初生BB可唔可以飲嬰幼兒茶？

新手媽媽對於自己第一次做媽媽，相信大家都有好多野都係要摸索，而且亦唔知點處理，特別係BB係夜晚喊唔停，但又唔知BB喊咩，肚餓？要換尿片？唔舒服？係扭計要大人抱住瞓？之前小編都有分享過BB喊唔停既原因，同5個簡單方法去氹BB。但講真，作為新手父母，BB喊既原因真係可以好多，有咩方法可以幫手？市面上出左一D嬰幼兒茶，聲稱可以解決BB唔肯瞓既問題，但係呢D嬰幼兒茶BB飲唔飲得嫁？

市面上最出名既2款嬰幼兒茶係「開奶茶」同「七星茶」，主要功效係幫助BB開胃去濕、清熱消滯，仲有助緩解BB驚啼或夜啼，同安定BB情緒。

雖然2款都叫茶，但其實佢地成份係含有多種中藥藥材，所以屬於中誘藥物，並非普通既茶類飲品。

「開奶茶」主要成份包括生熟薏米、燈芯花、赤小豆、淮山藥、白扁豆、葛根、雞內金、淡竹葉、盧根、炒山楂、麥芽、谷芽、尖檳片、白芍、麥冬、羚角絲等多種草藥。「開奶茶」可以針對腸胃脹氣等消化不良，從而幫助消化同提高小朋友食慾，調理腸胃，並有效改善小朋友因奶粉而引起既熱氣。

「七星茶」主要成份包括薏苡仁、稻芽、山楂、淡竹葉、鉤藤、蟬蛻及甘草等7種草藥。七星茶有助幼兒寧神安睡、清熱下火、改善腸道消化。

2款茶都有中藥成份，咁BB可唔可以飲嬰幼兒茶？

初生嬰兒，即0-6個月大既BB，世界衛生組織（WHO）明確建議佢地既飲食應以母乳或配方奶作為唯一既營養來源，係唔建議飲用任何形式既「幼兒茶」或其他飲品嫁。因為新生BB既腸胃同腎臟功能都仲未發育完全，如果攝入左非母乳或配方奶既液體，可能會導致消化不良、腹脹，或電解質失衡。另外，嬰幼兒茶亦有可能佔據左BB胃容量，從而減少吸引母乳或配方奶既量，影響BB既營養攝取同生長。萬一小朋友係對中藥有過敏，更就好危險嫁啦。

為左確保初生BB既健康同安全，各位父母切勿自行俾任何茶類、果汁或傳統偏方。如果有疑問，或者特殊既需求，記得搵專業醫療人員查詢同了解，避免風險。