2026年情侶深圳2日1夜行程【假日拍拖好去處】

情侶拍拖有咩地方好去？無論係漫步沙灘睇日出，定係計劃出去玩，又或者 Book 間餐廳食個雙人餐都係唔錯既安排，但年年都係差唔多既安排，所以小編今次為大家計劃去兩日一夜既情侶遊深圳行程，等大家過一個輕鬆愉快既二人世界。

從深圳市區去大鵬新區可以揀自駕，車程大約 1.5-2 小時，沿途風景好靚。大家亦可以坐地鐵三號線到雙龍站，再轉公交前往，耗時大約 2.5-3 小時。而且景區之間距離比較近，建議租車或者 Call 車出行，更加方便快捷。

如果假日房源都會緊張，建議可以提前少少預訂住宿，部分民宿同酒店會推出情侶專屬套餐，包含浪漫佈置、雙人早餐等服務，性價比更高。另外情人節期間部分餐廳係需要提前預約，避免耽誤左用餐。

適合2人享用的Kama Sweet for TWO｜迷你小型到會外賣套餐｜Kama Delivery

第一站：玫瑰海岸文化旅遊度假區

玫瑰海岸作為深圳知名既婚紗攝影基地，呢度 1500 米既軟綿沙灘被湛藍海水環抱，歐式教堂、玫瑰園林，地中海風格既建築真係隨手一拍都係一張張浪漫大片。情侶可以拖住手漫步沙灘，亦可以租一隻小船，獨享無人打擾既二人世界。如果啱啱趕上退潮，仲可以執貝殼，當成信物或小禮物。而且景區入面既愛情打卡點超多，同心鎖長廊、愛心拱門、浪漫千秋。

如果玩到咁上下，肚餓時可以考慮玫瑰海岸附近既海鮮餐廳大快朵頤，享受一場舌尖上既海鮮盛宴。

地址：廣東省深圳市龍崗區深葵路 551 號

第二站：「深圳版鐮倉」官湖村

從玫瑰海岸出發，開車 20 分鐘就到官湖村，呢座被叫做「深圳小沖繩」既海濱村落，藏住懶洋洋既浪漫。官湖村三面環山，南臨大海，4.5 公里既黃金海岸線被奇礁異石分成五個各有特色既沙灘，沙灘潔白細膩，海水清澈見底。村落入面仲有超過 80 間風格各異既民宿，情侶可以沿住海邊棧道悠閒散步，欣賞海浪拍打礁石既美景，大家亦可以搵一間鍾意既咖啡廳，飲下咖啡都得，而鍾意文藝既情侶仲可以係村落既文創小店周圍行下，揀啲原創手工藝品，為旅程增添獨特既紀念。

住宿方面，可以揀一間官湖村既鄰海民宿入住，如果追求更高端既體驗，亦可以揀大鵬新區既佳兆業萬豪酒店，酒店東臨金沙灣，有私人沙灘同無邊泳池，房間奢華舒適，配套設施完善，情人節期間仲會推出浪漫佈置同專屬服務。

地址：深圳市大鵬新區葵沖街道官湖村

【港人北上你要知】自從通關之後，好多香港人都會選擇放假時，離開香港輕鬆下，不論係短期既 1 日往返，或者 2-3 日，又或者係去個 5-7 日既旅行。作為大都市既香港，交通設施同配套真係好完善，大家無論去邊，都有好多方法同選擇可以前往目的地，而且我地⋯⋯　繼續閱讀

第三站：大鵬所城

第二日朝早，告別官湖村出發去大鵬所城（或叫大鵬古城），深圳保存得最完好既古城，大鵬所城佔地面積大約 46.5 萬平方米，由大鵬所城、東山寺、較場尾三個片區組成，窄街小巷由石塊鋪成，道路兩旁既明清風格房屋整齊排列，青瓦蓋頂，雕樑畫柱，處處透住歷史既厚重感。情侶可以拖住手穿梭係古街小巷入面，尋覓藏係角落既老字號鋪頭，亦可以參觀古城入面既將軍府第、海防博物館，了解深圳既歷史變遷同海防文化。係古城既城牆上面，可以俯瞰整個古村既風貌，隨手都可以拍出復古感十足既情侶相。古城入面既文創小店都值得行下，傳統既手工藝品、特色既文創產品，都係唔錯既手信選擇。

係大鵬所城玩到中午，不如試下當地既客家菜同粵菜風味。

地址：深圳市龍崗區鵬飛路

第四站：金沙灣

午餐之後，坐車去金沙灣，邂逅浪漫既海上日落。金沙灣被《中國國家地理》雜誌譽為「中國八大最美沙灘」之一，兩公里長既金色沙灘綿延不絕，海水湛藍清澈，三面青山環抱，一面碧波萬頃，景色靚到唔敢信。情侶們可以除低鞋，赤腳踩係軟綿既沙灘上，沿住海岸線漫步。如果鍾意刺激既情侶仲可以體驗水上摩托、帆板等水上項目。

日落之後，就可以收拾行李準備返程。如果時間充裕，不如係金沙灣附近既糖水鋪稍作停留，叫兩份當地特色糖水，例如綠豆沙、雙皮奶、楊枝甘露等，清甜爽口，為呢場浪漫之旅畫上甜蜜既句號。

地址：深圳市龍崗區大鵬街道下沙社區棕櫚大道 33 號

$688

$828

呢場兩日一夜既情侶浪漫之旅，既有自然風光既壯美，又有人文景觀既韻味，仲有美食同住宿既加持，等每一對情侶都可以係呢度留低屬於彼此既浪漫回憶，小編之前亦有介紹大鵬灣六大景點打卡位，大家有興趣亦可以去了解下。同心愛之人相約深圳深度遊，等山海為證，等愛意綿長。當然，如果無時間去玩，或又唔想出去同人逼住，可以叫我地 Kama Delivery 專為情侶設計既二人餐：Kama Sweet for TWO，係屋企簡簡單單過二人世界！

聯絡我們