星宿特性
一白貪狼星係九宮飛星中嘅首星，亦是所謂桃花位，象徵著人緣及感情，五行屬性為水，與東南的木相生（水生木），形成一種良性互動。

方位分析
東南方位五行屬木，而水生木嘅關係令一白貪狼星響東南方嘅力量得以提升，有助於創業及人際關係嘅良好發展，同時促進事業發展，尤其需要桃花的職業，如演藝、律師等。

星宿特性
九紫右弼星是代表喜慶與人際和諧嘅星宿，有喜神位之稱，五行屬火，如果力量夠強，會提高舉辦喜慶的機會，如婚宴、百日宴等。

方位分析
東方五行屬木，木能生火嘅關係令九紫右弼星在東方力量得以增強，如果於屋企東方方位擺放綠植，增強木令火更旺，透過舉辦慶祝活動或社交聚會，有機會認識貴人，提升運勢。

星宿特性
五黃廉貞星被視為破壞之星，亦稱五黃煞，五行屬土，煞氣強大。其代表著阻礙與困難，特別在響健康上代表疾病甚至死亡。

方位分析
東北方位五行屬土，所謂土土相遇，無增無減，五黃星的影響力雖然唔會得到增強，但由於煞氣強大，亦會引發一些不利影響，特別係如果睡房響屋企嘅東北方位，可擺放五帝錢或六帝錢，有效鎮壓五黃星嘅煞氣。

星宿特性
六白武曲星象徵著財富與權力，五行屬金，主偏財，所謂偏財包括意外之財，如投資、博彩、或貴人帶來意外財富。

方位分析
南方五行屬火，火勊金的關係有機會削弱六白武曲星的能量，本身響六白星方位適合進行投資與商業談判，亦有利於財務增長，但因為火金相勊，建議響辦公室或者屋企嘅南位擺放流動水擺設，水可有效遏止火嘅能量，同時金能生水，壓火力度更大，有助減低火對六白星嘅能量影響。

星宿特性
二黑巨門星代表著阻礙與健康問題，又稱病符位，五行屬土，對於健康運有一定嘅負面影響。

方位分析
中宮一般五行屬土，土土相遇，二黑星嘅能量唔會增強或減弱，但始終病符位主疾病，建議病符位減少活動，如果響病符位食飯，容易導致腸胃疾病，尤其要避免一家人響病符位活動，可能家人間會出現交叉感染疾病。

星宿特性
七赤破軍星五行屬金，亦稱破財位，簡單來講意味響七赤星方位，容易破財，甚至傾生意的話，合作容易告吹。

方位分析
北方五行屬水，金生水嘅關係令七赤破軍星的力量得以增強，七赤星力量過大連家宅運都會受損，更會容易破財，甚至惹上官非、盜賊，要減弱七赤星的能量，可以擺放麒麟擺設，麒麟五行屬火，火能勊金。