【潮語2025】20個作為父母要知既最新潮語

作為父母或者職場老手，相信大家都希望後生仔女、年輕一代無代溝，奈何而家好多野都日新月異、推陳出新，就好似D潮語咁，真係不停出新，稍為慢一拍，都唔知人哋講咩，所以當後生仔女講緊D奇怪既詞彙，作為長輩嘅你當然要知道佢地既意思，咁就可以拉近2者既關係啦，仲可以令到年輕人更願意同自己溝通。

小編之前都有介紹過20個潮語，各位爸爸媽媽可以溫故知新之餘，再係今次學多20個潮語嫁，特別係有幾個人名一定要識。

【香港網絡潮語】新手上司同00後溝通唔到？總是同Z世代格格不入？咁你就就先要融入佢地嘅溝通文化喇，每個時代都會有屬於大家既潮語，特別係而家社交網絡咁發達既社會，潮語日新月異，相信大家一定見過聽過，或者好常會用到，學懂潮語更有助隱藏真實年齡⋯⋯　繼續閱讀

2025年潮語 1. SLDPK

SLDPK當然唔係指「成龍打保錡」啦，當時MIRROR成員姜濤、Edan、Jeremy開Live跟粉絲互動既時候，因為姜濤唔明SLDPK既意思，所以Edan就解釋SLDPK係「成龍打保錡」，其實真正既意思係「笑L到P街」，形容一件事非常好笑。後來更出現另一個意思，林家謙重新定義SLDPK為「少年的拼勁」。

2025年潮語 2. Polly Shum

Polly Shum代表「玻璃心」，形容D人好容易因為其他人既一句說話而受傷。

2025年潮語 3. Molly Yau

Molly Yau代表「無理由」既廣東話諧音。

2025年潮語 4. Franics Kong

Francis Kong 代表「廢L事講」既廣東話諧音。

2025年潮語 5. Siu Nancy

Siu Nancy代表「笑L死」、「SLS」既廣東話諧音，同「Siu4」笑死既意思差唔多。

2025年潮語 6. 張中和

張中和並非係人名，而係「尊重我」既普通話諧音，意思係希望其他人會尊重。

到會外賣小食

$208

$388

$288

$238

2025年潮語 7. KamL

KamL意思係形容奇怪既人，又或者係做左D奇怪既野。

2025年潮語 8. 廢水

廢水源自澳門，代表一D高糖分、高熱量既台式飲品，例如珍珠奶茶等。除左「廢水」一詞，Gen Z（英語：Generation Z，簡稱Gen Z，Z世代）都鍾意用「肥仔水」去形容汽水或者D邪惡飲品。

2025年潮語 9. 老Best

老Best係指「Best Friend」好朋友、老朋友既意思，亦即係以前既人講既「BFF」。

2025年潮語 10. 脆 / 脆友

脆意思係指社交平台Threads，因為最初唔少台灣網民認為「Threads」難讀，所以就用中文「脆」代表Threads。同時，脆友亦代表Threads既用家。另外，有部分人因為睇錯左「脆」成「跪」，所以亦有人會叫Threads做「跪」。

2025年潮語 11. M3

「M3」係黎自英文「You know what I am saying.」既縮寫，主要是係確認對方係咪理解自己既觀點，等自己感受到被認同或得到反饋，有唔少Rapper都會用到呢句，如果讀快D，個音聽起黎就似係「Nam sayin」或「Yum sayin」，即同M3既普通話差唔多發音。

2025年潮語 12. Damn

「Damn」原本係指「該死」、「可惡」等表達憤怒或惱怒既意思，除此之外，仲會表達成「非常」、「超級」、「十分」，例如「This is damn delicious.」，之前已經有唔少網友會用「Damn」，呢排又再次成為大家愛用既潮語，更加有唔少人將「Damn」同「M3」結合，變成新既潮語，同搞笑既諧音梗，例如「M3大飯damn」，意思係指台灣既「圓山大飯店」，「停Damn」即係停電。

大學REU美食 | 上莊、OCamp、爸媽Gathering、開Sem飯、聖誕REU、新年飯、週年晚宴 | Kama Delivery到會幫到你！

【REU 食乜好】要講起人生最開心果幾年莫過於大學時期，正正是人生最青春最自由嘅黃金時間，大家成日講大學5件事，即係上莊、住Hall、返Part Time、拍拖同瘋狂REU（小編冇好好認真讀書），除咗玩得開心，更令大家有更多機會去拓展人脈。講起安排，最煩唔係諗ocamp⋯⋯　繼續閱讀

2025年潮語 13. I人E人

I人E人源自於16型人格測驗（Myers-Briggs Type Indicator，MBTI），由美國作家Katharine Briggs同佢個女Isabel Briggs Myers所提出。將能量態度（I／E）、資訊思維（S／N）、判斷思維（T／F）、反應態度（J／P）進行二分法，排列組合後就產生左16種人格類型，按首字母組成人格類型，顯示出唔同既性格傾向。

而當中最多人討論既就係「I人」同「E人」，Introvert代表內向慢熱人，Extrovert代表外向熱情人。

2025年潮語 14. 社恐 / 社牛

社恐同社牛2者，其實同「I人」「E人」有D相似，都係形容人既性格，社恐指社交恐懼，社交中表現得很弱勢，不敢同他人溝通，生性內向。而社牛係指社交牛逼症，社交上表現得非常強勢，鐘意同其他人互動，甚至極度自我，不畏怕他人既眼光，簡單D講，即係「只要我不尷尬，尷尬的都是別人」。

2025年潮語 15. 硬

形容型爆和勁爆既人或事，非常出色。同另一個潮語「Firm」一詞意思都幾相近既。

2025年潮語 16. 收到你

「收到你」意思係表示明白或者收到訊息。

2025年潮語 17. 感建分

「感建分」意思係關於感情既所有問題，都一律建議分手。

2025年潮語 18. 點部署

「點部署」即係下一步應該要點做，或者要點樣解決問題。通常都會用黎問人意見。

2025年潮語 19. 少癲 / 大癲

「少癲」同「大癲」用黎形容一個人瘋狂或者誇張既程度，少癲表示少少瘋狂或誇張，而大癲就係指極度瘋狂或非常誇張。

2025年潮語 20. 打羽毛球

「打羽毛球」呢個潮語，不單止成為社會熱話，更加成為國際媒體熱門話題。「打羽毛球」源自香港教育局2024年公布既中三公民、經濟與社會科教材內容，教材中建議學生當感到有性衝動時，「去球場打羽毛球」作解決同分散注意力，而引起社會熱議同嘲諷，甚至仲登上國際媒體，包括美國《紐約時報》、英國《BBC》、韓國多家媒體都有跟進報導，「打羽毛球」變成左新性暗示既潮語，而「羽毛球友」就成為「砲友」既意思。