【BBQ到會推介2023】 燒烤控必睇

【BBQ到會推介2023】 燒烤控必睇

講起BBQ你會諗起邊度？Kama Delivery燒烤套餐外賣服務，無論係天台、露台、Party Room、甚至屋企都可以秒變燒烤場，配合免運費送貨服務，正宗去到邊燒到邊，Kama Delivery「炭一炭」燒烤拼盤外賣讓你真正感受炭燒嘅樂趣，集合所有BBQ工具，讓大家乾手淨腳盡情享受燒烤樂趣，大家如果食過炭燒火鍋，炭燒香氣令人沒齒難忘，經炭烤嘅食物與別不同，那正是炭燒的魅力。

炭燒燒烤爐同傳統BBQ都係用炭燒，有咩分別呢？傳統BBQ因為每舊炭大細不一，而且透爐又要花時間功夫，有啲位會唔夠熱，可能只夠燒腸仔，而火旺嘅地方放得近又易燒燶食物，放得高隻手會攰，有時叉唔實跌埋落啲炭度，只能在一聲問侯中重新開始燒，以Kama Delivery燒烤炭爐BBQ，由於炭粒大小一樣，而且好似六合彩開彩前咁整齊排列好，燃燒時間長達2.5小時，每一個位置都有足夠嘅熱力，無須透爐技巧，只需3分鐘即可透爐成功，而且炭粒唔會著火，燒烤食物冇咁容易燶，享受真正嘅炭燒燒烤。

介紹「炭一炭」燒烤拼盤內BBQ食物清單之前，想講講個炭爐，所謂燒烤靠炭爐，一定好味道，但必需知道點用，安全第一。首先，訂購Kama Delivery BBQ外賣套餐嘅客戶會收到一個用紙盒包裝嘅燒烤爐，唔好咁心急掉左個盒，個蓋有用，沿虛線撕開俾你放個燒烤爐上去，然後用火柴將四角嘅炭粒點燃，待全部炭粒變白，將燒烤網置於爐面，就可正式燒烤，詳細使用方法可以觀看以下片段。

當然，燒烤爐最好響室外應用，天台、露台、郊外野餐、甚至沙灘都可以，但室內的話要留意，炭爐燒烤不能用於無窗或空氣唔流通嘅地方，否則會有危險，如果室內應用，最好將燒烤爐置於抽油煙機底下，空氣流通之餘亦避免成間屋都係燒烤味道。

BBQ仲買燒烤包？「炭一炭」燒烤拼盤嘅燒烤包包裝精美，食物種類包括肉類、海鮮、蔬菜，連菠蘿都有埋，燒烤到會套餐更備有三種醬料，包括蜜糖醬、秘製泰式辣汁、日式燒汁等，最週到嘅係為左方便大家響戶外使用，呢個BBQ套餐更附送一系列室外燒烤工具，包括燒烤食物掃、即棄手套、濕紙巾、壓縮毛巾、食物鉗，有別於以前燒嘢食，買呢樣買果樣好似玩收買佬咁，仲要自己拎去燒烤場，Kama Delivery BBQ到會外賣為你省卻麻煩，同朋友搞燒烤Party，盡情享受炭爐燒烤嘅歡樂時光。

BBQ 到會外賣套餐內容豐富，食物清單中含五款肉類、四款海鮮、蔬菜配料更達六款之多，份量適合4-5個成年人份量，食物以分格食物盒分門別類並以label貼上食物名稱，開箱儀式感爆燈，筆者建議先燒海鮮，再燒肉類，最後燒蔬菜類，肉類味道較濃，所以先食海鮮，蔬果清甜亦有助解肉類嘅油膩感。