購物車內無任何商品
posts
香港寵物共享公園推介【7大毛孩放電好去處】
香港寵物共享公園推介【7大毛孩放電好去處】
最近香港發生好多同狗狗有關嘅負面新聞，究竟點樣放狗係最安全有保障呢？其中一個選擇就係到寵物共享公園，呢啲地方都係允許市民帶狗隻或者其他寵物，而且佢地遍佈全港九新界，好大機會係你屋企附近都會有一個。今次小編就簡單咁介紹一下其中七個，睇下邊個啱你心水：
新界：寵物共享公園
沙田區：寵物同樂園
寵物同樂園係一個迷你寵物公園，但介紹嘅原因係因為雖然佔地不大，但所有設施幾乎都係為寵物而設，包括攀爬、障礙、平衡木等，最大亮點除咗有3 米高嘅巨犬柴柴坐陣呢個打卡位外，當然係地點位置，置身於香港其中一個最大型的購物中心，交通便利，就算跨區去都非常方便。最新消息指，場地正進行升級改造工程，預計將於2026年10月重新開放。
大埔區：海濱公園
大埔海濱公園係寵物共享公園，而家公園嘅公享範圍更由原本嘅400平方米擴展至約27,400平方米，包括碼頭嘅海濱長廊，寵物共享公園範圍24小時開放，而為保持公園環境衛生﹐公園設有多個狗糞收集箱，就算夜晚去都唔怕「踩地雷」，仲可以同毛孩邊散步邊欣賞海景、吹吹海風。
沙田區：彭富公園
沙田彭福公園位處沙田馬場中央，被喻為全港最美寵物公園，擁有大片草地及三個人工湖極盡優美，而響2009年嘅「香港最佳園林」選舉中更躋身第四名，名次僅次於香港海洋公園，不過要留意沙田彭富公園有機會因為其他用途關閉，去之前可以到下面連結查清楚先出發。
【狗聚美食】Kama野餐盒
香港島：寵物共享公園
南區：數碼港海濱公園
香港區寵物共享公園就不得不提數碼港海濱公園，佢個無敵大海景View唔駛講就知打卡必去，但對於毛孩你影唔影唔緊要，佔地6萬平方米、一大片遼闊無邊嘅草地，足夠毛孩跑足一日，而且數碼港海濱公園同時適合野餐或燒烤（必須無火燒烤），放完電順便食飽飽先走，身為寵主嘅你又點可以唔去。
中西區：加多近街寵物共享公園
佔地200平方米嘅加多近街寵物共享公園雖然唔算好大，但在香港區尤其西環果邊非常受歡迎，除咗24小時開放之外，更特設寵物角，可以響入面解除束縛，讓毛孩肆意奔跑，發洩活力，可見公園亦有尊重毛孩的需要，同時顧及毛孩嘅安全。
【貓中暑】夏天到啦，屋企有貓主子既話，真係要好好留意佢哋既身體狀況，事關寵物一樣會中暑。家貓平時比較矜貴唔捱得，一旦中暑除左會出現各種症狀，如果情況嚴重仲隨時會令寵物致命，如果發現得太遲就真係返魂乏術。所以各位貓奴係炎炎夏日千奇唔好大意⋯⋯ 繼續閱讀
九龍：寵物共享公園
觀塘區：觀塘碼頭廣場寵物公園
觀塘碼頭廣場寵物公園位於觀塘海濱旁邊，可以邊放狗邊沿觀塘海濱前往。寵物公園內設有毛孩最愛嘅大片草地作奔跑，亦有其他專俾狗狗玩嘅娛樂設施、寵物專用飲水機及沖身設施。而附近餐廳一般都係寵物友善餐廳，玩飽正好同毛孩一同出發覓食。
九龍城區：啟德車站廣場
啟德車站廣場佔地超過12萬平方米，咁大嘅空間絕對足夠俾毛孩們盡情狂奔，而且附近落成嘅AIRSIDE亦係近年興起嘅寵物友善商場，入面唔少餐廳都歡迎顧客攜帶寵物，所以無論係室內定室外，都放心可以同寵物一齊共聚快樂時光！
以上七個寵物公園推介各具特色，就算同毛孩跨區放電都值得，狗狗需要運動，亦需要學習社交，而各位主人亦可以認識到不同嘅朋友，互相交流經驗，下次約埋放狗有傾有講就更開心，而對於戶外或室內進行毛孩聚會嘅飲食安排，我哋Kama Delivery嘅美食到會服務絕對可以滿足你嘅需求，貨架上超過100款單點美食、甜品及飲品的選擇，亦有為唔同人數而設嘅美食到會套餐，無論你參與嘅狗聚係響香港、九龍或新界，訂購滿$688都可享免運費地面交收服務。
歡迎隨時瀏覽我哋網站或者WhatsApp我哋客服人員查詢美食到會訂購詳情及安排，同時希望你及你嘅寵物都可以透過我哋嘅寵物公園推介，共同享受快樂的「親子」時光。
聯絡我們
追蹤我們延伸閱讀
部份圖片出處｜Pexels
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
