益生菌好處 ①
幫助消化、解決便秘肚瀉、調節腸道菌群

益生菌最大既作用就係幫助消化，因為會令到腸道入面既「好細菌」多咗，同時係可以抑制住D「有害細菌」既生長，從而令排便更有規律，亦可以有效緩解腹瀉、便秘等問題。

如果因為對抗生素引起既腹瀉，都會有很好既預防同治療既效果。另外，益生菌亦可以幫助乳糖不耐症既人，可以更好咁消化牛奶。

益生菌好處 ②
增強免疫系統功能

腸道係我哋身體最大既免疫器官，益生菌可以幫腸道築起一道防線作為抵禦，等病毒同細菌冇咁容易入侵。加上益生菌能刺激免疫細胞活性，同時促進抗體產生，可以降低感冒、流感等常見感染既風險同嚴重程度。

益生菌好處 ③
製造營養、補充維生素

有部分益生菌係腸道入面可以自己製造B群維生素，例如維生素B12，核黃素同葉酸，幫助身體可以更好地吸收鈣、鐵等礦物質，從而幫我哋補充營養。

益生菌好處 ④
改善心情、緩解壓力

你可能唔知，越來越多既研究表明，腸道同大腦之間存在緊密既聯繫，稱為「腸腦軸」（英：Gut–Brain Axis），係指大腦同腸道之間會通過神經、荷爾蒙同免疫系統進行既雙向溝通網絡，其中腸道菌群扮演著關鍵角色，因為益生菌可以通過調節腸道菌群，影響神經遞質既產生同釋放。此系統連結左兩個器官，腸道會影響大腦，大腦都會反作用於腸道，共同調節情緒、認知、新陳代謝同免疫等功能。簡單D講，腸道同大腦係相通既，當腸道舒服咗，心情都會跟住好返，故此對焦慮、抑鬱等情緒問題會有潛在既改善作用。

益生菌適合對象 ①
消化功能不佳者

如果經常受到腹瀉、便秘、脹氣或腸易激綜合征(IBS)既困擾，補充益生菌可能會有所幫助。

益生菌適合對象 ②
服用抗生素後

抗生素會連埋腸道入面既好菌一齊殺死，補充益生菌可以幫腸道菌群快D復原。

益生菌適合對象 ③
老人家

年紀大咗，腸道入面既好菌會慢慢減少，補充一D有益於腸道健康同身體抵抗力。

益生菌適合對象 ④
免疫力低下或容易感冒

通過調節免疫系統，益生菌可以幫助身體更好地抵禦感染。

益生菌適合對象 ⑤
乳糖不耐症者

有D研究表明，特定既益生菌菌株可以幫助分解乳糖，減輕飲牛奶或吃乳製品後既不適症狀。

① BB有嚴重腸絞痛

研究顯示，特定菌株既益生菌可能有助於減輕嬰兒腸絞痛既症狀同持續時間。

② BB啱啱用過抗生素

同大人一樣，嬰幼兒使用左抗生素之後，補充益生菌有助於保護腸道菌群。

③ BB有濕疹呢類敏感問題

有證據表明，媽媽係孕期同哺乳期補充益生菌，或直接俾高風險嬰兒補充，可以降低特應性皮炎，一種常見既嬰幼兒濕疹既發生率。

貼士 ①
睇菌株，唔好淨係睇種類

同樣係乳桿菌，乳桿菌屬擁有多達170多種菌，都係人體常見既菌屬，唔同既「菌株」效果可以差好遠，包裝上面最好有清晰既菌株編號，例如「鼠李糖乳桿菌 （英：Lactobacillus Rhamnosus），其中既LGG菌株既好處係耐胃酸、耐膽鹼且定殖力佳，幫助維持消化道機能。而GR-1菌株，目前有臨床實證研究中，係最專精於女性呵護或者保養既菌株。而LRH113菌株可以調整體質，所以菌株編號先係有無功能既重點。

貼士 ②
留意活菌數

益生菌一定要係活既先有效發揮作用，所以挑選包裝上標示有100億CFU以上既產品。

貼士 ③
檢查產品形態、包裝

最好揀獨立小包裝或者密封好既瓶裝，而且好多益生菌都需要雪櫃冷藏保存，買既時候記得睇清楚儲存條件。另外，最好選擇膠囊或腸溶包衣，因為呢D先可以保護益生菌唔會俾胃酸殺死。

貼士 ④
睇產品成分表

盡量揀添加物少既產品，特別係唔好有太多糖、香精同色素等，特別係俾小朋友或需要控制血糖既人挑選既時候要更加注意。

貼士 ⑤
優先食發酵食品

如果本身消化系統冇咩大問題，其實都可以先從食物之中吸收，例如飲優酪乳、食泡菜等，會更溫和同安全。