消委會推薦7款咖啡【職場達人必備】

相信好多返辦公室既職場達人，返到辦公室習慣會沖一杯咖啡作為每日返工既開始，或者開個會議開成個鐘頭，點都要呷一口咖啡提提神，如果唔係分分鐘俾上司或者老闆捉到你開會恰眼瞓就大劑啦，相信好多香港打工仔每日都唔止飲一杯咖啡㗎喇，小編今次介紹俾各位職人7款咖啡，根據2023年消費者委員會（消委會）檢驗左市面上49款咖啡產品樣本，而其中47款有致癌物，46款就有除害劑，都咪話唔驚，所以小編介紹消委會既咖啡名單內7款咖啡等大家飲得健康D啦！

不過建議各位職場達人要注意一下咖啡因既攝取量，成年人一日既量大約300至400mg之間，如果攝取過量咖啡因既話，可能會引致咖啡因中毒既風險嫁，而一杯大約240ML既咖啡會含有220mg咖啡因，由於根據美國精神病學協會《精神障礙診斷和統計手冊》中提出，過量攝取咖啡因會引起焦慮、失眠、影響胃泌素釋放，以及腎衰竭問題，所以建議成年人一日內唔好飲多過2杯咖啡。

另外，消委會既咖啡測試結果中，亦有提出即溶咖啡粉既咖啡因含量比起其他類咖啡產品，即係咖啡豆、咖啡膠囊同咖啡粉要高，49款咖啡產品中以「Keycoffee 深度烘焙混合即沖咖啡」、「Resiprocate咖啡豆」、「Segafredo咖啡粉」為例，飲2杯就已經超出左成年人每日建議既攝入量。