6個小朋友生日好去處推薦【港深兩地慶祝冇難度】

講到慶祝小朋友生日，家長都會用盡腦筋，想幫小朋友安排一個特別又難忘既慶祝節目，家長除左會Book個Party Room，約埋子女D同學仔、朋友仔一齊去慶祝，或者去迪士尼玩同Staycation，又或者而家好多人會係冒險樂園搞生日Party嫁，我地小編之前都有出左一篇有關「冒險樂園生日會【分店收費及食物預訂詳情】」，大家有興趣，亦可以參考下。

不過小編今次係分享6個香港同深圳既地方，俾各位父母可以安排帶小朋友去慶祝生日之餘，又能夠增加爸爸媽媽同仔囡既感情，小朋友亦可以輕鬆一下，真係Win Win雙嬴嫁。

小朋友生日好去處推薦（深圳篇）

Meland Club親子遊樂園係國內有名既兒童遊樂園，深圳有4間分店，分別係龍華壹方天地、萬象天地、壹方城、深業上城，而且每間遊樂園分店都有唔同既主題，地方又大，又多遊戲玩，有成100種唔同既遊戲俾小朋友玩嫁，例如有模擬城市、波波池、運動挑戰、攀岩、蹦床、滑梯、卡通動漫、職業體驗、親子體驗等，小朋友可以換上唔同服裝，體驗廚師、消防員、醫生等既職業，仲可以體驗小型賽車。

而且Meland Club除左遊戲設施之外，仲有自己既餐廳同Café，設計既風格同概念，充滿童話既儀式感嫁。

如果想小朋友接觸到動物，各位爸爸媽媽可以安排一次親親動物既活動嫁，深圳野生動物園係國家第一個放養式既野生動物園，佔地面積大約64萬平方米，野生動物超過300種唔同既品種，而且數量有近萬隻野生動物，甚至有唔少世界珍禽名獸，國家一、二級既保護動物，例如華南虎、金絲猴、東北虎、火烈鳥、麥哲倫企鵝、長頸鹿、斑馬、亞洲象、丹頂鶴和犀牛等，而且野生動物園仲有由自己繁殖出黎既虎獅獸同獅虎獸，十分之珍稀嫁。

野生動物園內分三個區域，有食草動物區、猛獸區同有7個表演場館既表演區，大家可以去猛獸區試下餵老虎、獅子或者大熊，又或者去觀賞猛獸等，如果唔敢去餵老虎，亦可以選擇去餵長頸鹿嫁。餵完動物，再可以去睇動物表演，《百獸盛會》、《馬戲小鎮》、《歡樂的海洋》等，真係好多元素俾大家選擇，一定有一款岩家長俾小朋友係生日時一個特別既親親動物體驗。

香港既海洋公園同迪士尼公園，大家都可能去到悶，小編今次介紹深圳歡樂谷俾大家，位於華僑城既大型主題遊樂園，同時係第一批國家5A級旅遊景區，面積達35萬平方米。有9個主題冒險區，包括西班牙廣場（園外）、魔幻城堡、冒險山、金礦鎮、香格里拉雪域、異度空間、颶風灣、陽光海岸、歡樂時光、瑪雅水公園，超過 100 種遊樂設施，而且除左刺激既機動遊戲之外，仲有魔幻城堡入面既 20 幾個親子游樂項目，十分岩一家大細去玩嫁。

如果大家有時間，不妨黎一次2日1 夜既慶生親子節目，因為深圳歡樂谷出面附近有一個商場，益田假日廣場，入面有條食街，方便大家玩完去食餐飯，行下街咁。食完仲可以返益田假日廣場上面既酒店–深圳益田威斯汀酒店，又或者隔離行1分鐘左右路程既酒店，仲要係洲際集團旗下品牌既酒店，叫深圳威尼斯英迪格酒店 (Hotel Indigo)，呢2間酒店真係好方便，小朋友玩到攰，食埋野，就可以返酒店休息啦。

門票同酒店方面，大家可以上去D旅行購票既平台，例如Klook、KKday、Trip.com等既平台格下價，又可以經濟實惠之餘又可以趁小朋友生日，帶佢地返去輕鬆下。

小朋友生日好去處推薦（香港篇）

小朋友生日可能父母未必有假帶佢地返大陸慶祝，又或者想邀請仔囡既同學仔、朋友仔一齊慶祝聚一聚，咁小編介紹埋3個香港既地方俾大家參考下，安排小朋友生日去邊既地方。

佔地過萬呎既探游館，分左幾個主題專區，包括全港首個結合左真實海洋生物同投影效果既光影海洋觀景窗、夢幻水母萬花筒、VR海洋探秘之旅、水母實驗室、海洋兒童樂園，同埋特色餐飲區等，探游館仲可以搞生日會嫁。

小朋友除可參與一系列既體適能挑戰之外，仲可以用VR扮演小魚係水母傘下探索。又或者去水母實驗室認識水母生態，同了解唔同水母種類既特徵，仲有機會同水母進行安全既零距離接觸，都係唔錯既經驗同體驗。

大家疫情期間可能最常去酒店Staycation，所以小編今次介紹俾爸爸媽媽去一次豪華露營（英: Glamping），Glamping其實係由Glamorous加Camping 兩個英文字組成既，又叫奢華露營，簡單D講，就係咩露營工具都唔使準備，只要同商家預訂就可以啦，方便到同去酒店staycation差唔多，Glamping而家好多國家都好HIT嫁，例如日本、韓國、泰國同澳洲等。小編今次介紹位於元朗既雞公嶺附近既Glamping 營地，「人生海海Ahh Picnic」，係一個一站式既露營專門店，分成3種，包括海灘區域、草地區域及野餐區域，仲會提供埋野餐佈置服務，亦有唔同既主題，幫小朋友搞生日會都幾簡單方便嫁，而且仲可以俾小朋友享受一個特別既露營生日會。

位於大埔既蝶豆花園佔地50萬平方呎，蝶豆花園除左會提供餵食草泥馬既收費活動外，仲有必玩既活動同打卡位，例如天鵝湖親子遊船河、花海、遊樂園同願望島，仲會提供一D興趣工作坊，例如蝶豆花特飲製作班、蝶豆花曲奇製作班同蝶豆花蝴蝶酥製作班等。另外，蝶豆花園餐廳仲會提供一系列蝶豆花既特色小食，例如蝶豆花特飲、蝶豆花茶、蝶豆花砵仔糕或者蝶豆花冰，十分岩一家大細去玩同體驗大自然。