4款辦公室提防小人植物【附兩大擺設方法】

出黎社會做野點都會遇到過一D小人呀，平時返工時間長，對住同事既時間仲多過屋企人同朋友，面對呢專業職場小人，大家肯定想盡方法去避免或者減少自己身邊出現呢D小人，令工作做事順利D，同D同事相處又好啲，至少工作氛圍都開心啲，小編介紹4款辦公室防小人植物俾大家，希望幫到大家啦。

虎尾蘭（學名：Sansevieria trifasciata），又稱「岳母舌」，係公認既「天然清道夫」空氣淨化植栽，因為佢得到美國太空總署（NASA）既認可，虎尾蘭既葉係會吸收室內80%以上有毒物，可以淨化空氣。虎尾蘭唔單止係室內空氣淨化植物既佼佼者，而且出名非常容易照顧，適應能力非常強，所以好適合係辦公室養嫁。而且有助於降低工作中的既失誤率，減少俾小人陷害。同埋虎尾蘭有保護、招來好運、錢財同擁有正能量既能力。

又稱黃金葡萄或鑽石葉，或萬年青，代表好運、招財、增加旺氣，生命力頑強，遇水就可以存活，完成係「隨便種，隨便活」，超級容易照顧同打理既室內植物之一。而且黃金葛亦係具有強大既空氣淨化能力，被視作有消除負面能量、淨化磁場既功效。

空氣鳳梨，空氣鳳梨屬於鐵蘭屬（Tillandsia），另稱空氣草、鐵蘭花，被稱為「地表最強植物」，因為空氣鳳梨唔需要泥土，只需要水同陽光就可以正常生長啦。空氣鳳梨能夠淨化空氣，同時有吸收負面能量既功效，能化解辦公室中既煞氣和同不良既磁場，仲可以招貴人嫁。

常見空氣鳳梨，包括西班牙青苔、白蜻蜓、紅寶石，分別都有唔同既功效。西班牙青苔可以吸收負能量，帶來平和；白蜻蜓淨化磁場，提升健康；紅寶石招桃花運，增進人緣。

象牙團扇又稱白烏帽子、白桃扇，屬於仙人掌科植物其中一種，亦係多肉植物，葉片扁平、呈扇形，有時被覆蓋著絨毛或刺。象牙團扇有密密麻麻既白色細針，可以驅逐小人、增加防禦力。所以象牙團扇唔單止可以擋小人，外表呈節狀，有節節高升既含意，所以趨吉化煞，還可以係職場上有好兆頭。

如果大家太忙無時間照顧植物，小編提供辦公室防小人擺設方法俾大家。