頌缽音療4大好功效【音樂治療壓力？】

頌缽音療4大好功效【音樂治療壓力？】

大多數都市人無論係工作、生活、健康、金錢或者家庭方面，都會有唔同程度既壓力，特別生活係香港呢個高壓城市，大家平時會點樣舒緩呢？近年出現左一種利用音頻去療癒身心既治療方法，小編講緊既係【頌缽治療】(英文：Singing Bowl Sound Therapy)。但到底咩係頌缽音療？原理又係點？頌缽經常會用係瑜伽、靜心、冥想或平衡脈輪等課程體驗。

頌缽音療其實屬於音樂治療（英文：Music Therapy）或聲音冶療(英文：Sound Therapy)既一種，專門為左治療用既西馬拉雅頌缽，主要以銅和錫為主要成分，由西藏及尼泊爾地區流傳，又被稱為西藏頌缽（英文：Ibetan bowl）、尼泊爾頌缽或喜瑪拉雅缽（英文：Himalayan Singing Bowls），頌缽原理係一種會發出療癒聲音既樂器，震動既頻率較深，保持既時間又會較長，另外，每個頌缽既音調會對應七個脈輪，而有所唔同，用特定手法去敲擊頌缽，令到頌缽發出和諧共鳴聲音，好處係引起人體組織細胞產生和諧共振嘅功效，例如令腦電波、心率、呼吸節奏等頻率與同頌缽既頻率平衡，從而處理生理和心理上既問題，有返個良好既平衡狀態。

人體既7個主要脈輪（梵文:「Chakra」），分佈係身體唔同地方，脈輪從血液開始，再經內分泌腺體、內臟、神經系統、經絡等發展出來既能量中心，伸延同包圍住人體，而成為氣場，對應身體、心理、情緒狀態，當有壓力或者身體出現唔平衡，身體能量“氣”既流動就會唔流通或受到干擾，最初會先出現係脈輪同氣場上，做成能量“氣”不足或阻塞，身體開始會攰，如果壓力太大，身體同心理層面就會出現不舒服，再嚴重仲會病，例如心律不正、消化不良等，心理上可能係失眠、焦慮、抑鬱等。

頌缽療法係將頌缽放係身體唔同部位附近或直接放係身上，再敲打頌缽，音頻和振動會由頭頂傳至腳底，俾身體既細胞同頌缽既音頻產生共振，從而重新調整、淨化、激發身體既能量流動，打開阻塞左既脈輪，或者疼痛，唔舒服既部位，慢慢回復到平衡協調既狀態。

根據研究證實，使用頌缽音療可以令到大腦從亢奮既β波（beta）下降至α波（alpha），而當我們進行頌缽冥想時，大腦都會產生α波。當完成頌缽音療後，心跳會放慢、呼吸頻率減緩，有助放鬆神經，從而令人體及大腦容易進入睡眠狀態，頌缽好處咁多大家不妨體驗一下。