘甘子（學名: Phyllanthus emblica），英文Indian Gooseberry 或 Emblic，又叫油柑子，因為入口食起黎先苦後甘甜既特性，可生津止渴，所以被叫做「餘甘子」，另外，亦被叫油甘、油甘果、印度醋栗、滇橄欖等，甚至曾經以「庵摩羅迦果」（Āmalaka）既名字出現係佛經中。

油柑子分布於熱帶和亞熱帶地區，包括中國、印度、印尼、馬來半島，台灣以南投、苗栗栽種最多，花期4月至6月，果期7月至9月。但主要原產於印度，係古印度療法「阿育吠陀」（Ayurveda）中保持年輕美麗既主要配方，被稱為印度聖果，更有水果之王稱號。

其實，香港都有一個地方係同油柑子有關嫁，呢個地方係位於荃灣西同汀九之間，以前因為有好多油甘子（即餘甘子）而被命名為「油柑頭」。

印度人一直用餘甘子黎治療出血、吐痾同腸胃炎，印度政府都曾經用餘甘子對抗壞血病。因為餘甘子富含維他命C，係古印度療法「阿育吠陀」（Ayurveda）醫學中，更加視為延年益壽既食材，所以油甘又有印度聖果、救命果、綠寶石既別名。甚至係明代既時候，李時珍更加記載係佢本《本草綱目》入面：「餘甘子，味甘寒、無毒，主風虛熱，補益強氣，久服，輕身，延年長」。

油柑子同其他水果相比，有更大量既維他命C同營養素，每100公克有超過500毫克維生素C，唔講唔知，油柑子既維他命C係蘋果既160倍，係柑橘既25倍，仲要係維生素之王既獼猴桃高4倍。

油柑子既超氧化物歧化酶（英文: Superoxide Dismutase, 簡稱: SOD）係蘋果既2萬幾倍，而SOD其實係屬於生物體內重要既抗氧化酵素，由體內自我合成或透過食物攝取得到，已被廣泛應用係保養品當中。SOD有助對抗因身體新陳代謝、壓力、環境污染、紫外線照射、抽煙或唔健康既飲食同生活習慣而產生既自由基，保護細胞免受氧化損傷，延緩皮膚老化速度，減少色素沉澱或斑點，促進皮膚修復同再生，所以對皮膚起到一個全面既抗氧化同保護作用。

油柑子係動物實驗中可以有效降低糖尿病老鼠既血糖，對於改善第一型、第二型糖尿病鼠既血糖同胰島素抗性係有明顯效果，不過臨床醫學研究數據有限，大家可以謹慎D，尋求專業醫生查詢同了解下。

油甘子含有抗氧化物，可以防止有關心臟細胞既氧化損傷同炎症，有研究指出，油甘子降低血脂、壞膽固醇（LDL-C水平），另外又會增加好既膽固醇，而好膽固醇係可以將血液多餘既膽固醇運送到肝臟，防止膽固醇積聚係血管內，減少形成既血栓同動脈阻塞，減低心臟病發作或中風既風險。

另外，抗氧化活性係有助細胞突變，減慢腫瘤生長，預防癌症，包括乳癌、子宮頸癌、卵巢癌同肺癌等。

根據中醫，油柑性味酸甘而涼，有助生津止咳，舒緩咽喉部不適，例如乾咳、口渴既作用。

超級水果油柑子又點會甘少好處呢，網上更加有人分享飲完油柑子汁，去廁所既情況都好左，容易左，唔知大家北上既時候，有無飲過? 唔知係咪真係甘神奇呢?