HR點樣做得好？【5大工作心得你要知】

HR 即係Human Resources人力資源部門，大家對HR嘅認識都係圍繞著招聘請人、計糧、人事變動等職能，但HR嘅工作又點會咁簡單？大公司人力資源部團隊動輒幾十人，本文就綜合咗關於HR嘅5大工作心得，同時會剖析HR嘅工作，對於一間公司或企業嚟講，HR到底有幾重要呢？

首先，HR與人事部係有分別嘅，日常工作如招聘、入職、離職、出糧等係人事部嘅職能，所以人事部是人力資源中的一部分，其他仲包括鞏固企業形象、文化及精神，所以每間公司、企業基本上都有人事部，但唔一定有 HR 人力資源管理部門，而除咗人事部嘅工作外，HR 嘅職能仲包括以下各項：

包括員工薪酬、職位升遷嘅條件，福利、假期、獎金、雙糧等制度都由人力資源部負責，除咗要留住員工，推動員工進步外，同時要維護公司利益，例如員工團體醫療保險、員工購物優惠等，都要平衡雙方利益，在有限框架中俾員工最大嘅福利。

員工培訓及發展亦係人力資源部嘅負任，除咗對新入職同事外，升職或轉職嘅員工都需要面對新嘅工作環境及職能皆需要專業培訓，培訓內容亦係經人力資源部與各部門磋商，而員工嘅表現評估標準，亦係由HR與各部門主管制定，並不斷因應環境改變而優化內容及細節。

每個打工仔都希望公司珍惜自己，公司口口聲聲所講嘅大家庭，如果只係咀上功夫，未免誠意有缺，好多公司企業都有舉辦員工活動，包括團建、開年飯、尾牙、節日派對、員工生日會等，讓員工建立默契、加深認識，有助提高工作效率之餘，亦增強員工對公司嘅歸屬感，而組織活動嘅重任，亦落在人力資源部門HR身上。

員工與老闆未必可以面對面對話，尤其外資企業，總部設於外國，海外員工對公司嘅意見反映，或者勞資糾紛都會交由人力資源部門處理，根據公司嘅政䇿，甚至法例解決雙方矛盾，同時亦係員工嘅傳聲筒，過濾所有訊息，保留最有價值的意見，向管理層匯報。

所以HR要做得好，並非請人、計糧咁簡單，由於唔係間間公司都有HR部門，所以人事部會充當HR處理上述所有職務，亦因為咁好多人將人事部同HR劃上等號。

職場生存大家都係要爭表現，突顯自己嘅重要性，尤其銷售行業，如果你每個月爆數，甚至唔會有人理你返工準唔準時，對同事嘅態度，你一樣會萬千寵愛在一身，因為在職場上個人價值大於一切，甚至老闆都要忌幾分，但如果功勞並非體現在個人價值，而係團體價值，咁又應唔應該讓出功臣之位，邀功其實要分階段性：