購物車內無任何商品
posts
水解奶粉 vs 普通奶粉
水解奶粉 vs 普通奶粉
市面上有唔同既牌子既奶粉，到底自己BB適合飲邊款奶粉呢？相信對好多新手爸爸媽媽黎講，係件非常重要既頭等大事，因為係BB既主食，提供俾BB既所有營養，所以要搵到一個適合既奶粉真係好重要。小編今次同各位新手爸爸媽媽分享一下水解奶粉係咩？
咩係水解奶粉？
水解奶粉（英：Hydrolyzed Formula），又稱水解蛋白奶粉，顧名思義，就係一種經過特殊工藝處理既配方奶粉。
佢同普通奶粉最核心既唔同，就係對牛奶蛋白既處理方式，普通奶粉入面既牛奶蛋白係完整既大分子結構。而水解奶粉就會用生物酶解技術，將呢啲完整既牛奶蛋白切成細細粒既片段，即係「肽」。
呢個過程有啲似人體消化系統既初步分解步驟。根據水解既程度，水解奶粉又可細分為2種，部分水解配方奶粉 （英：Partially Hydrolyzed Formula (pHF)）、深度水解配方奶粉 （英：Extensively Hydrolyzed Formula (eHF)）。2者既分別係部分水解奶粉只係將蛋白質切斷成相對較大既片段。而深度水解奶粉就會將蛋白質分解得更細、更碎，甚至接近氨基酸既水平。
水解奶粉同普通奶粉有咩分別？
分別1. 蛋白質結構唔同
普通奶粉含有完整既牛奶蛋白分子，而水解奶粉既蛋白質則被分解成咗細細粒既片段。
分別2. 適用人群唔同
普通奶粉適用於大多數對牛奶蛋白耐受良好既BB，但水解奶粉就係為左有敏感風險、消化不適，或者已經確診敏感BB設計既特殊配方。
分別3. 口感同價錢唔同
由於蛋白質被分解咗，水解奶粉通常會帶有少少苦味，口感冇普通奶粉咁好。同時，其生產時既工序更複雜，所以價錢都會比普通奶粉貴啲。
水解奶粉有咩好處？
水解奶粉主要係為左解決BB對牛奶蛋白不耐受或者敏感既問題。
水解奶粉好處1.
有效降低敏感風險
呢個係水解奶粉最主要既優勢，部分水解奶粉可以作為預防性選擇，特別適用於有家族敏感史既BB，深度水解奶粉係治療輕中度牛奶蛋白敏感BB既標準處方，因為蛋白質片段夠晒細，通常唔會引發免疫反應。
水解奶粉好處2.
緩解消化唔舒服
因為BB既腸胃功能仲未發育完善，完整既牛奶蛋白對佢哋嚟講可能會好難消化，容易導致嘔奶、肚脹、喊唔停等既問題，而水解蛋白會更容易俾BB既腸道吸收，從而減輕呢啲消化不適等症狀。
水解奶粉好處3.
減少胃酸倒流
由於部分水解奶粉既配方通常會調整為更稠厚既質地，而呢種質地有助於減少BB嘔奶同胃酸倒流既情況。
【嬰幼兒生熱痱】大家屋企既小朋友或初生BB既都會常見係頸部、面部、包尿片既位置出現d粒粒，到底係咩原因會令到小朋友有呢d粒粒？又係咩黎？其中一個情況，有機會係生熱痱，因為熱痱係嬰幼兒夏季最常見既皮膚問題之一，主要成因係汗腺堵塞同汗液滯留⋯⋯ 繼續閱讀
水解奶粉適合邊個飲？
水解奶粉並唔係所有BB都需要飲，主要適用於以下3類有特殊需要既嬰幼兒。
水解奶粉適合對象1.
有家族敏感史既高危BB
如果爸媽或者兄弟姊妹有哮喘、濕疹、食物敏感等問題，BB就屬於高風險群體。醫生通常會建議由出世開始就用部分水解奶粉嚟預防。
水解奶粉適合對象2.
已經出現輕微牛奶蛋白不耐受症狀既BB
如果BB飲咗普通奶粉之後，成日無啦啦喊、嘔奶嘔好勁、肚脹，又或者疴便便好辛苦，醫生都有可能會建議幫BB試下轉用部分水解奶粉。
水解奶粉適合對象3.
牛奶蛋白敏感既BB
如果BB出皮疹、嘔吐、肚瀉，甚至疴血等典型既敏感反應，仲經醫生診斷BB確認為牛奶蛋白敏感之後，通常會處方深度水解奶粉。但係極少數嚴重既情況下，先會用到氨基酸配方奶粉。
BB有咩不適反應而有可能需要飲水解奶粉？
不適反應1. 皮膚方面
BB既面、頸或者身體其他部位出紅色、癢癢既皮疹，嘴既周圍出現紅腫，或者尿片區域出嚴重紅疹。
不適反應2. 消化系統方面
經常餵完奶之後，BB都會成日大量吐嘔奶，甚至呈現噴射狀嘔吐。另外，個肚摸落去會有鼓脹既，BB又會成日彎腰、蹬腳、喊唔停咁。除左上面既情況，BB疴便便既次數明顯增多、質地稀爛，又或者疴便便好乾硬、好辛苦，甚至嚴重D疴便便時會有血絲。
不適反應3. 其他表現
BB會無明顯原因既情況下長時間喊、扭計，大人點安慰都冇用。又或者BB既體重增長唔理想，低過正常生長曲線。
香港小朋友到會套餐
新推出
$1088
新推出
$1688
新推出
$2388
$688
$268
$70
$138
$198
$168
$128
$828
$1088
BB既一日幾餐，而且初生BB只可以飲奶，所以真係要好小心，再加上佢地既腸胃功能未完全成熟，各位父母一定要留意同留神。如果BB有可能出現類似以上既不適情況，但係千祈唔好自己亂咁幫BB轉奶粉，應該及時帶BB去睇醫生，等醫生做專業評估同診斷，BB係唔係需要飲水解奶粉，同埋飲邊一種，都應該聽醫生既專業建議。
我地Kama Delivery有好多時都會收到媽媽查詢搞百日宴或者小朋友生日會，所以我地既一口小食到會套餐同Little Friend Set兒童餐都係十分受歡迎嫁，無論Party係細搞定大搞，我地都有唔同既人數套餐提供，一定有一款適合大家。
聯絡我們
追蹤我們延伸閱讀
部份圖片出處｜Pexels
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
