【每年情人節有幾多個?】細數15個情人節的意義

情人節有幾多個 | 細數15個情人節的意義

【每年情人節有幾多個?】細數15個情人節的意義

成日話香港女仔好著重儀式感,情人節、生日、拍拖週年、結婚週年、相識週年等;咩節日都要慶祝一番,男士們食飯送禮走唔甩,但大家又知唔知道到底一年有幾多個情人節呢?每年2月14日同3月14日大家都知道啦,但原來每個月既14號又係咩情人節呢,除左12個情人節,原來東方仲有3個你又知唔知?想搵多啲藉口氹女朋友開心,就要記低以下15個重要日子嘅意義!

1月14日:日記情人節
(Diary Day)

細數情人節意義 | 起源係韓國,顧名思義日記情人節

起源係韓國,顧名思義「日記情人節」就係俾情侶2人互相交換日記,互相記錄未來一年會發生既所見所聞,所有經歷既事情,又或者係未來一年既發展目標,一一寫落係日記度,等之後2人可以回味下,每年紀錄一次一段細水長流嘅愛情故事。唔知大家會唔會有呢啲小情趣呢?

2月14日:傳統情人節
(Valentine’s Day)

情人節有幾多個 | 華崙亭主教秘密幫青年人舉行婚禮,為要紀念他,就將2月14日訂為華侖亭日

2月14日既呢個情人節,大家都好耳熟能詳啦,唔使小編講都知道呢一日。但大家又知唔知道佢既來源呢?有2個說法,不過一啲都唔浪漫,西元3世紀,羅馬皇帝為左避免已婚既男子有理由而唔當兵,所以發佈左一道禁止結婚既法令,但華崙亭主教依舊違背皇帝旨意,秘密幫青年人舉行婚禮,搞到俾人捉去坐監, 直到2月14日係獄中死左,後來啲人為左要紀念他,就將呢日訂為「華侖亭日」,後來慢慢就成為世人認可既情人節。

愛情三角理論|愛的3種元素

【愛情三角理論】有無諗過愛情都有分7種類別? 而且會係由3種元素排列出唔同既組合。喺人類嘅世界,愛情一向都令人難以捉摸既,正所謂問世間情為何物呢?愛情嘅魔力令人又愛又恨,令你快樂又可以痛苦,變化莫測,而美國心理學家史坦伯格Dr. Robert Sternberg喺1986年⋯⋯ 繼續閱讀

3月14日:白色情人節
(White Day / ホワイトデー)

情人節有幾多個 | 石村萬盛堂發起以3月14日向愛人回禮的日子

白色情人節相信大家都知道係日本興起既,但係大家又了解幾多關於白色情人節? 通常女仔會係2月14日同心儀對象告白,然後對方同樣有好感,就會3月14日回禮同埋告白既,如果收到回禮就代表出POOL啦!

點解會叫白色情人節?事源係咁既,1977年既時候,日本福岡市博多區既一間菓子(甜點)製造商「石村萬盛堂」所發起既,以一個「3月14日情人節後向愛人回禮既日子」活動作推銷,所以最初期係叫「糖果贈送日」(キャンデーを贈る日),1980年開始用白砂糖製造佢地既糖果,於是後面就叫做白色情人節啦。

4月14日:黑色情人節
(Black Day)

細數情人節意義 | 黑色情人節像11月11日既光棍節

過完白色情人節,韓國呢邊又有一個黑色情人節出現,而呢個黑色情人節就有少少似我地11月11日既光棍節,因為仲未脫單,所以一班單身狗會係4月14日一齊慶祝,全黑打扮,食既野,飲既野,全部都會以黑色為主。想知光棍節係咩?可以參考我地之前篇文章:

【慶祝光棍節?雙11又有咩故事起源?】

【派對必備】甜品到會

5月14日:黃色與玫瑰情人節
(Yellow & Rose Day)

情人節有幾多個 | 韓國5月14日無脫單可以穿黃色代表自己感情狀態

係韓國,如果來到5月14日呢日,都係無脫單既話,又或者有少少眉目,但依然無咩進展,可以係呢日著件黃色既衫,就代表自己既感情狀態係Available,暗示其他人仲有機會嫁。另外,因為5月係玫瑰既萌芽季節,天氣唔錯,適合情侶去郊遊同野餐,所以又叫玫瑰情人節。值得留意既一點,就係送玫瑰花都要小心,送錯顏色會好大鑊嫁,紅色玫瑰係傾訴愛意,白色玫瑰係代表個人十五十六,猶豫未決,如果係黃色玫瑰,就代表拜拜,所以唔好送錯呀。

6月14日:親親情人節
(Kiss Day / キスの日)

細數情人節意義 | 起源於台灣情侶6月14日相互送上親吻的相片,於是將這個日子叫做「親親節」

6月既親親情人節來源有2個,一個係日本5月23日搞既活動「キスの日 Kiss Day」,流行左一段時間之後,傳到去台灣,然後成為左親親情人節。另一個講法,起源於台灣既一個網路社群,呢個社群成員每年會係6月14日相互送上親吻的相片,於是將這個日子叫做「親親節」。

7種創意求婚方式idea分享|Kama Delivery專營到會外賣速遞服務

用咩方法求婚好?結婚是人身大事,求婚告白自然亦相當重要,創意求婚方式的心思愈細緻,成功率當然愈高,以下介紹7種創意求婚方式Idea建議,有浪漫、簡單、驚喜的流程橋段;不再是當眾跳舞求婚半強迫,亦不需要土豪般大灑金錢,女生是感性的動物,她們要感受的⋯⋯ 繼續閱讀

7月14日:銀色情人節
(Silver Day / 실버데이)

情人節有幾多個 | 7月韓國情侶亦會互相送銀製品俾對方

去到7月啦,呢日韓國人通常會帶對象返屋企見家長,而且情侶亦會互相送銀製品俾對方,又或者係交換介指等。

8月14日:綠色情人節
(Green Day)

細數情人節意義 | 綠色情人節源自東歐國家,例如捷克、斯洛伐克等,意義宣揚綠色、環保和樂活精神

綠色情人節源自東歐國家,例如捷克、斯洛伐克等,原本呢日嘅意義係宣揚綠色、環保和樂活精神。另外,亦有唔同既講法,就係韓國人好著重情人節,每個月都慶祝一次情人節,所以比較浪費同大量既消耗品,於是大家開始關注環保議題,而且提倡過一個綠色環保情人節。

9月14日:音樂與相片情人節
(Music & Photo Day)

細數情人節意義 | 韓國情侶會9月14日互相送對方音樂CD

韓國情侶會係9月14日互相送對方鍾意既音樂CD,又或者一齊去CLUB享受音樂會或者派對,而且好多情侶會係呢日同天空合照,於是就有呢個音樂與相片情人節啦。

10月14日:葡萄酒情人節
(Wine Day)

情人節有幾多個 | 10月適合情侶飲紅酒共進晚餐

10月開始已經進入秋天,非常適合飲返杯紅酒暖暖胃,情侶互相共進晚餐,共度呢日情人節,紅酒配牛扒或者芝士就最適合不過啦!

情人節到會推介2023|二人外賣一樣可以食得浪漫

情侶拍拖慶祝食咩好?今年比較幸運嘅因為防疫措施減除而多咗選擇,旅行無限制、堂食無限制、但選擇留港拍拖慶祝,又唔想同人迫的話,Kama Delivery情侶到會服務無疑係最佳選擇,主打溫馨2人到會套餐「Sweet for TWO」,如果打算響室外地方慶祝情人節的話⋯⋯ 繼續閱讀

11月14日:橙色情人節與電影情人節
(Orange Day Movie day)

情人節有幾多個 | 11月適合同另一半去戲院睇電影

11月既時候,秋高氣爽,植物都開始轉成橙色調,加上適合同另一半去戲院睇場電影,又或者留係屋企睇套NETFLIX 或者Disney+,簡單慶祝呢一日情人節啦。

12月14日:擁抱情人節
(Hug Day)

細數情人節意義 | 韓國人覺得情侶間要有定期抱抱習慣去維繫一段感情

去到12月,已經一年啦,冷冰冰既冬天,韓國人覺得呢一日,應該要熱烈擁抱一下另一半,令到呢一日情人節更加Warm,而且有顯示,「擁抱」有好多好處,包含括促進腦內分泌「催產素」(Oxytocin),可以令人感到幸福同知足,又可以改善憂鬱、降低壓力、增強自信等,所以情侶間要有定期抱抱習慣去維繫一段感情!

豪華海鮮二人「炭」世界餐


免運費的地面交收服務


適合慶祝情人節、結婚週年紀念日、二人世界等場合享用


套餐內容涵蓋湯品、小食、海鮮、主食、甜品等


點我查看完整餐單

當然,除左12個西方情人節之外,我地都有傳統既情人節,同新興既情人節嫁。

元宵節 (Lantern Festival / Yuanxiao)

細數情人節意義 | 元宵佳節係農曆正月十五,又叫上元節,小正月、新十五、元夕、小年或燈節

元宵佳節係農曆正月十五,又叫上元節,小正月、新十五、元夕、小年或燈節。通常呢一日大家都會食湯圓,代表團團圓圓,然後又會賞花燈、猜燈謎。元宵節來源有好多種講法既,最常見就由於以前古代年輕女性係比較少機會外出同接觸到異性,而元宵節就係可以見面同外出認識異性既日子,所以逐漸變成中國情人節啦。

七夕節 (Chinese Valentine’s Day / Double Seventh Festival / Qixi Festival)

細數情人節意義 | 七夕節係台灣既中國情人節,農曆七月初七,又名乞巧節、七巧節、七姐誕

七夕節係台灣既中國情人節,農曆七月初七,又名乞巧節、七巧節、七姐誕。原本七夕節最先係班織女想好似玉皇大帝既第七個女兒咁,擁有一對巧手,好手藝,所以就以七夕為名,祈求擁有眼明巧手。另外,相傳就係同牛郎與織女有關既,被賦予左美麗愛情既傳說,漸漸傳開象徵愛情既節日。

520網絡情人節 (Network Valentine’s Day)

情人節有幾多個 | 網絡情人節係指5月20日同5月21日,屬於一個信息時代既愛情節日

網絡情人節係指5月20日同5月21日,屬於一個信息時代既愛情節日,又叫結婚吉日、表白日、撒嬌日、求愛日。起滅源於歌手范曉萱既一首歌—數字戀愛中520既國語諧音音節就似我愛你,另外,521就代表我願意或者我愛你既意思。後來網絡上一D平台開始大肆宣傳,特別係香港人最常用既天貓,淘寶等,都會推出好多520限定優惠。

Kama Sweet for TWO


免運費的地面交收服務


適合慶祝生日、拍拖、結婚週年紀念日、Staycation等場合享用


套餐內容涵蓋湯品、小食、海鮮、主食、甜品等


點我查看完整餐單


小編統計左一下,一年有15個情人節!而大多數既情人節基本上都起源於韓國,證明呢個國家嘅情人幾咁重視情人節。但近年來好多國家都巧立名目將情人節商業化左,少左原本情人節嘅意義。不過,小編覺得其實日日都可以係過情人節咁開心嫁,唔使等每個月既14號,只要大家同另一半相處舒服、幸福就日日都可以慶祝,Kama Delivery 情人專屬2人外賣套餐Kama Sweet For TWO,有齊海鮮、小食、甜品,仲全港免運費,直送屋企、酒店、野餐地點都冇問題架!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Pexels

*未經許可,以上文章不得轉載或引用*