【聖誕親子工作坊】5個推介盡享親子時光

想增添聖誕氣氛？聖誕親子工作坊會係一個好選擇嘅節日活動，除咗係一段難能可貴嘅親子時光之餘，小朋友同家長仲可以共同創造聖誕擺設或具聖誕色彩嘅手作DIY，放響屋企粉飾家居，有助提高節日氛圍，讓小朋友無時無刻都見到自己嘅傑作，呢份滿足感非筆墨所能形容，Kama Delivery為你推介5個聖誕親子工作坊，係俾小朋友盡情揮霍創意嘅舞台，同時亦可鍛鍊手腦協調能力及美感，第一個推介，當然係聖誕節嘅代表，聖誕樹及聖誕花環工作坊。

聖誕親子工作坊推介 1. Lavish Florist 聖誕花藝工作坊

位於屯門黃金海岸嘅Lavish Florist，一直都有舉辦聖誕花環、手工聖誕樹、聖誕擺設嘅工作坊，雖然報名費用比起坊間嘅同類型工作坊較貴，但其成品的確高質。而且地理位置夠哂浪漫，位處充滿歐洲風情嘅黃金海岸商場，順便可以同小朋友一齊打卡，留返個美好回憶！

聖誕親子工作坊推介 2 .Soulsoap 聖誕手工肥皂工作坊

Soul Soap工作室位於荔枝角，Soul Soap「夕夕手皂工作室」於 2020年初成立，工作室導師曾到台灣、韓國等地學習及深造手工皂專業知識，並獲得多個日韓手工皂證書資格，如TIST，SSDA，KACA，Aromatica Labo，108 Lab等，而聖誕工作坊內容亦相當豐富，包括聖誕小屋手工皂、聖誕雪人造型手工皂、薑餅人聖誕黏土皂等，每人可即場攞走5-7件肥皂作品，視乎肥皂工作坊嘅類型。

聖誕親子工作坊推介 3. Art Storeroom 聖誕雪花馬賽克燈工作坊

記得細時父母都會響聖誕節帶小朋友睇燈飾，例年聖誕不妨欣賞自己親手做嘅燈飾，Art Storeroom舉辦聖誕雪花馬賽克燈工作坊，時間約1個鐘班1個半鐘，今年Art Storeroom小夜燈係以雪花圖案作為主題，共4個畫面讓參加者進行馬賽克拼貼創作，而小夜燈有感光及儲能功能，同太陽能電筒剛剛相反，有光唔會著，但一入夜就會自動照亮，小夜燈上的馬賽克拼貼畫面亦在這一刻閃閃發亮，盡顯典雅。

【兒童生日派對食物點揀？】第一個出嚟嘅一定係老麥，炸薯條、炸雞、漢堡、汽水、果汁，全部係小孩至愛，有好多家長認為唔係成日食，唔健康都冇咩所謂，當然每個細路仔生日會一年一次，但小朋友亦會參與其他小朋友嘅生日會，隨時今晚打完邊爐，第二日又去老麥⋯⋯⋯⋯　繼續閱讀

聖誕親子工作坊推介 4. Meow Art Coffee 貓貓陪你過節

各位家長有無諗過仔女可以同貓貓們過聖誕呢？係柴灣嘅Meow Art Coffee今年就可以幫你達成呢個想法！玩貓之於，仲可以一齊合力完成可愛熊啤啤永生花、聖誕樹浮遊花、3D聖誕拉花，一定夠哂療癒呀！

聖誕親子工作坊推介 5. California Pizza Kitchen 聖誕版小廚神薄餅製作

小廚神大家都聽得多啦，有無諗過你嘅小朋友都可以係？今年California Pizza Kitchen就可以幫你嘅小朋友成為小廚神，俾佢自由發揮，揀最愛嘅配料，創造出獨一無二嘅薄餅，有得玩又有得食！

延伸閱讀

訂購到會服務熱門問題【不斷更新】

新手訂購到會必睇【網站手機落單圖文教學】

聖誕節到會外賣2025 【預訂教學篇】

【小朋友點樣寄信俾聖誕老人許願？】推薦6個聖誕老人收信地址

感恩節 vs 食火雞【感恩節火雞外賣2025】

【聖誕節家中也需儀式感！】5個質感聖誕裝飾推介

＊未經許可，以上文章不得轉載或引用＊

＊以上資料只供參考，如有變動或錯誤，恕未能立即更新＊