購物車內無任何商品
posts
2027年犯太歲生肖必讀錦囊【羊年戴咩飾物好？】
2027年犯太歲生肖必讀錦囊【羊年戴咩飾物好？】
2027 係丁未羊年，雖然距離農曆新年仲有一段時間，但已經有唔少人關心自己有冇犯太歲。2027 年屬於羊的本命年稱值太歲，係犯太歲類型中影響最大，命理上「犯太歲」係一個統稱，背後源自十二地支之間五種互動關係刑、沖、破、害，所以分成值太歲、沖太歲、刑太歲、破太歲、害太歲。所以所謂犯太歲，正正係個人生肖所屬地支，同流年太歲地支出現相值、相沖、相刑、相破、相害，兩組氣場產生摩擦、拉扯，令全年運勢起伏變大。
素食到會選擇
素食
素食
$68
素食
$88
素食
$80
素食
$98
素食
$128
素食
Price range: $168 through $188
十二地支刑沖破害鐵則
首先理清十二地支刑沖破害鐵則，呢套規則可以令你快速分辨自己有冇犯太歲。值得留意，刑、沖、破、害係四套獨立運作嘅系統，互不排斥，同一個地支有機會同時觸發多種關係，形成雙重犯太歲。
地支相沖
六沖分別為子午相沖、丑未相沖、寅申相沖、卯酉相沖、辰戌相沖、巳亥相沖，每一組地支兩兩正面對峙。
地支相刑
三刑分四大類，無恩之刑寅巳申相刑、恃勢之刑丑未戌相刑、無禮之刑子卯相刑，以及辰午酉亥自刑。
地支相破
六破為子酉相破、午卯相破、巳申相破、寅亥相破、辰丑相破、未戌相破。
地支相害
六害則係子未相害、丑午相害、寅巳相害、卯辰相害、申亥相害、酉戌相害。
2027 邊四個生肖犯太歲？
2027丁未年，流年地支為「未」（羊），因此一共有四個生肖犯太歲，分別係屬羊、屬牛、屬狗、屬鼠。命理角度，犯太歲並非洪水猛獸，只係運程比較顛簸，面對困難時做錯決定，後果亦會更加明顯。自古以來，犯太歲除咗攝太歲、行事低調、偏靜避動及多行善積福之外，佩戴適合嘅飾物，亦係最普及、最方便嘅方法去調和氣場。
🐐 屬羊：地支未
流年地支同自身地支相同，稱為值太歲（本命年），伏吟格局，容易情緒反覆、事業易原地踏步、重大決策多、人際關係波動。
🐂 屬牛：地支丑
丑未戌三刑同丑未相沖，屬於刑太歲＋沖太歲雙重犯太歲，官非、小人纏擾亦帶沖代表的撞擊、變動，容易出現搬遷、轉工、合約爭執、意外開支。
🐕 屬狗：地支戌
丑未戌三刑同未戌相破，即刑太歲＋破太歲雙重犯太歲，是非、小人纏擾，同時計劃容易臨門生變，內外壓力夾擊。
🐀 屬鼠：地支子
子未相害，稱為害太歲，亦叫六穿，代表暗中消耗、無形誤會、合作出現隱藏問題。
【香港公司開張茶點到會】公司開張茶點點安排？每間公司開張盛典只有一次當然要盡善盡美，根據統計2023年香港共有超過130,000間新公司開張，而參與公司開張嘅單位可以係老闆、員工、客戶、合作夥伴等，所以亦係公司形象對內、外嘅第一印象，茶點及飲食⋯⋯ 繼續閱讀
犯太歲就戴紅繩？
事實當然唔係咁簡單，佩戴飾物背後有完整地支五行邏輯，核心原理係「以合解衝」：利用生肖六合、三合貴人，透過貴人地支作為橋樑，緩和同太歲地支嘅對立摩擦；其次透過材質五行，平衡流年帶嚟嘅氣場失衡，減低刑沖帶來嘅負面影響。
屬羊｜值太歲（本命年）
地支：未土
運勢特點：伏吟自坐，容易思慮過重、壓力大，事業、感情容易迎來重大轉變，「太歲當頭坐，無喜恐有禍」，適宜多參加喜事衝動起伏氣場。
推薦佩戴飾物：兔形玉墜、馬形飾物、黃水晶、朱砂紅繩
未羊嘅六合貴人係卯兔，三合貴人係午馬。佩戴兔、馬造型飾物，依靠「六合、三合相合」嘅力量，將單一伏吟嘅燥土氣場穩定落來，減少情緒內耗。五行方面，未屬燥土，黃水晶五行屬土，可以固本穩定自身氣場；朱砂自古係陽氣充沛嘅材質，能夠抵擋雜氣，適合本命年佩戴。盡量避免帶大量啡色土屬性飾品，容易加重土氣壅塞。
屬牛｜刑太歲＋沖太歲（雙重犯太歲）
地支：丑土
運勢特點：丑未兩土正面相撞，屬於歲破，全年充滿突發變動，容易出現搬屋、轉工、財務突發開支，人際容易產生正面衝突，簽約務必加倍審慎。
推薦佩戴飾物：蛇、雞飾物，蛇、雞為三合貴人，減少刑帶來的是非爭執。另外，鼠形飾物、黑曜石、銀飾都適合。
丑牛六合貴人係子鼠，沖太歲最忌硬碰硬，最佳化解思路唔係直接對抗，而係「以合化沖」。透過鼠、蛇貴人地支，從中作為緩衝，調和丑未之間嘅衝撞。丑未同屬土，兩土相戰，容易氣場燥熱，黑曜石五行屬水，可以潤土降燥；金屬銀飾能夠洩土氣，舒緩兩土相沖帶來嘅矛盾。盡量避免尖銳造型飾物，會加劇「相沖」嘅對峙氣場。
屬狗｜刑太歲＋破太歲（雙重犯太歲）
地支：戌土
運勢特點：同時遇上丑未戌三刑、未戌相破，四大犯太歲類型之中壓力最大，刑代表長期是非、小人、官非爭拗；破代表暗中破損、項目中途生變、信任破裂，做生意、合作人士需要格外留神。
推薦佩戴飾物：兔形吊墜、虎、馬造型飾品。
戌狗六合貴人係卯兔，三合貴人係寅虎、午馬。雙重犯太歲，氣場多重拉扯，最需要六合貴人穩定根基。卯兔與戌狗相合，可以優先化解未戌相破；虎、馬作為三合貴人，舒緩三刑帶來嘅糾紛，盡量避免過多木質飾品，木會加重相刑嘅矛盾。
屬鼠｜害太歲（子未相害）
地支：子水
運勢特點：相害亦稱六穿，唔似沖太歲咁明顯動盪，但屬於暗地消耗，表面相安無事，內裏容易出現誤會、被人暗中拖累、付出得不到回報，財運容易有無形耗損。
推薦佩戴飾物：牛形吊墜、龍、猴造型飾品、綠翡翠、綠檀手串。
子鼠六合貴人係丑牛，三合貴人係辰龍、申猴。子未相害，水土相戰，需要依靠相合地支打通氣場。牛係子鼠六合貴人，最能直接化解相害帶來嘅暗中阻礙；龍、猴作為三合貴人，增強自身貴人運，減少小人暗算。五行上，水與土相害，需要「木」作為五行通關媒介，翡翠、綠檀五行屬木，可以令水土不再相戰，化敵為友。盡量避免大量黃色土屬性飾物，會加劇子未相害。
要記住犯太歲就算做任何儀式或者佩戴配飾，都唔可以完全避免犯太歲為運程帶嚟嘅影響。犯太歲年份依然要守幾個基本原則：重大投資、創業、簽長期合約不宜過於衝動、避免捲入他人是非爭執、定期體檢，留意身體狀況。
玄學之說只能作參考，能力範圍之內，唔影響日常生活情況求個心安理得亦係人之常情，最緊要都係不斷強化自己嘅能力，唔好原地自封，好似我哋 Kama Delivery 會不定時檢視菜單上面嘅食品，根據顧客嘅意見推陳出新，多個多人到會套餐、超過 100 款單點食品，仲有素食者專屬產品，滿足所有人嘅要求及習慣，單一訂單金額滿 $688 仲免運費送到樓下，派對飲食必點，公司活動預備，歡迎瀏覽我哋網站或者聯絡我哋嘅客服人員查詢到會美食訂購詳情及安排。
聯絡我們
追蹤我們延伸閱讀
部份圖片出處｜Magnific
＊如以上圖片有所侵犯版權，請立刻告知，我們會盡快作出修改＊
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
