小朋友幾歲可以打HPV疫苗？【了解兒童免疫接種計劃】

小朋友幾歲可以打HPV疫苗？【了解兒童免疫接種計劃】

近幾年會好常聽到或者見到有關HPV疫苗既廣告宣傳，但係，HPV疫苗係有咩用途？係咪只可以女性先可以打呢只疫苗？小朋友可唔可以打？小編幫各位父母綜合左有關一D子宮頸HPV資料，等大家認識多少少。

首先HPV，全名係叫「人類乳頭瘤病毒」，英文：Human Papillomavirus，簡稱「HPV」，HPV包括左超過200 種唔同基因型既病毒，而其中大約有 40 種係會感染人類生殖器官，不論男性定女性都會有機會被感染。HPV係可以透過性接觸而傳播，其中有部分屬於高風險基因型病毒，常見有9種，包括HPV6、11、16、18、31、33、45、52及58型，會引致細胞病變同癌症，經研究證實持續感染可能導致子宮頸癌、頭頸癌、肛門癌、外陰癌、陰莖癌等癌症。女性常見會係持續感染左HPV其中一種病毒，令到子宮頸出現唔正常既細胞病變，有D細胞病變更有可能會係幾年之間演變成子宮頸癌。

HPV疫苗係屬於一種預防性疫苗，能夠預防大部分子宮頸癌，同埋其他因感染左HPV而引致既癌症或者疾病。HPV疫苗適合男女打嫁。

香港而家較為普遍既HPV疫苗有3款，均屬於處方藥物。

世界衞生組織有建議將9至14歲既女童，列為HPV疫苗接種既主要目標對象，可以盡早預防感染HPV引起既子宮頸癌等癌症或者疾病。而「香港兒童免疫接種計劃」下，女童需接種共兩劑HPV疫苗，第一劑會係小學五年班接種，而第二劑就係小學六年班接種。

國際頂級醫學期刊《柳葉刀-感染病學（The Lancet Infectious Diseases）》曾發表左一項關於HPV疫苗保護效力既研究並證實，經過十幾年研究發現，採樣中既接種者體內普遍檢測出HPV中和抗體，最長接種間接已長達12年，而九價HPV疫苗，目前專家普遍認為可以維持至少8年，主要係因為九價HPV疫苗上市時間較短，所以仲處於觀察當中。

其實同大部分疫苗一樣，都會有少量副作用既，各位家長唔使太擔心，建議注射完之後留係診所觀察30分鐘，若症狀惡化，就請盡速向醫師反應情況。