惠州親子遊景點 1. 惠州西湖

惠州西湖屬於國家5A級旅遊景區，景觀由「五湖六橋十八景」組成，五湖就是指形成西湖既5個湖區，即菱湖、鱷湖、平湖、豐湖及南湖。在歷史上，惠州西湖曾經同杭州西湖、潁州西湖合稱為中國三大西湖。而且仲有蘇東坡既紀念館，全年都開放，大家不妨帶小朋友去參觀埋，感受一下詩人既氣息。

惠州親子遊景點 2. 雙月灣

雙月灣背靠大青山，面對大亞灣同紅海灣，形成左2個如同彎月既半月形海灣，俯瞰睇就似兩輪彎月相依相伴，從而得名「雙月灣」。雙月灣適合進行各種水上活動，例如游泳、潛水、衝浪等。另外，沙灘南部既惠東港口海龜自然保護區、大星山砲台、小星山戰鬥烈士紀念碑等景點，都值得帶小朋友去睇下。

如果鍾意食海鮮，就去港口鎮市場，呢度係專賣海產同其他食品既主要市場，附近仲有餐廳可以俾你自己揀海鮮同決定點樣烹調D海鮮。

惠州親子遊景點 3. 巽寮灣

被譽為「綠色翡翠」同「天賜白金堤」既巽寮灣，仲有「粵東馬爾代夫」之稱，而且係屬於國家4A級旅遊景區，總長20幾公里海岸線內，就已經有八個海灣，以石奇美、水奇清、沙奇白著稱，仲要係廣東東部幾百公里海岸線之中，海水最干淨既海灣之一。

唔單止雙月灣有水上活動，巽寮灣都有，例如香蕉船、獨木舟、快艇、摩托艇等，另外，仲可以租一條魚船同當地漁民一齊出海捕魚嫁，絕對係一個可以俾小朋友鮮有既體驗，而且仲可以將捉到既魚帶走，落船就可以搵附近餐廳幫忙烹調。如果唔想去捕魚，可以去天后宮附近，情海路，租單車黎一個環繞海邊遊嫁。

惠州親子遊景點 4. 惠州永記生態園

如果大家唔想玩水上活動，可以考慮帶小朋友去生態園，惠州永記生態園係個多元化農業觀光園，可以同小朋友落手落腳去種菜、摘蔬果，體驗農耕之後，可以去玩園內既遊戲設施，例如迷你高爾夫球場、水上單車、戶外迷宮、馬場、動物園。

惠州親子遊景點 5. 惠州植物園

惠州植物園位於惠城區、惠州西湖旁，園內按照功能劃分左唔同既區域，集合左科研、科普、遊覽、休閑功能於一體的既綜合型園區。有5層樓高既溫室玻璃園，2個室內場館，溫室有三大雨林群系既植物景觀，分別係非洲雨林群系、美洲雨林群系、印度馬來雨林群系，入面既設計仲有小山、瀑布、木橋、池水等，十分適合帶小朋友去參觀，而且仲要係唔使門票嫁。

惠州親子遊景點 6. 咩咩牧場

咩咩牧場係一個大型既親子寓教於樂體驗地，設有動物餵食，例如羊咩咩、小香豬，孔雀觀賞，仲有彩虹卡丁車跑道、沙池挖掘機、海洋球池、水上樂園、蔬菜採摘等多項娛樂設施。